كورس شوشو للشموع

لسلام عليكم ورحمه الله وبركاتم
ازيكم ياعاشقات انا انهارده حبيت اعمل كورس لتعليم الشموع بكل انواعها
وزى ما انا اتعلمت وعرفت لازم اعلم غيرى وزى ما اتعلمت من المنتدى هنا قولت حقى ليه انى اعلم العاشقات وكمان كلنا عارفين
اسعار الكورسات ازاى في ناس كتير عندها موهبه بس مش عارفه تتعلم وزى ما تعبت وتعلمت لازم اعلم غيرى نبدأ ومش عيب لما نتعلم من بعضينا
بسم الله الرحمن الرحيم
اولا الادوات
1- شمع خام فى البدايا نستخدم شمع ( عامريه - برافين) وهو شمع اصفر وشمع ابيض الكيلو بى 18 او 17 جنيه والشمع هتلاقو فى درب البرابره عند محل اسمو محمد الشماع او احمد شمعه
2-فتيل قطن هتلاقو البكره ب حوالى 8 او 9 جنيه بس بتقعد معاكم كتييييييييييييييييييييييييير وده هتلاقو عند احمد شمعه
3- ستريك وده فى منو نوعين الاول عباره عن حبايبات والتانى قطع صغيره واالاتنين بيدو نفس النتيجه وهو بيدى صلابه للشمعه وفى البدايا هاتو نص كيلو حوالى 6 جنيه وده عند محل اسمو سمير لبيب فى اخر شارع درب البرابره لو ملقتيش عندو اسئلى عن محل اسمو جميل للكيماويات هتلاقيه عندو
4-زيت برافين وفى البدايا هاتو نص كيلو هيقعد معاكم كتير مش عارفين تجيبو ممكن زيت نباتى بتاع الاكل ولو عايزين تجيبو البرافين عند محل جميل او سمير لبيب بحوالىى 9 جنيه
5-شمع صلب وده غالى الكيلو 40 جنيه هاتو ربع كيلو احنا هنستخدمو علشان تدى للشمع صلابه زى الاستريك ولو مش عايزين بلاش بس انا بحط الاتنين وممكن نستخدمه فى حاجات معينه هتعرفوها ما نبدأ
6-صينيه +حلتين صغيرين يدخلو فى الصينيه او كزارونه اى حاجه الومنيوم او استلس لتسيح الشمع +سكينه لتقطيع الشمع +معلقه +معلقه ايس كريم اللى هىا بيستخدموها محلات الايس كريم ودى هتلاقوها فى محلات الادوات المنزليه
7_خله سنان+فرشا+ (صوابع قرفه+يانسون نجم )من عند العطار واى حاجه شيفنها عند العطار حاسين انها ممكن تنفع للتزين هاتوها بس مش دلوقتى لما ندخل فى المجال شويه
8_زجاجات زى كاسات شفافه وفى محل فى درب البرابره اسمو المصرى للمعلبات البلاستيك هترحو المكتب بتاعو هوفى ممر هتلاقو جمبيه محل زجاج رخيص هتلاقو عندوكاسات صغيره وبعض الزجاجات او فى الموسكى عموما هتلاقى او فى اى كاسات عندك فى البيت مش عايزاها
9- اسطمبات عند اى حد بتاع حداد اسطمات اللى هى بنصب فيها الشمع زى مربع وضرورى للشمع المفرغ لاكن المع المدور هقولكم على فكره عارفين المواسير البلاستيك هتلاقو ممكن فى منور البيت عندحدمن قرايبكم ههههههه عند اى حد بيبيع ادوات صحيه هتلاقى كذا مقاس من المواسير وخليه يقطعهالك بى مقاسات مختلفه
وبنزبال الاسطمبات المربعه لازم بتاع استلس زى احدادين يعملهالك ولو ممش عارفين انا بعملها وبسعر رخيص جدا
10- الوان شمع وهى نوعين اولا الوان فسفوريه زى (اصفر -برتقالى-اخضرفاتح-بمبه) والوان عاديه زى (احمر -بنى-عسلى- ازرق-اخضر غامق) وهاتوها من عند سمير لبيب العلبه فى علبه بى 6 وعلبه بى 3 اشترو الالوان اللى عايزينها
11-صلصال بتاع الاطفال بحوالى 6 جنيه او اقل
12-مضرب كهرباء بتاع اكيكه + طبق او حله صغيره
13-زيوت عطريه من الموسكى هتلاقو محلات عطريه خيه يديكى كل زجاجه بى 3 جنيه الروايح اللى تحبيه بس اهم حاجه تقوليلو زيوت
14- شمع جل الكيلو بى 50 جنيه ده هتستخدمو فى حاجات كتير ممكن لو مبتدئه تجيبو نص كيلو وهتلاقو عند سمير لبيب فى اخر شارع درب البرابره
ولو افتكرت حاجه وانا بشرح هقولكم عليها نبد
بسم الله الرحمن الرحيم
اولا. نحط الصينيه على النار وفيها ماء وتستنى لحمد ما الماء تغلى بعدين تحطى الكزرونه او ااتنين علشان واحده تحطى فيها الشمع الابيض والكزرونه التانيه تحطى فيها الشمع الاصفر واول ما تحطى الشمع فى اكزرونه توطى النار واول ما يسيح تحطى فى كل كزرونه حوالى معلقه صغيره استريك فى كل كزرونه بعدين لو هتعملى شمع زى المفرغ او شمعه سميكه تحطى حته صغيره جدا من الشمع الصلب اللى قولنا عليه وتسبيه لحد ما يسيح بعدين نجيب الفتيل نقص قطعتين فتيل طويل والقطعتين طول بعض ونحطهم فى الشمع ونطلعهم علطول واول ما نطلعهم نبرومهم علشان يبقى الفتيل مزدوج عشان عمر الشمعه يكون اطول وبعدين نسيبو ينشف هنلاقي الفنيل جمد وبقى مزدوج
ثانيا. انا جبت شويه صور شموع صعبه شويه على بعض العاشقات زى شمع ايس كريم تورته قهوه عصير كيكه يالا نشوف مع بعض

