جوزك عجينة فى ايدك (الجزء الاول) تعالى اعجنى

:السلام عليكم:

اجريت دراسة حديثة عن الرجل العربى ماذا يحب وماذا يكره ومن خلال الدراسة دى انا طلعتلكم كل اخطاء المراءة من الالف الى الياء وازاى نصحح اخطاءنا ونبقى احنا الاقوى والاكثر راحة نفسية

اول اخطاء المراءة العربية شبهها الرجال بالبغبغان

شوفتى يا حبيبتى انتى ايه بغبغان يعنى بتسمعى وتقلدى على طول من غير تفكير ايه اللى يناسبك وايه اللى ميناسبكيش لان الراجل بيختلف من سن لسن مش كل واحدة تكتب هى عملت ايه مع جوزها تقومى تعملى زيها لان ممكن جوزها يكون اصغر او اكبر او متعلم او جاهل وتبقى زعلانه لو مجبتش نتيجة زى اللى كتبت تجربتها انا هشرحلكم كل سن وكل نوع بيحب ايه وبيكره ايه

الرجل عندما يكون فى العشرينيات ماذا يكون

عندما يكون زوجك فى العشرينيات يكون ليس بكامل نضجه يعنى يكون اختارك بقلبه لا بعقله ويحب ان يراكى كما انتى قبل الزواج دلوعه وحبوبه مهتمه بنفسك ولا تحمليه اى مسئوليه يعنى الطلبات ومتخرجش مع اصحابك ولازم تهتم بيا انا اكتر كل دة معناه حاجة واحدة لهذا الرجل صففففففففففففر ويبدا من هنا البعد عنكى وتصيد الاخطاء وفعل كل شىء يستفزك كى يعرف عنكى المزيد ويكتشف انه اخطاء حينما اخذ قرار الزواج منك وتبدا من هنا علامة الخطر تابعونى بس تعالوا نصلى على الرسول

نتابع رجل العشرينيات برغم ان هذا الرجل يكون مستعجل على الانجاب باى طريقة الاانه يخاف من تحمل المسئوليه ومن اسرار هذا الرجل وعايزة تكسبيه اهتمى بلبسك جدا واوعى تهمليه حتى وانتى فى البيت لازم لبسك يكون منسق جدا جدا دى نقطة ضعف رجل ال20 وكمان صوتك الواطى البنوتى وكمان عدم ذكر اى شخص غيركم وانتم مع بعض لو عملتى كدة تضمنيه مدى الحياه واطلبى عينيه هتاخديها

رجل العشرين لا يعنيه الجنس بنسة 60% يعنى يحب الممارسة فقط اثباتا لرجولته يعنى لسه طلباته فى الجنس محدودة وهى عدد مرات ممارسه بحب فقط اما الطلبات هتبان بعد السن دة يعنى شوية لانجيريهات وكمان مكياج بسيط وهادى بوصف بالظبط خالى بالك دى طلباتهم هما مش احنا وكمان جسمك رشيق تحافظى عليه وكمان بيتك يكون فيه دباديب وشوية لعب كدة وشريطين فى شعرك وانتى بتتفرجى عالتليفزيون وتتنططى زى العيال هتكونى اسعد زوجة وبلاش كلمة بابا دى لانها بتنقطهم جدا فى السن دة استخدمى كلمة دلع لاسمه بس تابعونى

رجل ال30 نرجع بقى للداهيه الكبيرة رجل ال30 وهتوصى بيه فى سن ال30 يبدا الرجل فى استخدام عقله يعنى كبر ونضج خاللى بالك لانك بتعملى اخطاء فظيعة الراجل فى السن ده عينه بتزوغ برة كتير مش عشان مش بتلبسى لانجيريهت ولابتعملى مساج ولا بترقصى كل دة مش هو السبب السبب حاجة تانيه ان الرجل دة شاف الستات بعين تانية غير اللى شافك بيها وهو فى العشرينات ابتدى مخ الراجل فى السن دة يبص لحاجات غير اللى موجودة فيكى ومل منها

