كورس شوشو للشموع

لسلام عليكم ورحمه الله وبركاتم
ازيكم ياعاشقات انا انهارده حبيت اعمل كورس لتعليم الشموع بكل انواعها
وزى ما انا اتعلمت وعرفت لازم اعلم غيرى وزى ما اتعلمت من المنتدى هنا قولت حقى ليه انى اعلم العاشقات وكمان كلنا عارفين
اسعار الكورسات ازاى في ناس كتير عندها موهبه بس مش عارفه تتعلم وزى ما تعبت وتعلمت لازم اعلم غيرى نبدأ ومش عيب لما نتعلم من بعضينا
بسم الله الرحمن الرحيم
اولا الادوات
1- شمع خام فى البدايا نستخدم شمع ( عامريه - برافين) وهو شمع اصفر وشمع ابيض الكيلو بى 18 او 17 جنيه والشمع هتلاقو فى درب البرابره عند محل اسمو محمد الشماع او احمد شمعه
2-فتيل قطن هتلاقو البكره ب حوالى 8 او 9 جنيه بس بتقعد معاكم كتييييييييييييييييييييييييير وده هتلاقو عند احمد شمعه
3- ستريك وده فى منو نوعين الاول عباره عن حبايبات والتانى قطع صغيره واالاتنين بيدو نفس النتيجه وهو بيدى صلابه للشمعه وفى البدايا هاتو نص كيلو حوالى 6 جنيه وده عند محل اسمو سمير لبيب فى اخر شارع درب البرابره لو ملقتيش عندو اسئلى عن محل اسمو جميل للكيماويات هتلاقيه عندو
4-زيت برافين وفى البدايا هاتو نص كيلو هيقعد معاكم كتير مش عارفين تجيبو ممكن زيت نباتى بتاع الاكل ولو عايزين تجيبو البرافين عند محل جميل او سمير لبيب بحوالىى 9 جنيه
5-شمع صلب وده غالى الكيلو 40 جنيه هاتو ربع كيلو احنا هنستخدمو علشان تدى للشمع صلابه زى الاستريك ولو مش عايزين بلاش بس انا بحط الاتنين وممكن نستخدمه فى حاجات معينه هتعرفوها ما نبدأ
6-صينيه +حلتين صغيرين يدخلو فى الصينيه او كزارونه اى حاجه الومنيوم او استلس لتسيح الشمع +سكينه لتقطيع الشمع +معلقه +معلقه ايس كريم اللى هىا بيستخدموها محلات الايس كريم ودى هتلاقوها فى محلات الادوات المنزليه
7_خله سنان+فرشا+ (صوابع قرفه+يانسون نجم )من عند العطار واى حاجه شيفنها عند العطار حاسين انها ممكن تنفع للتزين هاتوها بس مش دلوقتى لما ندخل فى المجال شويه
8_زجاجات زى كاسات شفافه وفى محل فى درب البرابره اسمو المصرى للمعلبات البلاستيك هترحو المكتب بتاعو هوفى ممر هتلاقو جمبيه محل زجاج رخيص هتلاقو عندوكاسات صغيره وبعض الزجاجات او فى الموسكى عموما هتلاقى او فى اى كاسات عندك فى البيت مش عايزاها
9- اسطمبات عند اى حد بتاع حداد اسطمات اللى هى بنصب فيها الشمع زى مربع وضرورى للشمع المفرغ لاكن المع المدور هقولكم على فكره عارفين المواسير البلاستيك هتلاقو ممكن فى منور البيت عندحدمن قرايبكم ههههههه عند اى حد بيبيع ادوات صحيه هتلاقى كذا مقاس من المواسير وخليه يقطعهالك بى مقاسات مختلفه
وبنزبال الاسطمبات المربعه لازم بتاع استلس زى احدادين يعملهالك ولو ممش عارفين انا بعملها وبسعر رخيص جدا
10- الوان شمع وهى نوعين اولا الوان فسفوريه زى (اصفر -برتقالى-اخضرفاتح-بمبه) والوان عاديه زى (احمر -بنى-عسلى- ازرق-اخضر غامق) وهاتوها من عند سمير لبيب العلبه فى علبه بى 6 وعلبه بى 3 اشترو الالوان اللى عايزينها
11-صلصال بتاع الاطفال بحوالى 6 جنيه او اقل
12-مضرب كهرباء بتاع اكيكه + طبق او حله صغيره
13-زيوت عطريه من الموسكى هتلاقو محلات عطريه خيه يديكى كل زجاجه بى 3 جنيه الروايح اللى تحبيه بس اهم حاجه تقوليلو زيوت
14- شمع جل الكيلو بى 50 جنيه ده هتستخدمو فى حاجات كتير ممكن لو مبتدئه تجيبو نص كيلو وهتلاقو عند سمير لبيب فى اخر شارع درب البرابره
ولو افتكرت حاجه وانا بشرح هقولكم عليها نبد
بسم الله الرحمن الرحيم
اولا. نحط الصينيه على النار وفيها ماء وتستنى لحمد ما الماء تغلى بعدين تحطى الكزرونه او ااتنين علشان واحده تحطى فيها الشمع الابيض والكزرونه التانيه تحطى فيها الشمع الاصفر واول ما تحطى الشمع فى اكزرونه توطى النار واول ما يسيح تحطى فى كل كزرونه حوالى معلقه صغيره استريك فى كل كزرونه بعدين لو هتعملى شمع زى المفرغ او شمعه سميكه تحطى حته صغيره جدا من الشمع الصلب اللى قولنا عليه وتسبيه لحد ما يسيح بعدين نجيب الفتيل نقص قطعتين فتيل طويل والقطعتين طول بعض ونحطهم فى الشمع ونطلعهم علطول واول ما نطلعهم نبرومهم علشان يبقى الفتيل مزدوج عشان عمر الشمعه يكون اطول وبعدين نسيبو ينشف هنلاقي الفنيل جمد وبقى مزدوج
ثانيا. انا جبت شويه صور شموع صعبه شويه على بعض العاشقات زى شمع ايس كريم تورته قهوه عصير كيكه يالا نشوف مع بعض

