عندى كلمتين محشورين عاوزة اقولهم للمتزوجين اوعو تفوتكم بجد هتندمى لو مدخلتيش

* كل أخت بتقول ده كـان فى الخطوبة حاجة وبعد الجواز حاجة تانية.
- فكرتى قبل كده ايه السبب ؟!
يعنى هو كان ايه فى الخطوبة وانتى كنتى ايه كمان فى الخطوبة؟
هو اسلوبه كان فى الخطوبة أزاى وانتى اسلوبك كان فى الخطوبة أزاى ؟
مينفعش اقرر انه اتغير لوحده وانا مش شايفه نفسى انى اتغيرت وتغييرى يمكن يكون هو اللى مغيره
ما انا لازم احاسب نفسى الأول قبل ما اتهمه أى اتهام
فى سيدات كتير بتنسى نفسها بعد الجواز ويمكن بعد سنة من الجواز
مش هقولك الكلام اللى بيتقال المكيآب واللبس وال.. وال..
لأ هقولك حاجة تانية خالص
احساس الرجل ان راحته بتكمن فى البيت ده
ولهفته انه يقضى باقى يومه بعد الشغل بين ايديكى ومعاكى
ده بيكون ليه؟؟
فى المقابل الراجل اللى بيتهرب من بيته واللى بيقضى وجوده فى البيت نوم وتليفزيون وسكوت
بيكون ليه ؟؟

فى مشاكل فى الحياة بتصادفنا بنحلها كتير بشكل غلط وبدل ما بتتحل بتتفاقم عن الاول كتير
نبدأ مثلاً بـ:

* مش بيهـــتم بيــــــا
// لو فرضنا انك بتهتمى بيه وهـو لأ ... طب تعالى كده نشوف
1) ممكن يكون هـو فى الأصل طبعه كده كان فى الخطوبة كـده ؟؟
2) أهملتى بعد الجواز او بعد الخلفة وعودتيه على عدم وجودك ولا لأ ؟
3) فى حاجة انتى كسرتيها جواه فى مشكلة فى تصرف فى اى حاجة ؟
4) اهله واللى حواليه بيشتكوا من كده ولا هو فجأة بقا كده ؟

- بصو بقا اانا مش هكدب عليكم ولا جايه اطبطب واقول انتوا صح وهما غلط زى ما فى ناس عايزانى اقول
لأ انا هقولك ابدئى بنفسك الاول وسيبى الباقى على ربنا حتى لو هو مقدرش

تعالى شوفى ممكن تجذبيه لنحيتك أزااااااى

احشريه فى حياتك
فاهمة يعنى ايه تحشريه فى حياتك
// يعنى راحة لماما تقوليله تعالا وصلنى
// نازلة السوق تعالا معايا
// بشترى هدوم انزل معاه واجيب على ذوقه حتى لو ذوقه وحش
احشريه فى حياتك وتعالى على نفسك الاول شوية

انتى الصبح بتعملى ايه لو بينزل وانتى نايمة لأ اصحى واعمليه الفطار اللى بيحبه
واتفننى فيه كل يوم

نزل وانتى ناقصك نوم ناميلك شوية واصحى وضبى بيتك وحياتك صح
فاهمة يعنى ايه صح
رجع افصلى نفسك عن العالم الخارجى آآه متتشنجيش كده
هو هييجى هياكل ينام ينزل مع اصحابه عندك تلت تربع اليوم سيبى ربعه للراجل

وانتوا بتتغدوا متحكيش حصلى ايه النهاردة وجارتى وامك واللى خلفوك لأ
خليه هو اللى يحكى خليه هو اللى يشكى
أعرفى هو حصله ايه بره مش بالزن لأ بالكلام جرجريه إنه يحكى معاه
هنقول متكلمش عااااادى خالص ولا تزعلى
بعد ما بتتغدوا بيعمل ايه فى اللى بينام وفى اللى بيتفرج على التليفزيون
هنقول
/ نام مفيش مشاكل لازم تهيأى الجو يعنى لو فى ولاد وكانوا صاحيين يعرفوا ان مفيش شقاوة لإن بابا تعبان طول اليوم ولازم لما ييجى يرتاح

/ اتفرج ع التليفزيون اقعدى جنبه واتفرجى معاه من غير ما تتكلمى خالى فى شيئ مشترك بينكم ختى لو مش بتحب اللى بيحبه اعملى نفسك بتحبيه

