جوزك مطنشك تعالى اقولك تعملى ايه

كتير من الزوجات بتحب ازواجها بجنون وهو ولاهنا مطنشها وبيتقل عليهاوانا لقيت الموضوع ده فى منتدى تانى قولت لازم افيدكم معايا تعالو اقولكم تتعاملو ازاى معاهم:
الخطوه الاولى واهم خطوه:االاستعانه بالله والتوكل عليه
الاستعانه بالله بالدعاء فى الصلاه حاولوا على طول تدعوا ادعيه مثلا زى:اللهم افتح قلب زوجى لى كما فتحت البحر لموسى والن قلبه كما النت الحديد لداوود
اللهم اجعلنى قرة عين له واجعله قرة عين لى واجعلنى اجمل النساء بنظره وقلب قلبه على حبى
الخطوه الثانيه:الرسيااااااااااااااااااااااااااااااااااان
الرسيان يعنى رسيان فى مشيتك فى ضحكتك فى غيرتك عليه فى سؤالك عن احواله فى كل حاجه وكل حاجه هنمسكها بالتفصيل

الرسيان اول خططططططططططوه تمكن الست من عقل وقلب الراجل وهى اول سلمه من سلالم الطلوع لفوق
اول حاجه الرسيان فى المشاعر:يعنى متدلقيش كل مشاعرك وكل اللى جواكى اتبعى نظام الرى بالتنقيط وقت اللزوم والرى بالغمر فى وقت تانى
بمعنى اللهفه والشوق ليها وقتها والمنع له وقته وتدى مشاعرك بحساب يعنى ممكن تغرقيه فى يوم او فى وقت محتجالك فيه عنده ازمه مثلا او حاجه مضايقاه تانى يوم امنعى كانك بالظبط اول يوم غرقتيه ميه

تانى حاجه الرسيان فى حركاتك:بمعنى تمشى كده بثقه وتقعدى بثقه وانوثه ودلال وتضحكى بثقه ومره تضحكى ومره تبتسمى بسسسسسسس

ثالث حاجه الرسيان فى الغيرة:بمعنى ملاحتقك المستمره ليه وغيرتك الزايده عن الحد هتخليه يزهق
هقولك يا ستى مره تغيرى بضحك وزغزغه ونظام ايووه ياعم ماشى خليك فاكرها
ومره تغيرى بمجرد بصه كده كانها قال يعنى بصة حزن من غير ولا كلمه
ومره متغيرييييييييييييييييييييييش خااااااااااااااااااااااااااااالص(او بمعنى تانى حاولى تمسكى نفسك لدرجة انه يبان انك مش غيرانه اصلا)
خليه يحتار يا ترى هى ايه؟

كمان حاجه الرسيان فى الشوق:مره تحسيسيه انك مشتاقه وهتموتى ومره ولا كانك هنا
بمعنى مثلا يوم يرجع من الشغل تبقى واقفه وره الباب وتفتحيله الباب وتبوسى وتحضنى
وبعدها بيومين تعمدى مثلا تمسكى المصحف قبل ما ييجى او تصلى بحيث يدخل يلاقيكى مشغوله فى حاجه ميلومش عليكى انك انشغلتى بيها فهيبقى مغلووووووول بس مش هيقدر يتكلم وبعد ما تخلصى نظام:اسفه يا حبيبى كنت بقرا الورد بتاعى النهارده نورت احضر العشا؟(من غير لا بوس ولا احضان)
رابع حاجه الرسيان فى معرفة اخباره:بمعنى حاولى تعرفى اخباره من بعيد لبعيد عشان انا عارفه طبعا احنا الستات الفضول بيبقى هياكولنا
حاولى تساليه من باب الاهتمام:اخبار الشغل ايه؟او اى حاجه مثلا عنده مشكله اى حاجه
لو رد مثلا وقالك:الحمد لله وسكت
مش نظام زى الهبله :يعنى ايه هو انا مش بسالك انا غلطانه انى بسال يعنى برده مش هتقول طب خليك فاكرها
لااااااااااااااااااااااااااااااااااااااااااااااااا ا اوعى تعملى كده
سكت ومقالكيش اسكتى شويه كده وردى عليه بتقل وروحى قايله:طب ياروحى ربنا يوفقك انا حبيت اطمن عليك