كورس شوشو للشموع - صفحة 2 KpfXm

1- دى شمع زى الكيكه
عارفين السلكون بتاع الكيكه اللى بيتحط فى الفرن هو ده هنجيب لاما شكل مثبق لاما مدور حسب ما تلاقو مش هتلاقوها غاليه انا جبتها بى 6 جنيه 6قطع عند محلات الادوات المنزليه
واحنا جبناها من النوع الرخيص لاننا هنستخدمها للشمع فقط
وبعد ما جهزنا القالب اسيلكون ندهنو بالفرشه زين برافين كانك بتدهنى صنينه بتاعت كيكه
وبعدين نصب عليه الشمع الاصفر عشان هينتلون لاكن الابيض نستخدمو زى الشموع المفرغه ااو كريمه الايس كريم او الكيكه
ملحوظه .لو هتعملى كميه من نوع الشمع ده يبقى تلونى الشمع كلو مره واحده باللون ابنى الغامق لو هتعملى قطعه او اتنين يبقى تجيبى طبق ستلس وتحطى فيه بسن خله السنان تلت مرات فى الطبق وتصبى عليه الشمع وتقلبيه
بعدين نصب بسرعه فى قالب وتسبيه ينشف
كورس شوشو للشموع - صفحة 2 I2wDo

وتعالى نعمل الكريمه اعبال ما ينشف بس نستنى شويه بعدين نعمل الكريمه علشان الشمع بيغيب اعبال ما ينشف لو مستعجله ممكن تحطيه فى الفريزر هتقوليلى ممكن يتشقق او ينكسر اقولكم لا لو ايس كريم كيكه ممكن نحطه فى الفريزيه لانه هيتحط عليه عليه حاجات تانيه فا مش هيحصلو حاجه المهم نجيب الحله اللى قولنا عليها والمضرب ونحط شمع خام سايح الابيض ونضرب بالمضرب لحد ماتلاقى الشمع تقل وبقى عامل زى عجينه الكيكه
كورس شوشو للشموع - صفحة 2 Xr70D

وبعدين نشوف اذا كان الشمع اللى فى السيلكون نشف نطلعو من الفريزر
ونطلعو من القالب
كورس شوشو للشموع - صفحة 2 MARap

بس بعدين نروح صبين علىه الشمع اللى االلى ضربنا بسرعه قبل ما ينشف
كورس شوشو للشموع - صفحة 2 JFdWP

بصو بقى فى طريقتين وضع الفتيل فى الشمع اول وضع ممكن نحط الفتيل قبل ما ما نصب الشمع
والوضع التانى نحط الفتيل لما نخلص الشكل اللى قدامنا هتقولولى ازاى اقولكم نجيب مسمار ونمسكو بالمقص ونسخنو على النار ونحطو فى الشمع هيتخرم علطول نروح مطلعينى وحطين مكانو الفتيل
ملحوظه؛ ممكن لو عايزين الشمع معطر بدل ما تحطو الزيوت العطريه فى الشمع لا انا بحط الفتيل فى الزيوت العطريه علشان يدينى ريحه اكتر يعنى قبل ما تحطى الفتيل فى الشمع نحطو فى العطر وممكن لو كيك زى ده ممكن نحط الفتيل فى عطر الفانيليا هتلاقيه عند بتاع العطور
نرجع لموضوعنا هنا شفتو ازاى بتحطو عجينه الشمع
الخطوه اللى بعديها هنحط حبه شمع صغيرين فى اى طبق فل وبعد لما يجمد ناخدو نقطعو قطع صغيره او نبشرو ونحط عليها من الوش
وممكن الشكل التانى نسيح نحط حبه شمع فى طبق ونحط عليهم لون بنى وونحطهم عى الكريمه من فوق كانك بتحكى شيكولاته
ونسيح الشمع الجل هو بيسيح بصعوبه وبينشف بسرعه اوى شمع الجل عايزه تركيز وسرعه نحط حبه شمع جل لوحديهم ونحط عليه لون احمر ونحطهم من فوقيهم وشوفو الشكل فى الاخر هيبقى عامل ازاى هتنبهرو
كورس شوشو للشموع - صفحة 2 ByL0N

الشكل التانى ودى زى قطعه الجاتو
اول حاجه طبعا احنا مسيحين الشمع الخام نجيب اسطمبه دائريه وانا قولتلكم بديل الاسطمبه ماسوره ونسبتها على قاعده زى صفيحه صنيه او قاعده زجاجيه ونلف حواليها الصلصال علشان الشمع مايخرجش من تحت هنقلها بالصلصال كويس يعنى نمسك الاسطمبه فى القاعده بالصلصال وبعدين ندهن الاسطمبه زين برافين ونحط حبه شمع يعنى مقدار الاسطمبه ونحطهم فى طبق ونلونهم اللون اللى عايزينو وتحسو انه مناسب للجاتو ونروح صبينه فى الاسطمبه
ملحوظه هنا هنحط الفتيل قبل ما نصب
كورس شوشو للشموع - صفحة 2 FdgKL