كورس شوشو للشموع KpfXm

1- دى شمع زى الكيكه
عارفين السلكون بتاع الكيكه اللى بيتحط فى الفرن هو ده هنجيب لاما شكل مثبق لاما مدور حسب ما تلاقو مش هتلاقوها غاليه انا جبتها بى 6 جنيه 6قطع عند محلات الادوات المنزليه
واحنا جبناها من النوع الرخيص لاننا هنستخدمها للشمع فقط
وبعد ما جهزنا القالب اسيلكون ندهنو بالفرشه زين برافين كانك بتدهنى صنينه بتاعت كيكه
وبعدين نصب عليه الشمع الاصفر عشان هينتلون لاكن الابيض نستخدمو زى الشموع المفرغه ااو كريمه الايس كريم او الكيكه
ملحوظه .لو هتعملى كميه من نوع الشمع ده يبقى تلونى الشمع كلو مره واحده باللون ابنى الغامق لو هتعملى قطعه او اتنين يبقى تجيبى طبق ستلس وتحطى فيه بسن خله السنان تلت مرات فى الطبق وتصبى عليه الشمع وتقلبيه
بعدين نصب بسرعه فى قالب وتسبيه ينشف
كورس شوشو للشموع I2wDo

وتعالى نعمل الكريمه اعبال ما ينشف بس نستنى شويه بعدين نعمل الكريمه علشان الشمع بيغيب اعبال ما ينشف لو مستعجله ممكن تحطيه فى الفريزر هتقوليلى ممكن يتشقق او ينكسر اقولكم لا لو ايس كريم كيكه ممكن نحطه فى الفريزيه لانه هيتحط عليه عليه حاجات تانيه فا مش هيحصلو حاجه المهم نجيب الحله اللى قولنا عليها والمضرب ونحط شمع خام سايح الابيض ونضرب بالمضرب لحد ماتلاقى الشمع تقل وبقى عامل زى عجينه الكيكه
كورس شوشو للشموع Xr70D