الخطوه الثالثه:الغموووووووووووووووووووووض

جوزك عامل مصيبه كبيره من وراكى ومخبيها عليكى وانتى متاكده ميه فى الميه من انه عمل

التصرف العبيط(معلش اسمحولى اقول كده عشان اكرهكوا فيه):ااااااااااااااه انا عارفه كل حااااااااااااااااااااجه وفاهماك كويس انت مفكرنى نايمه على ودانى

فى الحاله ده جوزك هيعمل حاجه من اتنين
الاولى:هينكر وده لانه مضظر فى الحاله ده انتى هتحسى انه كداب وهتتالمى جدا وهتفقدى ثقتك فيه وهو هيكرهك من جواه لانك كشفتيه لان مفيش حد فى الدنيا بيحب حد يكشفه
طب والتانى:التانى انه هيقولك ايووووووووووووووووووه انا عملت واعلى ما فى خيل خيلك اركبيييييه وهتكسرى عنده حاجز الخوف من المصيبه اللى عاملها
انتى تعملى نفسك اخويه العبيط وتعامالاتك العاديه خالص وكل حين ومين كلمه مدروسه من تحت لتحت تحمل ميت معنى تحمل معنى انك فاقسه الدور او انك بتقوليها بحسن نيه
مثلا تقولى ده فى واحد بيخون مراته تنتهزى الفرصه وتقعدى تشتمى بدلال كده وثقه والراجل اللى بيعمل كده مش محترم ومفكر نفسه ناصح ومراته مش عارفه فى حين انها عارفه حاجه غريبه والله
وبعدها بضحكه رقيييييييييقه :تشرب شاااااى يا روووووووحى
نينيه خليه يقول يا ترى هى عارفه اللى انا بعمله ولا ده مجرد تعليق على المسلسل وهلمه جرى فى الوضع ده بقى يا حلوه جوزك هينتابه خليط من الخوف والرعب ويا ترى لو عارفه ساكته ومرقده على ايه ده اكيد ناويالى على نيه
ولو مش عارفه اومال بتقول كلام غريب ليه يا واد لم الدور واتعامل معاها عدل وامشى عدل يحتار عدوك فيك
ومنك هتبقى فاشه غلك انك مجنناه ومن غير ما يمسك عليكى غلطه وفى نفس الوقت من تحت لتحت انا مصحصه يا جمييييل اوعى تلعب بالنار لا تحرقك
المثال التانى:جوزك بيزلك على موضوع الغيره والستات والجواز التانى
فاتحك فى الجواز التانى
تردى تقولى:وماله ياحبيبىاللى هيسعدك يسعدنى وحته مسكنه
طبعا وحتما ولابد ولا مفر الباشا هيرد:يعنى انتى مش هتضايقى؟
تردى :لا طبعا يا روحى ازاى وهو فيه واحده متزعلش بس طالما ده سعادتك خلاص وبعدين كده ولا كده الواحده لما جوزها بيتجوز عليها مبتحبوش قوى يعنى وموضوع الغيره بيموت عندها خالص فانا ساعتها مش هبقى متضايقه وعزائى الوحيد يا روحى انك مبسووووووووووووط وابتسامه خبيييييثه
قاعدين تتفرجوا على التلفزيون وجت واحدة جمييله طبعا الباشا مش هيسكت هيعلق تعليق سخيف
التصرف الصح:ابتسامه غامضه من دون اى ملاااااااااااااامح خاااااااااااااااااااااااااااالص
خليه يقول هى سمعت ولا مسمعتشششششششششش الللللللللله هو ايه اللى حصل كان نفسى اشوف ميموووون