رجل ال30 هو رجل الجنس والعقل فقط بمعنى يسعى للكمال فى الجنس ويحب المراءة بعقله بمعنى لو فعلتى كل شىء بعقل ومارستى معه الجنس بعقل هتكونى اسعد امراءة مع هذا الرجل فى ذلك السن ازاى هقولك لا تجعليه مثل فار التجارب وتعملى كل يوم وصفة فيه الراجل ده حاجتين عقل + جنس هشرحلكم

اولا العقل

يحب هذا الرجل المراة التى تسخدم عقلها وذكائها بمعنى تكون واثقة فى نفسها حتى لو مش حلوه لانه فى السن دة مش بيبص للحلاوة اد ما بيبص للعقل والجاذبيه وهتلاقى معظم الرجاله اللى بيخونوا فى السن ده بيكونوا مع ستات عاديه من حيث الشكل ولكنها داهيه من ناحية العقل لازم تكونى عاقله وهاديه جدا جدا

رجل التلاتين اعجنيه واخبزيه بالعقل حبيه بعقل اضحكى بعقل اوعى تكونى هايفه لا لازم تكونى انثى بمعنى الكلمه ناعمة لازم تكونى ناعمة فى كلامك فى ضحكك الراجل فى السن دة عايز اميرة او ملكه زى بتاعت الاحلام يعنى عاقله وناعمة ورقيقة يعنى مش عاوز واحد راجل معاه فى البيت ومش عايز عيله بضفاير وكلام دة زى ما قولنا كل سن وله طريقته انتى انثى اضحكى بعنيكى وابتسمى معظم الوقت وملابسك فى السن دة لازم تكون ناعمة وهاديه بالنهار ساخنة بالليل يعنى كل مايظهر انوثتك

نكمل الكلام اعملى الاكل وزينيه واوعى تستنيه عند الباب والابتسامه وكدة الكلام دة مبيخشش عليهم هو عاوز لما يفتح الباب ويدخل يدور عليكى انتى لابسه ايه مش تكونى انتى جنب الباب اوعى من الحركة دى هو عاوز هو الى يدور عليكى اوعى تكونى سهله كدة واعملى نفسك مشغوله فى حاجة وابتسمى ابتسامة خبث لانها هى نقطة ضعفة ابتسامة من تحت الضرس زى ما بيقولوا

نكمل الكلام تعرفوا رجل ال30 بيشبه مراته بايه بيشبها بالشاويش عطيه تفتكرى ينفع كدة نصيحة بقى لكل ست اوعى تسالى جوزك اسئله كتير سيبيه هو اللى يقول كل حاجة اعرفى كدة كويس لو مسالتيش هو هيقول من نفسة يعنى ممكن تسالى سؤال او اتنين وبهدوء مش اكتر من كدة

» عاوزة جوزك يلزقلك فى البيت تعالى
» جوزك مطنشك تعالى اقولك تعملى ايه
» جوزك بخيل تعالى شوفى تعملى فيه ايه
» عاوزة جوزك هو اللى يصالحك تعالى اقولك
» مسك ايدك وباسك تعالى اقولك المرة الجايه الدور فين وعلى ايه كمان

سجل فى : 03/06/2011

نكمل الكلام ايه اكتر حاجة بتخلى الراجل فى السن ده يبص برة هقولك انتى السبب مكونتيش عاقله يا حلوة اعرفى نقطة ضعف الراجل الطيش حتى الست اللى بيبصلها ويفكر فيها هتلاقيهاعكسك يعنى هادية مبتسمة ناضجة ناعمة نظيفه ساحرة وسر كمان خليه فى سرك الراجل بيموت فى الست اللى بتمارس الرياضة قدامة يعنى وريه انك بتحاولى تكونى مكتمله عقل وصحة وجسم واهتمام تابعونى مع اسرار الداهية

من ضمن اسرار الرجل دة انك تكونى مثل السمكه لايمكن امساكها بسهوله هقولك ازاى لو سالك انتى مثلا عملتى الاكله دى ازاى قوليلله دا سر المهنه ولو سالك عملتى ايه عند ممامتك النهاردة قوليله عادى زى كل مرة ده بقى بيخليكى ايه اسطورة من وجهة نظرة وهجيلك بقى لتانى اهم حاجة وهى الجنس لانها محتاجة شوية شرح لان الحاجة الاولى اللى هى العقل مفهومة ومش محتاجة شرح اكتر من كدة تابعونى