كده الصوره موضحه نفسها
بعدين بعد ما ينشف نفك الصلصال ونطلعو من الاسطمبه ونجى بقى لاهم حاجه
نجيب طبق فل ونحط فيه شمع نفس لون الشمع اللى صبيناه ونسيبو ينشف وبعدين ناخدو نبشرو وبعدين نجيب الشمعه اللى عمناها ونحط زى طاسه على النار فاضيه ونحط الشمع من الجوانب جانب جانب بس يادوب نحس انها هتبدء تسيح نشيلها بسرعه ونحط عيها الشمع المبشور وكذالك لحد ما تخلصيها ولو هتعملى جاتو بالشيكولاته ممكن بدل الشمع المبشور نجيب حوبايبات القهوه او العدس الاسمر ونعملها نفس الطريقه
بعدين نحط شويه شمع بلون مختف زى الاحمر كانو فراوله من فوق او ممكن بداله شمع جل هيكون اروع وهنجيب اسطمبات سيلكون عند محلات اتنين ونص اسطبات صغيره على شكل فرووله او موز اى فواكه قلوب اى حاجه نجيب منها هى بتبقى كذا واحده فى مثلا لو فراوله هنصب فى اربع قوالب ونستنى لما تنشف ونحطهم فوق الشمعه بعد التزين ووممكن نحط حبه شمع ج فوقيهم ملونين احمر هيبقو اروع
كورس شوشو للشموع - صفحة 2 PchMy

ثالت شكل وده كوب ايس كريم
اولا هنجيب القوالب السيلكون الصغيره اللى قولت عليها مثلا شكل قلوب هبقى اصورهالكم وتشوفوها وممكن بدل القلوب اى نوع فاكه المهم بعد ما تنشف القلوب نطلعها من القالب ونجيب الكوب الزجاجى ده ونجيب غرا بيضه ونلزقها بالعراء الابيض على الكوب من جوه لان الغراء بعد ما بينشف مش بيبان وبعدين نصب الشمع السايح الاربيض وممكن بدل الابيضى ممكن نهلونو اى لون ايس كريم تحبوه وتصبو فى الكوب لحد الاخر وبعدين نحيب المضرب ونعم نفس النظام بتاع اول شكل نضربو بس ده علشان ايس كريم هنفضل نضربو اكتر من عجينه الكيكه لخد ما تحسى انها بقت زى الايس كريم وبعدين نحطها على الكوب ونجيب شمع جل سايح ونلونو احمر ونحط عيه بطريقه عشوائيه وبعدين زى بردو ما قولتلكم فى شكل الاول نسخن مسمار ونخرم بيه الشمع بعدين نطلعو ونحط مكانو الفتيله لان ده من الاشكال اللى لازم نحط الفتيل بعد ما تخلص
كورس شوشو للشموع - صفحة 2 5Q4QZ

رابع شكل
اولا نحضر طبق فل ونصب فيه شمع الاصفر الخام ونونو حسب الرغبه وبعدين قبل ما ينشف نقطعو مربقات دواير لو عندكم قوالب الاسطمبات الصغيره بتاعت الكعك او عجينه السيراميك شكل قلب تقطعو تعملو شكل قلب وبعدين بعد ما تنشف تطلعو المرابعات والدواير

كورس شوشو للشموع - صفحة 2 Am2NH

ملحوظه :ممنوع رمى اى شموع حتى لو كانت بواقى لاننا هنستخدمها فى حاجات زى دى
اى شموع عندك متبقى بواقى جامده او حبه شموع المربعات والدواير اللى قطعناها نحط حبه فى اخر الكاس من اللى قطعناها على اى شموع متبقيه عندك وبعدين نصب عليها شمع جل لون حسب الرغبه
وبعدين تحطى بردو علي الشمع الجل هو بينشف بسرعه تحطى عليه حبه شمع من اللى قطعناهم دول عليها كذا لون وكذا شكل
بعدين نجيب المضرب ونضرب حبه شمع ابيض صغيرين وناخدهم بمعلقه الايس كريم اللى قولنا عليها فوق كل دول وعارفين صوابع القرفه الللى قولت عليها هنجبها ونغمرها فى شمع سايح ملون بنى غامق وونغمرها فيها ونطلعها هتدينا شكل كانو قطعه بسكويت وعليه شيكولاته ونكون مجهزنها قبل ما نضرب الشمع بالمضرب لان اول ما نجط الشمع المضروب نحط فيها علطول القرفه او نحطها قبل ما نحط الشمع المضروب اللى هو زى الايس كريم بعدين احنا قولنا على القوالب اسيلكون الصغيره اللى على شكل فواكهه نصب الشمع فى اى قالب فاكهه صغير وبعد ما يجمد نحطو من فوق وممكن للتزين اكتر ممكن حبه شمع ج ونحط عليهم من فوق بطريقه عشوائيه
بعدين نجيب مسمار نخرم ونحط مكانو الفتيل ولو عايزينو معطر نحط الفتي فى العطر الاول
كورس شوشو للشموع - صفحة 2 1z9Tx