اتعودى انك فى اليوم تقوليله على الأقل كلمتين حلوين
الرسول عليه الصلاة والسلام قال: " الكلمة الطيبة صدقة "
يا شيخة اتصدقى على جوزك وقوليله كلمة طيبة
لو حتى الراجل فى عيوب الدنيا أكدبى عليه
آآه أكدبى عليه ما ربنا والرسول اباحوا ليكى وليه الكدب فى ده
لو زوجك شكله ميتشافش قوليله " محدش يملا عينى غيرك "
لو زوجك شخصيته ضعيفة قوليله " انا مشفتش حد فى قوة شخصيتك"

أديله ثقة فى نفسه طول ما هو معاكى
قوليله انك بالنسبالى الدنيا والآخرة لإنه هو فعلاً الدنيا والآخرة

قال رسول الله صلى الله عليه وسلم:
" أيما امرأة ماتت وزوجها عنها راض دخلت الجنة "

اتفننى فى التعامل معاه وفى حياتك معاه
كل اجازة قضيها فى مكان مختلف ومش شرط المكان يكون مكلف عشان ميزانيتك فى البيت

كل ما توفرى هاتيلك هديه حلوة كده وأديهاله ويكون محتاجها
حسسيه انك بتخافى عليه زى عينك حتى لو اونطة
عرفيه ان الحياة من غيره متنفعش وهتكون ناقصة حتى لو وجوده هو اللى منقصها

::: يعنى بادرى انتى الاول بالإهتمام وشوفى هيفضل زى ما هو ولا لأ :::

* بيضربنى وبيشتمنى وبيهنى

قال تعالى (يَا أَيُّهَا الَّذِينَ آَمَنُوا لَا يَحِلُّ لَكُمْ أَنْ تَرِثُوا النِّسَاءَ كَرْهًا وَلَا تَعْضُلُوهُنَّ لِتَذْهَبُوا بِبَعْضِ مَا آَتَيْتُمُوهُنَّ إِلَّا أَنْ يَأْتِينَ بِفَاحِشَةٍ مُبَيِّنَةٍ وَعَاشِرُوهُنَّ بِالمَعْرُوفِ فَإِنْ كَرِهْتُمُوهُنَّ فَعَسَى أَنْ تَكْرَهُوا شَيْئًا وَيَجْعَلَ اللهُ فِيهِ خَيْرًا كَثِيرًا ) (النساء:19) .

// الآيه دى للزوج
بس عشان انا فى الاول وضحت انى بتكلم علينا كبنات وزوجات مش عن الرجال
فهسألك سؤال : لو بيضربك فبيضربك ليه ؟

يعنى لوحده كده بقوم عليكى وبيضربك من غير كلمة مستفزة ولا رد يحرق الدم ولا شتيمة ولا سب منك ليه حتى لو هو غلط وشتم

اصل مش معقول منه لنفسه كده على طول عمل كده

لإن لو من نفسه انا نفسى هقولك يبقى هو مريض نفسياً ولازم يتعالج
اتعودى تصلحى من نفسك الاول

يعنى نبدأ بالنصيحة الاولى
اياكى صوتك يعلا عليه ولا تسبيه
آآآآآآه حتى لو اداكى

أصله جوزك و الرسول عليه الصلاة والسلام قال " سباب المسلم فسوق ، وقتاله كفر
فما بالك بسبابك لزوجك "
اللى هو جنتك ونارك
اللى هو رضاه من رضا ربنا
حتى لو فيه ايه

ربنا اللى بيحاسب عامليه بما يرضى الله
متعدلش ادعيله بينك وبين ربنا
متعدلش سيبى ربنا يجيبلك حقك لو مش فى الدنيا فى الآخرة
يقول الله تعالى : ( وَاللاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلا تَبْغُوا عَلَيْهِنَّ سَبِيلاً ) سورة النساء /34

طبعاً انا ولا داعية ولا مخولة إنى افتى ولكن الزوج من حقه انه يضربك بس بعد ما يمر بطرق للتأديب لأكتر من مرة والضرب كمان يكون بشكل معين غير ضرب الافترا والشلاليط الل الواحدة سمعت عنه وربنا يرحمنا منه

عن معاوية بن حيدة قال: قلت يا رسول الله : ما حق زوجة أحدنا عليه ؟ قال: ( أن تطعمها إذا طعمت وتكسوها إذا اكتسيت ، ولا تضرب الوجه ولا تقبح ولا تهجر إلا في البيت)رواه أبو داود