سجل فى : 03/06/2011

الجنس بقى رجل التلاتين جنساوى بحت يعنى عايزك محترفة جنس يعنى متنوعة وحساسة ومتشوقة ومختلفة وكمان لازم تكونى فاهمة كويس اوى ان دى طبيعة السن دة والا هتلاقيه جرى وسابك وراح لاى حد تانى محترف وهفهم ازاى تكونى محترفة من وجهة نظر الرجاله اول حاجة لازم تكونى طبيعية مش ممثله بمعنى عشان تكونى كدة لازم تعملى شوية حاجات هتساعدك اول حاجة لازم تكونى بتفكرى فى الموضوع زايه بالظبط متقوليش عيب وشكلى هيبقى ايه وهيفتكرنى ايه هقولك هو عارفك انك بنت متربيه ومحترمة والا مكنش اتجوزك وكمان الجنس مالوش دعوة خالص بالحترام الجنس احساس ومبتحصهوش الا مع جوزك تابعونى هخليكى محترفة

بصى ياستى حسى الكلام وحسى لمساته معاكى الراجل فى السن دة مش بيبص انتى لابسه ايه هو بيبص انتى حاسة بايه ركزى فى كدة حاولى تسعدى نفسك وتسعديه دا الفرق بين الست الخايبه والست الناصحة يعنى البسى المثير اللى يبن انوثتك انتى مش تلبسى الانجريهات اللى مش مناسبه لشكلك ولاسنك ولا جسمك اعرفى اكتر حاجة حلوة فيكى وبيينيها

بصى ياستى اكتر لونين بيحبهم الراجل فى السن دة للنوم و ممارسة الجنس هما الاحمر والاسود نوعى فيهم زى مانتى عاوزة وممكن تخليهم للايام الى عايزة تصالحى فيهم يعنى دول حاجة اسبيشيال جدا دوا كل حياتة وكمان خاللى فى اضاءة كوبسه اوعى تطفى النور خالص والاهيعرف انك مكسوفه ومعندكيش ثقة فى نفسك هتخسرى كتير لو معملتيش كدة ياريت لو تعملى حاجة كدة من عندى انا انك انتى تقوليله الاول وحشتنى هيحس انه هرقل ومفيش زايه وهتسعدة جدا تابعونى وادعولى دعوة حلوة كدة

سجل فى : 03/06/2011

الرومانسية المفقودة عند رجل التلاتين كتير جدا بيشتكوا من عدم رومانسية جوزها فى السن دة وانا بقولك ده العادى فى السن ده هتلاقيه جاد جدا وغير متكلم بالمرة ومعندوش زوق فى كلامة وبينتقدك لاى سبب هو كدة ومتفكريش ان هما بيعملوا كدة معاكم بس لا دا سمة الشخصية للراجل فى السن دة وان 90% من الرجاله كدة لكن نعمل ايه عشان نقلل الموضوع دة ونخليه شويه رومانسى ومتحلميش باكتر من شويه بس سمعانى عشان نكون واقعين فى كلامنا تابعونى

كيف تجعلى زوجك شويه رومانسى بصى يا قمر لازم تعرفى ان الموضوع محتاج شوية صبر بمعنى الاول لازم تمتعى زوجك جنسيا كويس اوى اكتر من مرة وهو يحس كدة كويس ويقولك انك فيكى حاجة متغيرة يعنى 4 او 5 مرات وبعد كدة هتعليميه الرومانسية واحدة واحدة الاول قبل الجماع بحبة صغيرين تقوليله انا عايزة منك حاجة صغيرة جدا عايزة اسمع كلمة واحدة حلوة عشان تفتح نفسى واعيش معاك اجمل لاحظات الست بتعيشها مع جوزها هيقولك بحبك تقومى تضحكى وفعلا تعملى كل اللى فى وسعك عشان تسعديه عشان يعرف ان الكلام الحلو بيجيب معاكى نتيجة والمرة اللى بعدها تقوليله عايزة كلمتين واللى بعدها تلاتة فى المرة الرابعة هتلاقيه هو اللى بيقول من نفسة وهتالاقيه اتغير وفهم انك بتحبى كدة بس لو نسى متفكريهوش وفى الجماع خليكى عادية هيسالك قوليله عشان انتى نسيت اللى بيفتح نفسى مقلتش ولا كلمة حلوة ولا اى حاجة نكمل