خامس شكل وهو سعل جدا وشكلو حلو اوى
الاول هنحضر الاسطمبه شكل المستطيل ونحط الفنيل فيها ونربطه بخله ونحطو عليها من فوق زى ما ورتكم
ونحضر الشمع الخام الاصفر ونحط حبه شمع فى طبق ونلونو لون بنى ونصب فى الاسطمبه
ملوحوظه :الاسطمبه لازم تكون متثبته على قاعده زى ما قولتكم بالصلصال بتاع الاطفال ومدهون بالبرافين
وبعد ما ينشف الشمع اللى فى الاسطمبه نحط عليها حبه شمع ابيض خام ونستنا لحد ما ينشف بعدين تحط حبه شمع اصفر خام فى طبق ونلونو بون اصفر ونصبو على الشمع اللى فى الاسطمبه بس لما ينشف وكذالك لحد ما تعملى اربع طابقات شمع بالون مختلفه نجى لاخر حاجه نصب شمع فى القوالب السيلكون اللى على شكل فواكهه الصغيره بلون اللى عايزينو وبعدين ناخدهم نحطهم على الشمعه بس بعد ما تنشف ونخرجها من الاسطمبه وبعدبن نحط عليها شمع جل نفس لون اخر طبفه من الشمع بطريقه عشوائيه
كورس شوشو للشموع - صفحة 2 EaiKN

سادس شكل معانا وهو سحللب وسهل جدا
نجيب الكوب ونصب فيه الشمع الخام الابيض علطول بس قبليها نحط الفنيل طبعا نربطها بخله ونحطها من فوق
وفى طريقه تانيه نصب شمع جل بس فى حاله واحده
لو لقتيو لون ابيض غير كده يبقى نصب الشمع الخام الابيض وبعدين نجيب شمع جل ونلونو بنى فاتح زى العسلى وناخد حته صغيره ونكورها زى الزبيب ونحطجو من فوق الكوب بعد ما تنشف
كورس شوشو للشموع - صفحة 2 ExMG0

سابع شكل واولا كده ده مش شمع ده جبس وحطيت فيه فتيل والبسكويت بلاستيك
المهم احنا اى حاجه نشوفها نعمل زيها حتى لو مش شمع حقيقه نعمل شكلها
الكاسات الى شكل البسكويته معرفش هتلاقوها ولا لا عند محلات الادوات المنزليه امهم هما كانو عندى كانو بتوع ماما وطبعا اخدتهم بعد ما امى جريت ورايا وكانت هترميننى من البلكونه المهم
اى شمع عندك متبقى مجمد حطيه فى اكاس من تحت علشان يوفر معاكى وبعدين صبى شمع اى لون عايزاه وبعدين نضرب شمع بالمضرب بعد ما نلونو ونحطو بمعلقه الايس كريم وبعدين بالمسمار نخرم مكان الفتيل ونحط الفتيل
كورس شوشو للشموع - صفحة 2 8ipQu

ثامن شكل وده كاس عصير حقيقى بس عجبنى شكلو قولت نعمل زيو وايه المانع وهو ده اللى قولتلكم عليه اى حاجه حقيقيه نعمل زيها شمع المهم
نجيب شمع ج سايح ملون احمر غامق ونصب الشمع الجل براحه علشان ما يعملش فقافيع لاكن لو نزلاه بسرعه هيعمل فقافيع
ملحوظه:ممنوع منعا باتا تقليب شمه الجل او تحطو جمبو اى لون لنه بيلقط اللون بسرعه يعنى و ايدك فيها لون ومسكتيه هتلاقيه كلو نفس اللون اللى فى ايدك ولما تصبيه ممكن تخرسى فيه من جوه حته شمع مجمده او او فاكهه فراوله وتخرسيها او تحطيها من تحت قبل ماتصبى الجل بيدى شكل جميل وممكن بديل الجل شمع خامه اصفر وتلونيه احمر وبعدين نجيب شمع ابيض سايح وونحطه فى حله ونضربه حد ما تحسى انه بقى عجينه الكريم جانتيه هو مش هيبقى زيو بالظبط بس شبيه بيه وعلطول نحطو عارفين ادوات تزين الكيكه بتاعت الكريمه اللى بتعمل الشكل ده نحطو فيها وعلطول قبل ما ينشف نحطو على الكاس بنفس الشكل ده بااستخدام ماكينه التزين بتاعت الكيك اللى عندها والللى معندهاش ممكن تزينو باديها وبعدين نصب شمع فى قوالب الفاكهه السيلكون الصغيره مثلا موز او فراوله تفاح وتاخدها ونحطها على الشمع اللى زى الكريم جانتيه ونجيب مسمار ونسخنو لدرجه االاحمرار ونحطو فى الشمع ونطلعو ونحط مكانو الفتيل

كورس شوشو للشموع - صفحة 2 1422699303

بكرا باذن الله هكملكم اازاى تعمو الشمع افرغ وازاى تطبعو عليه وتكتبو عليه اللى عايزينو وبعض الشموع وشرحها وازاى تعلى شمعدان حامل الشموع
اشوفكم على خير بكرا لانى تعبت وقولولى رايكم فى شرحى واللى عايز منى افهمو حاجه انا تحت امره
شكرا احلى عاشقات انكم ادتونى الفرصه اعرفكم حاجه من موهبتى

» دوره تدريبيه للشموع
» كورس نافورات مايه وضباب اتعلمى وابدئى مشروعك

سجل فى : 04/08/2012

بسم الله ما شاء الله عليكي

الله يحفظك ويحميكي حبيبتي شوشو

بجد الكورس هايل كان نفسي اشترك لكني للأسف

الحاجات مش متوفره عندي حتى المحلات بعيده جدااا عني وانا مش بنزل عندها

هحفظ الكورس عندي ووقت ما تسنح لي الفرصه اني اشتريها هاشتريها

بجد جزاكي الله كل خير وبارك الله فيكي

سجل فى : 30/03/2013

ليه يامشمشه انتى ساكنه فين

سجل فى : 21/03/2013

ياريت لما تكمليلنا الكورس تكمليه على نفس الموضوع علشان مانتلخبطش ياريت تقوليلنا الشمع المفرغ والمطبوع ازاى وشكرا قلب