وبعدين نشوف اذا كان الشمع اللى فى السيلكون نشف نطلعو من الفريزر
ونطلعو من القالب
كورس شوشو للشموع MARap

بس بعدين نروح صبين علىه الشمع اللى االلى ضربنا بسرعه قبل ما ينشف
كورس شوشو للشموع JFdWP

بصو بقى فى طريقتين وضع الفتيل فى الشمع اول وضع ممكن نحط الفتيل قبل ما ما نصب الشمع
والوضع التانى نحط الفتيل لما نخلص الشكل اللى قدامنا هتقولولى ازاى اقولكم نجيب مسمار ونمسكو بالمقص ونسخنو على النار ونحطو فى الشمع هيتخرم علطول نروح مطلعينى وحطين مكانو الفتيل
ملحوظه؛ ممكن لو عايزين الشمع معطر بدل ما تحطو الزيوت العطريه فى الشمع لا انا بحط الفتيل فى الزيوت العطريه علشان يدينى ريحه اكتر يعنى قبل ما تحطى الفتيل فى الشمع نحطو فى العطر وممكن لو كيك زى ده ممكن نحط الفتيل فى عطر الفانيليا هتلاقيه عند بتاع العطور
نرجع لموضوعنا هنا شفتو ازاى بتحطو عجينه الشمع
الخطوه اللى بعديها هنحط حبه شمع صغيرين فى اى طبق فل وبعد لما يجمد ناخدو نقطعو قطع صغيره او نبشرو ونحط عليها من الوش
وممكن الشكل التانى نسيح نحط حبه شمع فى طبق ونحط عليهم لون بنى وونحطهم عى الكريمه من فوق كانك بتحكى شيكولاته
ونسيح الشمع الجل هو بيسيح بصعوبه وبينشف بسرعه اوى شمع الجل عايزه تركيز وسرعه نحط حبه شمع جل لوحديهم ونحط عليه لون احمر ونحطهم من فوقيهم وشوفو الشكل فى الاخر هيبقى عامل ازاى هتنبهرو
كورس شوشو للشموع ByL0N

الشكل التانى ودى زى قطعه الجاتو
اول حاجه طبعا احنا مسيحين الشمع الخام نجيب اسطمبه دائريه وانا قولتلكم بديل الاسطمبه ماسوره ونسبتها على قاعده زى صفيحه صنيه او قاعده زجاجيه ونلف حواليها الصلصال علشان الشمع مايخرجش من تحت هنقلها بالصلصال كويس يعنى نمسك الاسطمبه فى القاعده بالصلصال وبعدين ندهن الاسطمبه زين برافين ونحط حبه شمع يعنى مقدار الاسطمبه ونحطهم فى طبق ونلونهم اللون اللى عايزينو وتحسو انه مناسب للجاتو ونروح صبينه فى الاسطمبه
ملحوظه هنا هنحط الفتيل قبل ما نصب
كورس شوشو للشموع FdgKL