بعد كدة هنعمل خطوة جديدة تشترى اى نوع برفان جديد بقول جديد لسة مستعملتيهوش قبل كدة ولا عمرة شم ريحته عليكى قبل كدة ويكون ساحر وتقولى اسمة باستمرار قدامه عشان يحفظة وتحطى منه ساعة الجماع فقط عشان يتعود عليه وبعد متخلصى الازازة تعملى نفسك زعلانة انه خلص ومش لاقيه زايه وانك سالتى فى المحلات ومش لاقياه وتحسسية انه مهم جدا ليكى هتلاقيه هو اللى دور عليه وجابهولك عشان يبسطك اوبمعنى اصح عشان هو يتبسط وهنا يبقى عملنا حاجتين مهمين خليناه يتكلم وتانى حاجة يتعود يجيب هدية تابعونى

خطوة جديدة وفكرة جديدة حضرتك هتدورى على محل لانجيرى وتنشنى على واحد اسود او احمر بس يكون مناسب ليكى وتقوليله شوفت قميص نوم يهوس نفسى اشتريه بس اوعى تقولى لونه او شكله وتقوليله انك نفسك تشتريه وتقوليله انه هينبسط بيه جدا وانتى هتعملى بيه احلى شغل يعنى تعشميه وهو عشان نقطة ضعفة الجديد فى الجنس هتلاقيه راح معاكى عشان تشتريه بس هيكون مكسوف شويه وممكن يقولك اشتريه وانا هقف بعيد تقومى تشتريه ولما يشوفه هيسالك ليه اللون دة بالذات تقوليله لانه لونك انتى المفضل فى حاجة غريبة ببقى مبسوطة وانا لابساه وهنا هيعرف ان زوقكم قريب من بعض وهيبتدى يشوف كل حاجة فى الشارع وهيفكر فيكى لو انتى اللى لابساها وكمان ممكن تالاقيه شاريلك حاجة من نفس اللون كهديه

سجل فى : 03/06/2011

هقولكم على حاجة مهمة ان الراجل فى السن دة بيكون عملى جدا يا بنات يعنى الرومانسية دى حاجة مش فى دماغة والرومانسية عندة= الجنس فقط ارجوكى افهمى كدة كويس

انا هكملكم موضوع الرومانسة واحدة ست زكيه جدا عملت حركة خلت جوزها بقى رومانسى جدا الست دى حوشت مبلغ وراحت محل ورد وظبطت بوكيه احمر وجميل وطلبت من صاحب المحل يبعت لها الورد فى ساعة معينة بعد رجوع جوزها من الشغل وبعتتة لجوزها ومعاه كرت جميل فيه كلمتين وبس اتمنالك السعادة وطبعا امضتها ولما وصل الورد وجوزها استلمه حس نفسه صغير جدا وابتدى يعاملها بالمثل ممكن بوكيه ب50 او 60ج مش لازم الف مثلا والا هيطلق عشان الفلوس تابعونى

نكمل موقف تانى لست تانيه ذكيه جدا الست دى قفلت زرار الكهرباء الرئيسى بس حاسبى من الكهرباء لتدعى عليه المهم تنزليه بالليل عشان ميلحقش يجيب كهربائى وتكونى محضرة شمع وراديو صغير بالحجارة سعرة 30ج وتولعى الشمع والراديو تسمعى الاغانى هو نفسه هيحس بتغير شويه وصدقينى مفيش احسن من الرجوع للقديم ولو سابك ونام متزعليش استخبى فيه واعملى خايفة هتلاقيه قلبه اتخطف وبعد كدة اتسحبى وارفعى الزرار ولامن شاف ولامن درى