سجل فى : 24/05/2011

rodina كتب:: ياريت لما تكمليلنا الكورس تكمليه على نفس الموضوع علشان مانتلخبطش ياريت تقوليلنا الشمع المفرغ والمطبوع ازاى وشكرا

وانا كمان عايزه اعرف
احبك

سجل فى : 04/08/2012

انا ساكنه في اسكندريه في العجمي

والمحلات دي بعيده عني جداااااااااااااااااااااا

وقليل اووي لما انزل

سجل فى : 30/03/2013

ياجماعه والله العظيم انا مش مطنشاكم خالص انا النت عندى مش مساعدنى انزل صور ووكتبت موضوع الشمع المفرغ وخلصتو وجايه اعملو ارسال وفى الاخر متنشرش علشان النت اكترمن مره

سجل فى : 30/03/2013

الشكل ده سهل جدا والاشكال دى لازمنحط الفتيل قبل ما نصب
اولا هنجيب القالب او الماسوره ونثبتها بالصلصال على قاعده اوصنيه بالصلصال علشان ميتسربش الشمع لما نصب وبعدين ندهنها زين برافين بعدين نعلق الفتيل وهنا فى طريقتين للاشكال دى او طريقه
اننا نحط الشكل المنظر يعنى زى (قواقع .خرز.زلط.شجر.بقوليات )نخلينا فى القواقع
هنحط القوواقع اول حاجه بعدين نجيب حبه شمع خام ابيض ونلونو لبنى خفيف خالص احنا هنا هنستخدم الشمع الخام الابيض لاننا بنعمل اعماق البحار يعنى لازم يكون اللون صافى وبعدما نلونو نصبو ع القواقع لحدما نغطى نص القواقع وبعدين نزود اللون اكتر ع الشمع اخام ونصب لحد نص القالب بعدين نتقل اللون خالص ونصب لحد اخر القالب
الطريقه التانيه ندهن القالب ونصب فيه طبقه شمع خام بلون لبنى خفيف مائل لللابيض وبعدين تحط القواقع وبعدين نزود اللون على الشمع ونصب لحد نص القواقع ونفضل نتقل فى اللون شويه بشويه لحد الاخر ودى الطريقه الافضل

كورس شوشو للشموع - صفحة 2 415840864

تانى شكل
وسهل بردو
اولا هنصب شمع احمر فى قوالب سيلكون الصغيره اللى قولتلكم عليها وبعدين نجيب طبق او كاس واسع لو هتعملى فى كاس واسع تجيبى حبه شمع خام اصفر ونلونو احمر ونصب لحد نص الكاس وبعدين نجيب الفراوله او الموز عنب المهم لو موز يبقى اللون اصفر لو عنب يبقى نبيتى بس خلينا فى الفراوله
نجيب الفراوله اللى صبناها فى القوالب ونشفت نحطها فوق بعضيها وبعدين نجيب حبه شمع احمر ونضربهم بالمضرب وناخط معلقه بمعلقه الايس كريم من الشمع ونحطو فوق الشمع الفراوله وبعدين نجيب شمع جل نسيحو نلونو احمر خفيف ونصبو عليها وبعدين نسخن المسمار ونخرم الشمع ونحط بداله الفتيل وبعدين نضرب بالمضرب حبه شمع خام ابيض وناخد ربع معلقه الايس كريم ونحطها علطول فى عبس بلاستيك ونخرمها ونزين بيها زى الكريم جانتيه
ولو طبق هنحط علطول الشمع اللى فى القوالب اللى على هيئه فراوله ومعلقه عجينه الايس كريم ونصب عليها شمع الجل الاحمر وبس
كورس شوشو للشموع - صفحة 2 166075326

ثالث شكل
وده شكل لصديقتى مصصمه الشموع ايناس
نبدأ نجيب قال ونلزقو فىالقاعده بالصلصال زى ماقولنا بعدين نمسك اقالب بالقاعده فى ايدينا ونحط ورق الشجر المجفف ورقه ورقه ونثبتها بايدينا بعدين نجيب معلقه وناخد بالمعلقه من الشمع الابيض الخام ونصب على ورقه الشجر اللى فى القالب لحد ما تتلزق وناخد الورقه اللى بعديها وكذالك شرائح البرتقال المجففه ونثبتها بادينا فى القالب بعدين نصب بالمعلقه على شرائح البرتقال لحد ما تتثبت فى القالب والشمع وكل دهواحنا ماسكينو فى ايدينا او محطوط ع الرخامه اللى بتشتغلى عليها على حسب رغبتك بس الاسهل تمسكيه فى ايدك بعدين بعد ما نثبت الشجر وشرائح البرتقال نجيب الشمع الابيض الخام ونصبو حبه بحبه بحد الاخر وده من الشموع اللى لازم نحط الفتيل قبل ما نصب بعدين بعد ما الشمعه تنشف ونتطلعها من القالب هننلاقى اشمع مغطى ع الورق والبرتقال نجيب طاسه ونحطها على النار ونحط الشمعه ع الجهه اللى ملزوق عليها الورق واالبرنقال لحدما طبقه الشمع اللى فوق الورق وشرائح البرتقال تروح بسدى محتاجه سرعه وتركيز وكذالك النحيه التانيه من الشمعه
طريقه عمل البرتقال الليمون الورق المجفف : نقطعهم شرائح معادا ورق الشجر طبعا ونولع الفرن البوتجاز اعلى حاجه ونسيبو يسخن جدا بعدين نطفى عليه بعدين نحط الشرائح فيه بس كل شويه نفتح الفرن نشوفها لحسن تتحرق
كورس شوشو للشموع - صفحة 2 893248937