كده الصوره موضحه نفسها
بعدين بعد ما ينشف نفك الصلصال ونطلعو من الاسطمبه ونجى بقى لاهم حاجه
نجيب طبق فل ونحط فيه شمع نفس لون الشمع اللى صبيناه ونسيبو ينشف وبعدين ناخدو نبشرو وبعدين نجيب الشمعه اللى عمناها ونحط زى طاسه على النار فاضيه ونحط الشمع من الجوانب جانب جانب بس يادوب نحس انها هتبدء تسيح نشيلها بسرعه ونحط عيها الشمع المبشور وكذالك لحد ما تخلصيها ولو هتعملى جاتو بالشيكولاته ممكن بدل الشمع المبشور نجيب حوبايبات القهوه او العدس الاسمر ونعملها نفس الطريقه
بعدين نحط شويه شمع بلون مختف زى الاحمر كانو فراوله من فوق او ممكن بداله شمع جل هيكون اروع وهنجيب اسطمبات سيلكون عند محلات اتنين ونص اسطبات صغيره على شكل فرووله او موز اى فواكه قلوب اى حاجه نجيب منها هى بتبقى كذا واحده فى مثلا لو فراوله هنصب فى اربع قوالب ونستنى لما تنشف ونحطهم فوق الشمعه بعد التزين ووممكن نحط حبه شمع ج فوقيهم ملونين احمر هيبقو اروع
كورس شوشو للشموع PchMy

ثالت شكل وده كوب ايس كريم
اولا هنجيب القوالب السيلكون الصغيره اللى قولت عليها مثلا شكل قلوب هبقى اصورهالكم وتشوفوها وممكن بدل القلوب اى نوع فاكه المهم بعد ما تنشف القلوب نطلعها من القالب ونجيب الكوب الزجاجى ده ونجيب غرا بيضه ونلزقها بالعراء الابيض على الكوب من جوه لان الغراء بعد ما بينشف مش بيبان وبعدين نصب الشمع السايح الاربيض وممكن بدل الابيضى ممكن نهلونو اى لون ايس كريم تحبوه وتصبو فى الكوب لحد الاخر وبعدين نحيب المضرب ونعم نفس النظام بتاع اول شكل نضربو بس ده علشان ايس كريم هنفضل نضربو اكتر من عجينه الكيكه لخد ما تحسى انها بقت زى الايس كريم وبعدين نحطها على الكوب ونجيب شمع جل سايح ونلونو احمر ونحط عيه بطريقه عشوائيه وبعدين زى بردو ما قولتلكم فى شكل الاول نسخن مسمار ونخرم بيه الشمع بعدين نطلعو ونحط مكانو الفتيله لان ده من الاشكال اللى لازم نحط الفتيل بعد ما تخلص
كورس شوشو للشموع 5Q4QZ

رابع شكل
اولا نحضر طبق فل ونصب فيه شمع الاصفر الخام ونونو حسب الرغبه وبعدين قبل ما ينشف نقطعو مربقات دواير لو عندكم قوالب الاسطمبات الصغيره بتاعت الكعك او عجينه السيراميك شكل قلب تقطعو تعملو شكل قلب وبعدين بعد ما تنشف تطلعو المرابعات والدواير

كورس شوشو للشموع Am2NH

ملحوظه :ممنوع رمى اى شموع حتى لو كانت بواقى لاننا هنستخدمها فى حاجات زى دى
اى شموع عندك متبقى بواقى جامده او حبه شموع المربعات والدواير اللى قطعناها نحط حبه فى اخر الكاس من اللى قطعناها على اى شموع متبقيه عندك وبعدين نصب عليها شمع جل لون حسب الرغبه
وبعدين تحطى بردو علي الشمع الجل هو بينشف بسرعه تحطى عليه حبه شمع من اللى قطعناهم دول عليها كذا لون وكذا شكل
بعدين نجيب المضرب ونضرب حبه شمع ابيض صغيرين وناخدهم بمعلقه الايس كريم اللى قولنا عليها فوق كل دول وعارفين صوابع القرفه الللى قولت عليها هنجبها ونغمرها فى شمع سايح ملون بنى غامق وونغمرها فيها ونطلعها هتدينا شكل كانو قطعه بسكويت وعليه شيكولاته ونكون مجهزنها قبل ما نضرب الشمع بالمضرب لان اول ما نجط الشمع المضروب نحط فيها علطول القرفه او نحطها قبل ما نحط الشمع المضروب اللى هو زى الايس كريم بعدين احنا قولنا على القوالب اسيلكون الصغيره اللى على شكل فواكهه نصب الشمع فى اى قالب فاكهه صغير وبعد ما يجمد نحطو من فوق وممكن للتزين اكتر ممكن حبه شمع ج ونحط عليهم من فوق بطريقه عشوائيه
بعدين نجيب مسمار نخرم ونحط مكانو الفتيل ولو عايزينو معطر نحط الفتي فى العطر الاول
كورس شوشو للشموع 1z9Tx