نكمل يا قمرات لو جوزك بيحب الكورة شوفى هو بيشجع ايه خالى بالك الموضوع دة مهم للراجل جدا المهم تروحى محل بيع مستلزمات رياضة وتجيبيله فانلة النادى اللى بيحبه وكمان تطلبى منهم يحطوا اسم الدلع بتاع جوز ساعدتك على التيشرت وقدمهاله هديه صدقينى عنده احسن من مليون ازازة بارفان والكلام دة وهتلاقى قدامك واحد ولا عنتر بن شداد قدام ليلى مهم جدا الموضوع دة يا بنات

نكمل رومانسية رجل التلاتين المفتقدة يا بنات الرجل فى منتصف التلاتين بيكون عصبى جدا ومتنرفز عالاخر والحاجة الوحيدة اللى بتخلى مزاجة عالى العال هى العطور الطبيعية يعنى دايما تخلى ريحة البيت حلوة جدا هتضمنى راحة نفسية ومزاج عالى جدا وهتلاقى عندة قابلية للكلام فى الحب كمان هى دى متعتة وراحة باله

رجل التلاتين رجل مهذب جدا مع الاخرين ملاك من الملائكة وحذارى تحسسيه انه غير كدة وتكسفيه قدام الناس وتقولى انه عكس ذلك هتلاقيه فعلا بقى والعياذ بالله شيطان وعدو ليكى وهيفضح اى عيب فيكى وممكن يطلعلك عيوب مش فيكى ويطلعة على عنيكى

لكن بقى لو كملتى معاه الفيلم ومفضحتيهوش واثبتى انه ملاك هتلاقيه بقى ملاك فعلا كرد فعل لوقفك جنبه وكمان رجل التلاتين كذاب شويتين ومش عايز يعرفك كل حاجة عنه دا العادى ومتزعليش فترة وهتعدى بس زى ما قولنا لازم العقل عشان تكسبى معاه المعركة ويثق فيكى

رجل التلاتين احسن هديه ليه هى الساعات لانه زى ما قولنا عملى جدا فى الفترة دى وكمان الشنط السنسونايت لو مناسبة لشغله او شنطة اوراق وكمان الحلويات لانها بتمدة بالطاقة وخاصة لو انتى اللى عملاها بس تكون مظبوطة ولو مبتعرفيش هاتى من محل يا ستى اهم حاجة الحلويات ضرورى

رجل التلاتين بخيل ماديا شويه وكمان عاطفيا ودة العادى ومحدش يزعل هيتغير فى الاربعين من الناحيه دى ورجل التلاتين بيحب يصلح الحاجة البايظة فى البيت بنفسة ويتعبك معاه وفى النهاية ميعرفش يصلحها

رجل التلاتين وخاصة فى اولها بيحب اهله فوق العادة وميحبش مراته تضايقهم ابدا وعايزها ملاك معاهم وعنده استعداد ينصفهم عليكى وعلاج كدة انك تبعدى عنهم وتتلاشيهم على اد ما تقدرى وكمان متجبيش سيرتهم حتى لو متغاظة منهم

رجل التلاتين بيحب يشتكى من مراته كتير عمال على بطال ويحسس الناس انك مفترية وانك مش مرايحاه وكل ده بسبب الجنس بس بيتكسف يقول كدة خاللى بالك

رجل التلاتين عندة ميل للخيانه بسهوله لو معملتيش اللى قولنا عليه ورجل التلاتين بيحب يتكلم مع الستات ومش عايزك تزعلى ابدا وانك تاخدى الامور ببساطة بس لو رجل تانى كلمك تبقى مصيبة سودة على دماغك

جوزك عجينة فى ايدك (الجزء الاول) تعالى اعجنى

مواضيع مماثلة

مواضيع مماثلة

ردود موضوع : جوزك عجينة فى ايدك (الجزء الاول) تعالى اعجنى

جوزك عجينة فى ايدك (الجزء الاول) تعالى اعجنى