رابع شكل هو يدوخ شويه بس مفيش حاجه صعبه علينا
اولا فى اطباق سيلكون ع شكل قلب فى محلات الادوات المنزليه ملقتوش فى قالب ع شكل قلب بس كبير شويه ويستحسن تتعبو شويه وتجيبو السيلكونده ومش غالى بى 3 جنيه وفى بردو اشكال سيلكون زى بتاعت الفواكهه اللى قولتلكم عليها بس ع شكل قلوب بى 2.5 رخيصه جدا
اولا لو طبق هندهن الطبق برافين بعدين نحط جوه الطبق قالب ع شكل قلب ونحطو جواه ونثبتو بالصلصال بس من جوه القالب اللى جوه الطبق يعنى متثبتوش من بره ونصب شمع اللون حسب ارغبه مثلا احمر \زى ده ونصب بعد ما ينشف نفك الصلصال من جوه القالب السلستين اللى جوه الطبق ونحوش القالب هنلاقى شكل القلب جوه طبق القلب بعدين نصب شمع خامه اصفر ونلونو احمر فى قوالب السيلكون الصغيره اللى ع شكل قلوب وبردو نصب شمع خام ابيض وبردو نصب قى قوالب السيلكون الفاكهه حسب شكل االفاكهه اللى عندك نصب فيه شمع خام ابيض ونسيبهم ينشفو ونيجى للقلب هو لسه فى الطبق السيلكون نخليه ونصب جواه شمع خام اصفر ونلونو احمر بردو ونصبو كانك بتصب عصير فى كاس بس منصبش لاخر الصلب لا زى ما فى الصوره كده وبعدين قبل ما الشمع اللى صبناه ينشف نحط فتيل بعدين نجيب شمع القلوب والفاكهه اللى عملناها وبغرسهم فى الشمع زى الصوره كده وبعدين نيجى نصب طبقه شمع احمر بردو صغيره جدا ع الشمع بس من غير ما نجيب شمع ع القلوب اللى غرزنها احنا بس هنحط طبقه بس علشان نضيع شكل غرزه القلوب واحنا بنحطها وبعدين نرش برونز وبس هى صعبه شويه بس ركزو فيها لانها هنستخدمها فى الشموع المفرغه ولو حد عايز يسئل اى سؤال فيه انا تحت امره
كورس شوشو للشموع - صفحة 2 664315274

خامس شكل ودى سهله جدا
هنجيب قالب دائرى اوماسوره بس كبيره حوالى كده مقاس بطيخه بس بطيخه صغيره هههههههه
ونحط جوه القالب الدائرى الكبير قالب تانى دائرى اصغر منه بحاولى سم ونثبته بالصلصال من جوه يعنى نثبت الاول القالب الكبير بالصلصال من بره ع الصينيه ونحط جواه القالب الاصغر منه ونثبته بالصلصال من جوه خالص يعنى الصلصال ميكونش باين للقالب اللى بره يعنى من جوه القالب الصغير بعدين نصب شمع خام اصفر ونلونو اخضر وماننساش ندهن القالبين الصغير والكبير بالبرافين وبعدما ينشف الشمع اللى صبناه نفك الصلصال اللى جوه والقالب اللى بره زى ما هو متثبت وبعدينوبعدين نصب شمع خام اصفر ونلونو احمر ونصبو وهو لسه سايح بعدما صبناه جوه الشمع الاخضر للاخر عارفين الليفه ههههههه ايوه الليفه بتاعت الحموم ههههه ناخد منها حته صغيره ونفككها من بعض زى االشغيرات ونحطها فى الشمع االاحمر وهو سايح وبعدما ينشف نفك الصلصال ونحوش القالب هنلاقى البطيخه وبعدين نجيب حبه شمع صغيرين خالص ونلونهم لون اسود او بنى غامق جدت وبمعلقه ناخد نقط وننقط ع الشمع الاحمر كانو لب ولو عايزين تقسموها نصين نجيب سكينه ونسحنها ع النار ونقطعها نصين بيها وبالهنا والشفا وركزو فى دى اوى كمان لانه هنستخدمها فى الشمع المفرغ

يالا بينا ع الشموع المفرغه وهى ثلث طرق للتفريغ
اول طريقه
كورس شوشو للشموع - صفحة 2 JMemU

اولا هنجيب القالب الدائرى ونثبتو فى القاعده بالصلصال ونصب فيه شمع ابيض خام
واول مايبدأ ينشف نحط ورق شجر اغصان ونلزقها فى الشمع بخله من جوه
كورس شوشو للشموع - صفحة 2 Ilrv4

واول يبدا ينشف حوالى سم كده نقطعه زى الصوره كده بسكينه او خله
كورس شوشو للشموع - صفحة 2 Qb0l7

ونصب باقى الشمع السايح
كورس شوشو للشموع - صفحة 2 TLpL1

هيطلع الشكل ده بس لو انتى متمكنه
كورس شوشو للشموع - صفحة 2 13725253526

تانى نوع من الشموع المفرغه
كورس شوشو للشموع - صفحة 2 13725253521

هنجيب بلونه ونملاها مايه دافيه وبعدين نحطها فى شمع سايح بس دافى نكون موطين النار عليه ونحطها
كورس شوشو للشموع - صفحة 2 13725253522

ونحطها ونطلعها ونفضل مسكنها حوالى دقيقه او حسب ما تنشف ونكررها كذا مره لحد ما يوصل سمكها حوالى سم اواقل
كورس شوشو للشموع - صفحة 2 13725253523