خامس شكل وهو سعل جدا وشكلو حلو اوى
الاول هنحضر الاسطمبه شكل المستطيل ونحط الفنيل فيها ونربطه بخله ونحطو عليها من فوق زى ما ورتكم
ونحضر الشمع الخام الاصفر ونحط حبه شمع فى طبق ونلونو لون بنى ونصب فى الاسطمبه
ملوحوظه :الاسطمبه لازم تكون متثبته على قاعده زى ما قولتكم بالصلصال بتاع الاطفال ومدهون بالبرافين
وبعد ما ينشف الشمع اللى فى الاسطمبه نحط عليها حبه شمع ابيض خام ونستنا لحد ما ينشف بعدين تحط حبه شمع اصفر خام فى طبق ونلونو بون اصفر ونصبو على الشمع اللى فى الاسطمبه بس لما ينشف وكذالك لحد ما تعملى اربع طابقات شمع بالون مختلفه نجى لاخر حاجه نصب شمع فى القوالب السيلكون اللى على شكل فواكهه الصغيره بلون اللى عايزينو وبعدين ناخدهم نحطهم على الشمعه بس بعد ما تنشف ونخرجها من الاسطمبه وبعدبن نحط عليها شمع جل نفس لون اخر طبفه من الشمع بطريقه عشوائيه
كورس شوشو للشموع EaiKN

سادس شكل معانا وهو سحللب وسهل جدا
نجيب الكوب ونصب فيه الشمع الخام الابيض علطول بس قبليها نحط الفنيل طبعا نربطها بخله ونحطها من فوق
وفى طريقه تانيه نصب شمع جل بس فى حاله واحده
لو لقتيو لون ابيض غير كده يبقى نصب الشمع الخام الابيض وبعدين نجيب شمع جل ونلونو بنى فاتح زى العسلى وناخد حته صغيره ونكورها زى الزبيب ونحطجو من فوق الكوب بعد ما تنشف
كورس شوشو للشموع ExMG0

سابع شكل واولا كده ده مش شمع ده جبس وحطيت فيه فتيل والبسكويت بلاستيك
المهم احنا اى حاجه نشوفها نعمل زيها حتى لو مش شمع حقيقه نعمل شكلها
الكاسات الى شكل البسكويته معرفش هتلاقوها ولا لا عند محلات الادوات المنزليه امهم هما كانو عندى كانو بتوع ماما وطبعا اخدتهم بعد ما امى جريت ورايا وكانت هترميننى من البلكونه المهم
اى شمع عندك متبقى مجمد حطيه فى اكاس من تحت علشان يوفر معاكى وبعدين صبى شمع اى لون عايزاه وبعدين نضرب شمع بالمضرب بعد ما نلونو ونحطو بمعلقه الايس كريم وبعدين بالمسمار نخرم مكان الفتيل ونحط الفتيل
كورس شوشو للشموع 8ipQu

