نصااااااااااائح لتخزيــــن الملابــــــس الشتويـــة

╝◄طبعا احنا دلوقتي قربنا ندخل علي فصل الربيع والصيف
وقربنا خلاص نغير الملابس الشتوي ونطلع الملابس الصيفي
وعايزين بقي نخزن الشتوي مشكلة صغننة
عشان كدة حبيت اجيب لكم بعض النصائح اللي تفيدنا
في تخزين الملابس المختلفة والبطاطين
وغيرها

اول حاجة

أول خطوة هتعمليها هي إنك هتفتحي دولابك وهتطلعي كل الهدوم اللي عندك وتحطيها قدامك على السرير، وتبدئي في فحصها قطعة قطعة، وده علشان تشوفي الهدوم اللي فيها أي قطع أو أي شد وتخيّطيها كويس.

الخطوة الثانية
نضفيها كويس

طبعًا السؤال اللي بيدور في دماغك دلوقتي هو: ازاي تنضفي الهدوم الشتوي؟؟

شوفي يا قمر:
بالنسبة للهدوم الصوف:

اللي هي زي "البلوفرات" أو "الباديهات" أو "الكوفيات" فلو هتغسليها في الغسالة يبقى اختاري البرنامج البارد من غير عصر، وبعد كده طلعيها وافرديها على الحبل لغاية ما تنشف.

لكن لو هتغسليها علي إيدك يبقى انقعيها الأول في مياه باردة، وبعد كده اغسليها بالصابون كويس، وبعد كده اشطفيها أكثر من مرة بالمية علشان تتأكدي إن مفيش فيها أثر للصابون وبعد كده سيبيها لما تصفي ميتها، واوعي تعصريها، وبعد كده افرديها على الحبل لغاية ما تنشف.

أما بالنسبة للجواكت الجلد:

ممكن توديها التنضيف أو إنك تنظفيها بنفسك في البيت بإنك تجيبي فرشاة وسط بين الناعمة والخشنة، وتحطيها في مياه بمسحوق غسيل وبعد كده تبدئي في دعك الجاكيت بيها، وبعد كده تجيبي فوطة مبللة بالمياه وتمسحي الجاكيت بيها، وبعد كده تجيبي فوطة تانية بس تكون ناشفة وتنشفي الجاكيت كويس، وبعد كده تعلقيه على الحبل لغاية ما ينشف.

الخطوة الثالثة
شيليها صح
شوفي يا قمر: يا ريت البلوفرات أو أي حاجة صوف عندك تتطبقيها بشكل كويس وتحطيها في كيس الملابس اللي عندك وتحطيها في سحارة السرير وده أحسن حل علشان تحافظ على شكلها ولما تيجي تلبسيها تلاقيها كأنك لسه جايباها..

وبلاش موضوع إنك تعلقيها على الشماعة لأن الشماعة بتبهدل الهدوم الصوف والتريكو وتخليها تترهل.

أما بالنسبة للجواكت الجلد فدي تلبسيها أي كيس ملابس عندك أو حتى كيس بلاستيك كبير، وتعلقيها في الشماعة، وتحطيها في الدولاب.

╝◄خدي بالك قوي من شوية الحاجات البسيطة دي...
دي كمان شوية حاجات يا ريت تاخدي بالك منها وهي:ـ

1 ـ إنك تسيبي الهدوم تنشف كويس جدًّا واوعي تشيليها وهي مبلولة أو فيها أي آثار للمياه؛ لأنك لو عملتِ كده وشيلتيها ممكن يصيبها العفن.

2 ـ بلاش تستعملي الشماعات المصنوعة من السلك الضعيف واستخدمي شماعات مصنوعة من البلاستيك القوي أو شماعات خشبية لأن دي بتحافظ على الملابس أكتر.

3 ـ تخزين الملابس لفترات طويلة ممكن يتسبب في تغيير رائحتها إلى ريحة مش لطيفة، وعلشان تتغلبي على المشكلة دي يا ريت تحطي صابون بريحة وسط الهدوم دي أو تجيبي أكياس معطرة للملابس، وتحطيها وسط الهدوم.

4 ـ لو لقيتِ عندك أي بلوفر أو أي حاجة صوف دايبة يبقى بلاش تشيليها مع البلوفرات السليمة.

5 ـ اوعي تسمعي كلام حد يقولك إنك تشيلي الهدوم وهي مش نظيفة وتبقي تغسليها الشتاء اللي جاي لأن الهدوم اللي مش نظيفة بتجيب العتة والحشرات اللي ممكن تكون سبب في دوبان الهدوم بسرعة
قد تختلف ايضا طرق غسيل وتجفيف وكي الأقمشة واحنا دلوقتي في طريقنا لبداية موسم الربيع و الصيف، إليكي ايضا طرق اخري فعالة للحفاظ على ملابسك الشتوية و تخزينها
نصااااااااااائح لتخزيــــن الملابــــــس الشتويـــة Clothes1

نصااااااااااائح لتخزيــــن الملابــــــس الشتويـــة Clothes1

طبقيه ولا تعلقيه
لتمنعي تمدد الثياب يجب أن تطبقي السترات الصوفية وتحتفظي بها في دولابك، بينما الملابس المحبوكة الخفيفة يمكنك تعليقها ( يفضل السترات المحشوة ذات الطبقات ..