ونسيبها تنشف تماما
كورس شوشو للشموع - صفحة 2 13725253525

بعدين نفرق البلونه
كورس شوشو للشموع - صفحة 2 13725253524

هيطلعلنا الشكل ده

الطريقه الثالثه واسفه هى من غير صور
هنثبت القالب الدائرى او المربعه عى قاعده ونحط حبه شمع ابيض خام ونغطى القالب باى حاجه مسطحه ونحركها حركه دائرايه لان الحركه هتنشف الشمع ع جدار القالب لحد ما ينشف ونعيد تانى لجد ما يبقى سمك الشمع سم او اقل وبعدين نطلعها ونساويها وانا لا افضل الطريقه دى لانها صعبه وبتاخد وقت وكمان بيطلع الشمعه غير متساويه

معلش فى طريقه رابعه واسهل طريقه بس ركزو معايا وهتبقى سهله بنزبالكم جدا لو فهمتوها
اول هنجيب قالب دائرى ونجيب قالب تانى دائرى ولاكن اصغر منه ب سم الاول هنجيب القالب الصغير ونحط فيه الصلصاله من جوه ونثبتو من جوه بالصلصال مش من بره وبعدين نجيب القالب الكبير بنحطو عليه هيبقى طبعا القالب الصغير جوه الكبير ونثبت القالب الكبير من بره بالصلصال ونصب شمع خام ابيض بين القالبين وبعد مايبدأ ينشف نخرمو بخله علشان يطلع الهوا اللى جوه ونصب عليه طبقه علشان ندارى الخروم وبعدما ينشف نفق الصلصال اللى جوه القالب الصغير ونطلعو ونطلع القالب الصغير وبعدين هنلاقى القالب الكبيره وجواه الشمعه المفرغه هنصب جوه الشمعه المفرغه حبه شمع بردوابيض خام علشان نعمل للشمعه قاعده من تحت وبعد ما تنش نطلعها من القالب وبقت شمعه مفرغه متساويه جدا وسهله جدا وانا افضل الطريقه دى والطريقه دى من اختراعى ومتنسوش انكم تدهنو القالبين برافين
كورس شوشو للشموع - صفحة 2 354902575

دى شمعه مفرغه طريقتها زى ما قولتلكم بالظبط بس هنصب بين القالبين نصهم ونحط الورد المجفف ده
ملحوظه( نحط الور المجفف بعد ما الشمع المصبوب ينشف شويه علشان الورد يمسك فيه)
وبعد ما ينشف اكتر نصب ابقيت الشمع شويه بشويه لحد الاخر وطبعا نطلع القالب الصغير ونعمل القاعده زى ما قولتلكم

يالا نعرف ازاى نحط صورتنا ع الشمع او ايه قرأنيه او اسم
الادوات
1- غراء بيضه
2- ورق شفاف زى الاستنسل كده اسمه(بريجكتور)
اولا هنشوف اى ايه قرأنيه نطبعها على ورق لو معندكوش طابعه تاخدى الصوره ع فلاشه وتروحى لمكان بيطبعو فيه وانا اعرف مكان فى الدقى
الشارع اللى قدام كليه التربيه النوعيه اسمها مكتبه كريستال وهتلاقو عندها بردو الورق بريجكتور
وبعد ما يطبعهالك ع ورق اومن غير ما تطبعيها تاخدى الفلاشه وتروحى المكتبه دى وتقوليلو عايزه اطبع الاسم او الايه دى على الورق ده اللى هو ورق بريجكتور ولو صوره تاخدى الصوره وتخليه يطبعهالك ع الورق ده بردو وبعدين نجيب الورق المطبوع عليها الصوره ونقصها ع مقاس الصوره ونلزقها ع الشمعه بالغراء مخفف بالماء او نحط وجه الشمعه االلى عايزين تحطو عليها الصوره فى طاسه ع نار واول ما تنبدأ تسيح نروح رفعنها ونلزق الصوره علطول والاسم كذالك والايات القرأنيه
كورس شوشو للشموع - صفحة 2 580VL

الطريقه التانبه
الادوات
1- غراء ابيض
2- ورق كلك شفاف
3- استيكر شفاف
4-قلم فلوماستر ماركر
5- اصوره او الاسم المراد لزقه
اولا نجيب الصوره المراد لزقها ونحطها فى مايه لمدته ربع ساعه لحدما تبوش بعدين نشيل طبقات الورق اللى فى ضهر الصوره لحدما تبقى الورقه اللى فيها الصوره ونجيب الاستيكر الشفاف نقصها اكبر من مقاس الصوره بسنه بسيطه ونلزقها ع الصوره بعدين نزقها ع الشمعه ممكن تحطو عليها بعدما لزقتهو غراء ابيض
الاسامى نجيب ورق الكلك ونكتب عليه الاسم اللى عايزينو بالقلم الماركر ونقصها ونلزقها بالفرشاه والغراء مع مراعاه نمشى الفرشه من الوسط للخارج علشان نطلع اى هواه تحت الورقه وممكن بدل اغراء ممكن نحط ع الاسم اللى كتبناه ع الكلك استيكر شفاف ونلزقو

تعالو نعرف ازاى نعمل فن االديكوباج على الشموع

الادوات
1-مناديل سفره (درب البرابره فى الموسكى)
2-غراء ابيض او غراء مخصص للشموع
3-كراكلى بتاع الشموع
4- ملمع شموع
5 فرشاه
هنقطع مناديل السفره الرسمه اللى عليه وبعدين لو هتجيبو كراكلى هو غالى شويه 50 جنيه تدهنو بيه الشمعه بعدين بعد ما ينشف تلزقو عليه الرسمه اللى ع المناديل ونمشى عليها بالغراء وفى غراء مخصص للديكوباج وبعدين بعد ما ينشف ندهنو بالاميع
وفى طريقه من غير كراكلى وهى نقص مناديل السفره ونلزقها بغراء مخفف بماء من الوسط للخارج وبعدين ندهن طبقه غراء اخرى هوريكو ناموذج بس قبل ما ادهنو بالملمع
كورس شوشو للشموع - صفحة 2 HlUiN