ثامن شكل وده كاس عصير حقيقى بس عجبنى شكلو قولت نعمل زيو وايه المانع وهو ده اللى قولتلكم عليه اى حاجه حقيقيه نعمل زيها شمع المهم
نجيب شمع ج سايح ملون احمر غامق ونصب الشمع الجل براحه علشان ما يعملش فقافيع لاكن لو نزلاه بسرعه هيعمل فقافيع
ملحوظه:ممنوع منعا باتا تقليب شمه الجل او تحطو جمبو اى لون لنه بيلقط اللون بسرعه يعنى و ايدك فيها لون ومسكتيه هتلاقيه كلو نفس اللون اللى فى ايدك ولما تصبيه ممكن تخرسى فيه من جوه حته شمع مجمده او او فاكهه فراوله وتخرسيها او تحطيها من تحت قبل ماتصبى الجل بيدى شكل جميل وممكن بديل الجل شمع خامه اصفر وتلونيه احمر وبعدين نجيب شمع ابيض سايح وونحطه فى حله ونضربه حد ما تحسى انه بقى عجينه الكريم جانتيه هو مش هيبقى زيو بالظبط بس شبيه بيه وعلطول نحطو عارفين ادوات تزين الكيكه بتاعت الكريمه اللى بتعمل الشكل ده نحطو فيها وعلطول قبل ما ينشف نحطو على الكاس بنفس الشكل ده بااستخدام ماكينه التزين بتاعت الكيك اللى عندها والللى معندهاش ممكن تزينو باديها وبعدين نصب شمع فى قوالب الفاكهه السيلكون الصغيره مثلا موز او فراوله تفاح وتاخدها ونحطها على الشمع اللى زى الكريم جانتيه ونجيب مسمار ونسخنو لدرجه االاحمرار ونحطو فى الشمع ونطلعو ونحط مكانو الفتيل

كورس شوشو للشموع 1422699303

بكرا باذن الله هكملكم اازاى تعمو الشمع افرغ وازاى تطبعو عليه وتكتبو عليه اللى عايزينو وبعض الشموع وشرحها وازاى تعلى شمعدان حامل الشموع
اشوفكم على خير بكرا لانى تعبت وقولولى رايكم فى شرحى واللى عايز منى افهمو حاجه انا تحت امره
شكرا احلى عاشقات انكم ادتونى الفرصه اعرفكم حاجه من موهبتى

» دوره تدريبيه للشموع
» كورس نافورات مايه وضباب اتعلمى وابدئى مشروعك

سجل فى : 30/03/2013

مش عارفه ليه الصور مش راضيه تبان ده عيب نت ولا ايه المهم لو عاجبكم الكورس متنسوش التقيم

سجل فى : 29/04/2011

هااااااااااااااااااايل
ماشاء الله الصور ظاهره واشكالهم روعه
تسلم ايدك

سجل فى : 29/04/2011

نقلتلك الموضوع لقسم الورش

سجل فى : 30/03/2013

اوك تسلميلى

سجل فى : 04/10/2011

تحفه ما شاء الله

سجل فى : 16/05/2013

بسم الله ما شاء الله عليكي
تحفة تحفة تحفة مهما الواحد وصف
رائعة بجد ---- تسلم ايديكي

سجل فى : 30/03/2013

تسلمولى ربنا يخليكم

سجل فى : 21/03/2013

تحفه تحفه تحفه ربنا يبارك فيكى [b]

سجل فى : 21/03/2013

انا معاكم ان شاء الله فى الكورس لو سمحتولى

سجل فى : 28/05/2013

افكار رائعة مشكورة وجزاك الله خيرا كثيرا ربنا يعطيك الصحة و العافية

سجل فى : 30/03/2013

تسلمي بجد تحفة و عمل غاية في الروعة و الجمال

سجل فى : 30/03/2013

سجل فى : 30/03/2013

RODINA حضرتك الكورس هو ده مش نظم لكورس لا هو ده كوس بتاعى وفى تكمله باذن الله

سجل فى : 30/03/2013

معلش اتاخرت فى تكمله الكورس بس هو الكهربه والنت مش مساعدينى المهم نكمل
بسم الله الرحمن الرحيم
كورس شوشو للشموع BlWKS