تجنبي إفساد اللون
ضعي أوراقا خالية من الأحماض بين السترات للحفاظ على عدم ذبول أو بهتان الألوان...

استخدمي نبات الخزامى
تجنبي النفتلين ( وخصوصا ذو الرائحة القوية ) واستخدمي نبات الخزامى حيث أنه يحافظ على الأقمشة من الآفات، ويجعلها دائما تفوح برائحة عطرة..

يمكنك عمل حقيبة صغيرة ذو رائحة مميزة، لذا عليك بتجميع أو ربط نبات الخزامى المفكوك في قطعة من القماش الجبني..

دعيه يرتخي
بعد يوم من إرتدائك للسترات الصوفية، قد يتغير شكلها، عليك بوضها بارتخاء على ظهر المقعد لمدة 24 ساعة. يقول الخبراء إن هذا الأمر يساعد الأقمشة الصوفية على الرجوع إلى شكلها الأصلي...

إقرئي التعليمات
إنتبهي جيدا إلى التعليمات، تختلف عبارة " Dry clean only " عن" dry clean " فالأخيرة معناها أنه يمكنك غسل الأقمشة على يديك أو في الغسالة. لفحص درجة ثبات اللون ضعي قطعة قطنية مبتلة داخل القماش...

استبدليه بالأرز
يفضل إستخدام الأرز لحماية ستراتك من الآفات المزعجة، حيث تتضاءل فاعليتها بعد مرور سنة. لا تضعي الألياف النباتية سواء ( القطن أو الكتان ) مع الأرز، لأنها عرضة لتكوين الأحماض ...

كالجواكيت والبنطلونات من الأقمشة الصوفية
وبعض الأقمشة الأخرى يمكنك غسلها في المنزل. نقدم لك أنواع بعض الأقمشة وطرق تنظيفه...

الفلانيل

المصنوع من القطن، يتميز بالصلابة لدرجة يصعب أن تتعامل معه آلة التنظيف، لا تغسلي قماش الفينيل أو تجففيه بمنشفة، لأنه من الصعب إزالة الزغب أو الشعر المجعد...

2-الكاشمير
ضعي قطعة من الكاشمير في الغسالة مع ماء بارد مع المنظف الشفاف pH . لتجفيفه لفيه على منشفة، ثم اتركيه 5 دقائق ثم ضعيه بشكل مسطح على الحبال وذلك لإعادة شكله...

الصوف المحبوك
الصوف المحبوك مثل الفلانيل من الممكن أن يغسل عن طريق الغسالة...

4-الجلد اللامع و الغير لامع
للجلد الملطخ بالطعام ضعي ماء فاتر دافيء ASAP ، ثم اتركيه ليجف وقومي بازالته بفرشاة.
إذا كانت هذه الطريقة غير مجدية يمكنك سؤال إختصاصي الجلود ....

5-القماش الناعم
من الممكن غسل بعض الأقمشة المركبة في الغسالة ولكن الأقمشة الحريرية من الممكن تنظيفها
باستخدام dry-cleaned، لا تستخدمي المكواة لكي الأقمشة الحريرية، لأنها من الممكن أن تجعد النسيج...

إغسلي وجففي الأقمشة الصوفية كما تفعلين في الكاشمير، يفضل بالماء البارد. لا داعي لغسل الملابس المحبوكة بعد كل ارتداء. اسألي المتخصصين في هذا المجال لتعرفي الوقت المناسب للغسيل....

معلومات مهمة ومفيدة جداااااااااااااااااااا

تنظيف الملا بس البقع المختلفة

لإزالـــــــــــة صـــدأ الملابــــس :
************************
كتير مننا فى وقت النشير وخصوصا فى الشتاء مكان المشابك بيعمل صدأ ممكن تشيلى الصدأ دا بسهولة ضعى مكان الصدأ شوية ملح وليمون وسبيه شويه وأغسليه هيختفى تماما إن شااااء الله

لإزالة الدماء عن الملابس، ضعي بعض من دواء
peroxide
على قطعة قماش ونظفي البقعة.

لاإزالة اللبان (العلكة)من الملابس
***********************
انا جبتها من فيديو بس قولت الخصلكو الموضوع

بتجيبي شوية خل وتسخنيه بس مش تغليه
وبعدين تبلي فرشة السنان بالخل السخن دا وتفركيها بيه لحد ماتروح
بعد كده اغسليه في الغساله عادي
وبس

في طريقه كمان مجربه للبان
بنجيب deodorant spray
و نرشه على البقعه.. ونفركها كوسي. و...
و بعدين برضه نغسله

ولو لسه طريه حطي حته ثلج وسيبيها شويه تطلع علطول

لإزالــــة بقــــع القهــــوة:
*******************
لإزالة بقع القهوة من الملابس أو أى مكان بالمطبخ أضيفي قليلا من النشادر للماء واغسليها به ، ثم اشطفيها وجففيها