والمكان المخصصس لبيع الكراكلى والملمع وجميع الادوات دى

جميع الخامات الخاصه بالأعمال الفنيه كالشموع والأكسسوار والضغط على المعادن والديكوباج والبوسترات وفن الكولاج وفن الكراكليه كلهم تحت سقف واحد مع امكانيه الإستشارات الفنيه المجانيه للأستفسار 01092051954 - 01008245823ميه السادات

يشمك خان 3 شارع على الكوردى - خلف فندق سوفتيل - مدخل معادى 1 - اكاديميه السادات

تعالو بينا اقولكم ع افكار حلو

دى حامل شموع ازاى نعملو اقولكم

عارفين علبه الايسكريم بتاعت الاطفال المدوره مترموهاش هاتو جبس واسمنت ابيض وخلطوه واعجنوهن مع بعض وحطوه فى علبه الايس كريم الصغيره دى وبعدين تروح جايبين زى كوبايه صغيره خاص او غطاه زجاجه كبير شويه صغيرين ونغرزها فى الجبس ونسيبها لحد ما ينشف شويه نروح شادين الغطاء ونسيبها لحد ما تنش ونعدين نطلع قال الجبس ولو مطلعش حاولو تقطعو عليه الايس كريم اصلها خفيفه وبعدين هتلاقو شكل قالب الجبس زى ده بس مدور ومحفور من النص مكان اشمعه احنا بقى هنجيب الوان اكريلك ونلونو ونبتكر عليه او نرشو باسبرى او نلزق قواقع اى ابتكارات والحفرا اللى مكان اغطاء فوق ممكن نحط شمع كده عادى وممكن نجيب قالب الشمع المعدنى الصغير ده بجنيه من درب البرابره او باب الشعريهزتحطو مكان الغطاء وعيشو الرومانسيه وممكن بدال علب الا يس كريم عارفين ازايز البيبسى اللى بنرميها نقطع اخر حته فيها من تحت القاعده ونصب فيها الجبس ونغرز فيها القالب المعدنى بتاع الشمع وممكن بدل القالب المعدنى غطاء ازازه البيبسى المعدنى ام جنيه ونص دى ههههه اكيد عارفينها ونرشو اسبرى حسب الرسمه اللى هترسموها وتغرزوها بس اغرزوها بسرعه علشان الاسمنت والجبس بينشف بسرعه جدا

تعالو نعرف ازاى نعمل حامل الشموع ده

جهزو عجينه السيراميك

المقادير

تصلح للاشغال الرقيقه والفاكهه والورود

كوب غراء ابيض

كوب ونص نشا

معلقه فازلين اوزيت

الطريقه

نقوم بوضع الغراء داخل اناء عميق
ثم نضيف النشا بالتدريج ونستمر فى العجن الى أن نحصل على القوام المطلوب
وتصبح كورة متماسكة غير ملتصقة باليد
توضع على سطح مرشوش بالنشا أو البودرة

ثم توضع داخل كيس لحين أستخدامها

وهى أيضاً يتم تنشيفها داخل الفرن على درجة حرارة متوسطة

عجينة السيراميك (2)
عجينة الملح

وهى عجينة سهلة التشكيل

2كوب ملح أبيض ناعم مطحون
ونصف كوب ماء
كوب نشا +كوب ماء

الطريقه

نقوم بوضع الملح و نصف كوب الماء فى مقلاه على النار ويقلب جيداً
لمدة 3 دقائق ثم يرفع من على النار
ثم نقوم بحل كوب النشا مع كوب ماء حتى لا يتكتل النشا
ثم نقوم بوضع النشا على الملح داخل المقلاه على النار
ويستمر التقليب بمعلقة خشبية
حتى نحصل على قوام متماسك ولا يلتصق بالمقلاه

نقوم بوضع العجينة على سطح مرشوش بالنشا أو البودرة
ثم توضع داخل كيس

ومميزات هذه العجينة انها سهلة التشكيل وتنشف فى الهواء دون وضعها فى الفرن
وتحتفظ بالوانها زاهية وثابته - وسهلة التشكيل والأستخدام

ونبدأنشتغل بيها

الصوره موضحه نفسها

وبعدين نبدأ فى التليوين

ودلوقتى هعرض عليكم شويه شمع معمولين من خلال اسطمبات سيليكون بالنزبالى مفهاش اى ابتكار غير انك بتصبى وبيطلعلك الشكل اللى عايزاه

اقولكم دى اتعملت ازاى صبو فى قالب السيلكون وهو غالى جدا القالب حوالى 100 120 جنيه بعد ما يصبو مثلا اللون الاخضر ده ونشف بيطلعو وبعدين بيحطو فى مثلا كزارونه فيها شمع بلون اسود او بنى غامق يحطو ويطلعو بسرعه كذا مره لحد ما يكون طبقه بعدين يحطوه فى كزارونه تانى فىيها شمع ملون بلون اخضر ويحطوه ويطلعو كذا مره وبعد ما ينشف يبدأو ينحتو بيه حاجات بسيطه اللى هى العلامات السودا اللى عليه علشان تبان وتدى تأثير للشمعه