يعنى لازم تعرفى إن اللى بيحصلك ده حراااام انا مش بقولك طولى لسانك ولا استفزيه ولا اعملى اللى مش يرضيه وبعد كده لما يضربك قوليله حرام عليك لأ انا بقولك انتى اكتر

واحدة عارفة زوجك وعارفة امتى بيكون مضايق ومش متحمل كلمة

وامتى يكون مبسوط
كل اللى عليكى انك تسكتى لحد ما يهدا ولو فى كلمة حلوة قوليها يمكن هى اللى تهديه
وفى نفس الوقت مش بقولك لما يضربك اسكتى ومتحسسهوش انك مظلومة وانك راضية عن افعاله وعلى ضربه ليكى

بصو هقولكو الحل ايه

// أولاً : التعوذ بالله من الشيطان الرجيم

استب رجلان عند النبي صلى الله عليه وسلم ونحن عنده جلوس وأحدهما يسب صاحبه مغضبا قد احمر وجهه فقال النبي صلى الله عليه وسلم: (إني لأعلم كلمة لو قالها لذهب عنه ما يجد لو قال أعوذ بالله من الشيطان الرجيم). فقالوا للرجل ألا تسمع ما يقول النبي صلى الله عليه وسلم قال إني لست بمجنون.

//ثانياً : الماء

قال رسول الله صلى الله عليه وسلم: (إن الغضب من الشيطان وإن الشيطان من النار وإنما تطفأ النار بالماء فإذا غضب أحدكم فليتوضأ )

// ثالثاً : تغيير الحالة اللى انتوا عليها
فقد أخرج أحمد من حديث أبي ذر أن النبي صلى الله عليه وسلم قال: (إذا غضب أحدكم وهو قائم فليجلس فإن ذهب عنه الغضب وإلا فليضطجع).

// رابعاً : السكوت عن الكلام
فقد أخرج أحمد من حديث ابن عباس عن النبي صلى الله عليه وسلم قال: (إذا غضب أحدكم فليسكت قالها ثلاثا).

// خامساً: ذكر الله
قال تعالى: (أَلَا بِذِكْرِ اللَّهِ تَطْمَئِنُّ الْقُلُوبُ).

يعنى حد يرد عليا فى بعد كده حاااااجة
عندك الحلول كلها عشان تتجنبى الضرب والأهانة والشتيمة ولآخر مرة شتيمتك لزوجك او اهانتك ليه ده عدم طاعة لله قبل ما يكون لزوجك
يعنى نحاول نتقى الله فى افعالنا
خافى على أولادك لإن الجو اللى كله مشاحنات ده غلط على نفسيتهم إن كان مش دلوقت فعلى المدى البعيد
واعرفى انك لو عودتيه ان ايده تطول عليكى تبقى تقابلينى لو بطل

» تعالو شوفو اخر موضة اوعو يفوتكم
» دعاء للمتزوجين رووعه
» أسرار لحياة جنسية رائعة ... للمتزوجين فقط
» ارشادات مهمة وفنون للديكور .......ادخلى مش هتندمى
» طرقى البسيطة لتفريز الاكل والفاكهة..هتندمى لو مادخلتيش..

سجل فى : 29/04/2011

كلامك جميل يا بحر
ههههههههههههههههههههههه
تسلمى وتسلم مواضيعك
عندى كلمتين محشورين عاوزة اقولهم للمتزوجين اوعو تفوتكم بجد هتندمى لو مدخلتيش 1040451127

عندى كلمتين محشورين عاوزة اقولهم للمتزوجين اوعو تفوتكم بجد هتندمى لو مدخلتيش 1040451127

سجل فى : 03/06/2011

تسلمى ياقمر على ذوقك مبسوطه

سجل فى : 27/05/2011

هههههههههههههههههههههههه
اسلوبك جميل يا بحر
تسلم الايادى يا قمر

عندى كلمتين محشورين عاوزة اقولهم للمتزوجين اوعو تفوتكم بجد هتندمى لو مدخلتيش

مواضيع مماثلة

مواضيع مماثلة

ردود موضوع : عندى كلمتين محشورين عاوزة اقولهم للمتزوجين اوعو تفوتكم بجد هتندمى لو مدخلتيش

عندى كلمتين محشورين عاوزة اقولهم للمتزوجين اوعو تفوتكم بجد هتندمى لو مدخلتيش