اول شكل معانا انهارده
ودى مش شمعه بس احنا هنعمل زيها شمعه
اولا احنا عدينا مرحله ازاى نسيح الشمع وازاى نلون المهم هنلون اشمع اللون بمبه ونصب فى الكان ولما نحس انه بدأ ينشف نضرب حبه شمع بالمضرب نفس اللون وناخد نص معلقه الايس كريم نحطها ع وش االكاس ممكن نص عجينه الايس كريم تنزل فى الشمع السايح مش مشكله ده احلى
وبعدين نضرب حبه شمع ابيض بالمضرب وناخد حوالى نص معلقه االايس كريم ونحطو جمب الحبه اللى حطناهم قبل كده وناخد حبه شمع سايح على ايدينا هو مش هيبقى سخن اوى ونكورو بايدينا بس من غير ما نضغط عليه وبعدين نحطو جمبهم ع وش الكاس وبعدين نجيب شمع جل ونلونو لون احمر ونحط
طبقه خفيف من الشمع الجل من ع الوش بس نغطى وش الشمع البمبه اللى مصبوب فى الكاس من غير ما نحط شمع جل ع عجينه الايس كريم بعدين نجيب حبه شمع ونلونو اصفر ونحطو فى طبق فل وبعد ما ينشف ناخدو ونكسرو قطع صغيره ونرش من فوق كانو مكسرات ولو انتو مش هتولعو الشمعه تخلوها ديكور يعنى بس ممكن نجيب السودانى الثقيقى ونكسرو ونرشو من فوق بعدين نسخن مسمار ونخرم الشمع من فوق بعدين نحط مكانو الفتيل
كورس شوشو للشموع Fpwhp

اتانى شكل معانا
اولا نحضر الاسطمبات وقولت بديل الاسطمبات مواسير بلاستيك
المهم نحطيب الماسوره ونحطها ع قاعده معدنيه او زجاجيه او صينيه ونجيب الصلصال ونثبت الماسوره بالقاعده كويس علشان ما يتسربش الشمع السايح لما نصبو وندهن الماسوره زيت برافين ونعوج الماسوره بالقاعده اللى ملزوقه عليها نص عوجه ونسندها ع اى حاجه ونحط افتيل ونربطو بخله ونثبتو عليها من فوق هتقولو مش هتتثبت لاننا عوجين الماسوره هقولكم ثبتو الخله بالماسوره من بره بالصلصال وبعدين نصب اول لون شمع اصفر خام ونلونو احمر وبعد ما ينشف تماما نصب شمع خام ابيض وبعد ما ينشف تمام نصب احمر تانى طبقات لو الماسوره طويله يبقى طبقات سميكه لاكن لو الماسوره قصيره يبقى طبقات صغيره ونفضل نصب كده طبقات لحد ما نحس انى الشمع هيدلق من الماسوره ساعتها نعدل الماسوره بس بعد ما ينشف اللى جواها تماما
وبعد ما نعدلها نصب اخر صبه وهى معدوله ونصيحه الشموع اللى زى دى احسن فيها الفتي تعطرو لانه شمع ديكور

كورس شوشو للشموع 708084932

تالت صوره معانا وهى سهله جدا والشكل ده من الشموع لازم نحط الفتيل قبل ما نصب تعالو نشوف الطريقه
اولا نجيب الاسطمبه ونثبتها بالصلصال فى القاعده وندهنا برافين ونعدين نحط فى قلب الاسطمبه قواقع خرز اى بقوليات اى حاجه المعم خلينا فى القواقع
نحط القواقع ونجيب حبه شمع خام ونلونو لبنى خفيف خالص ونصب حبه صغيرين واول ما يبدأ ينشف نصب حبه كمان بعدين نزود اللون اللبنى ع الشمع الخام ونصبو كلو مره واحده
طريقه تانيه وهى
نصب فى الاسطمبه طبقه شمع من لون لبنى خفيف واول ما يبدأ ينشف نحط عليه القواقع وبعدين نصب شمع من نفس اللون حبه بحبه لحد ما نهوصل لنص الاسطمبه نسيبها تنشف شويه وبعدين نصب شمع خام بلون لبنى غامق شويه ونصبللاخر وطبعا احنا حطين الفنيل زى ما قولتلكم
ان شاء الله اشوفكم بالليل مع تكمله الكورس