تعالى اقولك ازاى تشترى الخضار وتوفرى كمان

طبعا ساعات الخضرى بيضحك علينا ويحطلنا خضار اى كلام وده بيخسرنا مال وكمان يصعب علينا النعمه الى تترمى
علشان كده اوعى تخلى الخضرى هو الى ينقى وحاولى تجيبى كميه تقعد معاكى لفتره

الملوخيه:
لازم تكون عروقها قصيره بتبقي معسله

بلاش الطويله الهابله بتبقى ماسخه وملهاش طعم

الطماطم:
وفى الايام دى لازم تشيلى الحته الخضرا وتبصى تحتيها
علشان بتبقى مسوسه وباسظه مع انها من برخ زى الفل

الكرنب:
هتخبطي علي الكرنبه كده زي البطيخه والشمامه لوملاينه اتصنتى

كده هاتلاقيها مش بتعمل صوت اوى ولو فاضيه هاتصوت

واوعى تاخدى الى ورقها اخضر اوى كتير ولا الكرنب البطه وحش وطعمه ياساتر يارب

القلقاس:
هاتى الناعمه اما ناشف شويه مش بيستوي بسرعه وكمان مفيش

حاجه اسمها دكر والكلام ده

هتعرفيها ازاي هاتلاقيها مليانه ومدوره مش مسطيله ولا مليانه قشور

وخشنه دى مش بتستوى وبتكلع واحده وواحده
الارنبيط:

هنختار الحلو المليان المكلبظ كده ويكون قريب من بعضه مفيهوش

فراغات لان الى فيه فراغات ده دابلان وطعمه ماسخ ولونه كمان مهم

ميبقاش اسود كدخ دخ مش بيبقى طينه زى مالبياع بيقولك لا ده بيبقى

بايظ ووكلاه الدود ومأثره عليه

البتنجان:
هاتى السودا اوى والخفيفه
التقيله بتبقي ملانه بزر ومره وكمان اختارى الجامده مش الطريه بتبقى مبزره وهلى بالك الورقه الخصرا تبقى مزهزها مش دبلانه

البطاطس:

بطاطس التحمير تلاقيها تخينه جلدتها وعليها طينه وهاتيها الطويله علشان صوابعا تبقى متساويه

وبطاطس الصواني جلدها رفيع وبتلمع كده وهاتيها المدوره علشان تقطعيها ترنشات

وبصلا فيها وقلبيها كده احسن بتبقى مسوسه من جوه

البصل:

اختاري البصل الى بيلمه بلاش الى لازق فى بعضه وتفرحى بيه وتقولى التوأم ههههههههههه لا يا فالحه ههههههههه ده بيبقى فيه حاجات سودا زى البودره وحامى جدا ومش حلو

الجزر:

الصغير الى لونه جميل مش المتختخ ده ولا المعوج ولا الى لازق فى بعضه بيبقى ماسخ

الخيار:

بلاش منه دلوقتى بعد مانطمن على المرض الى فيه اللهم احفظنا

هانقى الاموره الصغنونه السليمه الرفيعه

بلاش الشوم ده بيبقى مليان بذر وبيشرب ميه ومرر

الكوسه:

لو للمحشى هاتى المقلبظه شويه علشان التقوير ولو للطبيخ هاتى الصغيره الحلوه

وهاتكون خضرا كده مش الى بيتحارب بيها دى الشجره كلها مش كوسه يالهوى هههههههه

اللحوم

السمك:
لازم يكون خيشيمه لونها احمر تعرفي انه طازج والاحمر يكون ملعلط مش مكركروم

لو لونها بني مايل للحمار تبقي بقالها يومين او اكتر

لو لونها بني غامق دي بقالها اكتر من 3 ايام ودوسى عليه تلاقيه

جامد وعينيه بتبرق مش مدغشششه وحولا تعالى اقولك ازاى تشترى الخضارالطرى ده بايظ

اللحمه:
هتقولي للجزار اقطعلي من الضلعه الجوانيه كل ماجاور العظم زى ماحبيبنا ورسولنا قالنا عليه افضل الصلاه والسلام

الفراخ:
هاتى الاروبه الى بتجرى وتطنطت فالقفص اما المؤدبه بنت الناس

دى عيانه وطبعا مش هناخد العيانه امو كحله ولبانه هههههههههههه

وكمان بصى على كبدتها لو حمرا صافي تبفى فله اما لو فيها بقع صفرا او فى خطوط سودا لا دى عيانه وكمان تترمى لان فيها دود ممكن يعيش جوه معده الانسان اللهم احقظنا

الوراك

وخلى بالك وانتى بتشترى الوراك اوعى تشترى الوراك الى موجوده

عند الفرارجى لا خليه بيدبح ادامك لان البايته دى بينقعوها فى الميه

علشان توزن وتيجى تحطيها فى الميه المغليه تلاقيها كشت التلات

تربعوبقت ورك ضفدعه مش فرخه

الفاكهه

الموز:
هاتى الصغنن الحلو ده لان الكبير ده عامل زى الكاوتش لاريحه ولا طعم

الفراوله

هاتى الى ليها ريحه مش الكبيره دى بتبقى لاريحه ولا طعم وبصى كويس وهو بينقى علشان ميحطش البايظ

البرتقال:
اختاري الناعم الفاقع اللون
الهشن بيكون مفيهوش ميه

امال عاوزين نبقى ستات اروبات ناصحات

يلا يا بنات بقى قيمونى ولو عجبكم شاركونى

ولو معجبكمش اوهو تسيبونى

كلمه حلوه بيها تفرحونى

ولما يحسبلك الفلوس كلها ابقى نزلى يعنى لو 38اديلو 31 وقوليلو حلو كده انا بشترى منك كميات ولو زمجر اديلو 1 واوعى تزودى هما كدا كدا كسبانين امال هنوفر ازاى هههههههههههه
تعالى وانا اقولك تشترى حاجاتك ازاى وتبقى اروبه ولهلوبه

سجل فى : 27/05/2011

ههههههههههههههههههههههه
عسل يا ام سندس
جزاكى الله كل خير

تعالى اقولك ازاى تشترى الخضار وتوفرى كمان

ردود موضوع : تعالى اقولك ازاى تشترى الخضار وتوفرى كمان

تعالى اقولك ازاى تشترى الخضار وتوفرى كمان