» تعملى ايه لو المرايه اتكسرت تعالى اقولك
» جوزك بخيل تعالى شوفى تعملى فيه ايه
» عاوزة جوزك هو اللى يصالحك تعالى اقولك
» عايزه تعملى كارت طيب تعالى ادخلى
» عايزا فلوس وخايفه يزعقلك تعالى اقولك تطلبيها ازاى

سجل فى : 01/07/2011

تعالو اكملكوموضوع الغموضك
المثال الثالث فى مسالة الغموض:الغموض فى خصوصياتك وخصوصيات اهلك

التصرف العبيط:ييجى من الشغل يلاقى الراديو اشتغل وعماله تحكى الاخبار العالميه والمحليه والجاره الفوقيه والتحتيه
مره على مره هتحسى انه بيسمعك بملل

التصرف الصح:خليكى ساكته حاولى على اد ما تقدرى تاخدى منه وما تبيعيش خليه هو اللى يبقى تووووواق يعرف اخبارك لو حتى تعبتى ما تقوليلوش الا طبعا لو حاجه كبيره
ولما ييجى يسالك قوليله الحمد لله بس فيه موضوع كده شاغلنى
هو بقه:موضوع ايه
انتى:لا لا يا روحى خليك فى شغلك انت ناقصنى
لا لازم تقولى:مش عايزه اضايقك هقولك فى الوقت المناسب ما انت عارف انا بحب اخد رايك
لازم تسيبى شعرة معاويه فى الموضوع بحيث ميرميش طوبتك خالص ويتعود انه ميسمعكيش
وقطبى جبينك كده كان الموضع حياه او مووووت فى حين ان مثلا اللى شغلك انك مش عارفه توصلى لطريقة عجينة البيتزا
ههههههههههههههههههههههههههههههههههههههه
وصليه لمرحلة ان هو اللى يقعد يتحايل عليكى يعرف معلومه
وطبعا اهلك ايااااااااااااااااااااااااااااااكى تجيبى سيرة اى حاجه تخصهم اطلااااااااااااااااااااقا
المثال الرابع:الغموض فى اخباره الشخصيه
مثلا زى ما قلتلكوا قبل كده اوعى تحسسيه انك هتموتى من الفضول انك تعرفى حاجه الا هيستحلى اللعبه وهتبقى عامله زى العصايه والجزره
الفلاح بيبقى قاعد على ظهر الحمار ماسك عصايه حاطط فيها جزره اودام عين الحمار
الحمار يا ولداه عمال يمشى مفكر نفسه هينوول الجزره فى حين ان الفلاح عايزه يمشى المشوار بتاعه
هى ده الفكره
هتقولى بسسسسسسسس تاهت ولقيناها انا ولا هعبررره
هقولك لا يا فاااااااااااااااالحه كده هيتمسك عليكى غلطه الللللللللللللللللللللللللللللله طب تعملى ايه
التصرف الصح:عامل ايه؟
مردش خلااااااااااااااااااااص بخخخخخخخخخخخ وتعملى نفسك انشغلتى بحاجه
حيريه خليه عمال يفكر هى مش مهتمه لا يا واد ده سالتك الله تبقى مهتمه بس شكلها مش باين ده شكلها باعت القضيه انا يظهر زودتها معاها وعودتها انها متسالش لا يا واد دوقها طعم انك تحكيلها وابقى احرمها تانى
انما على مين هيحصل تبادل الادوار هو اللى هييجى يحكيلك كل مره على امر الجزره وهى ان المدام تهتم زى زماااان
الراجل الاماص ببساطه شديده راجل عررررف اخرررررررررررررررك

-اولا حاولى متغلطيش خاااااااااااااااالص فى علاقتك معاه مهما استفزك صبرى نفسك انك هتبقى تاخدى حقك بعدين بس من تحت الحزام من غير ما يتمسك عليكى غلطه
2-الباشا قلب عليكى الترابيزه فجاءه واتلكك على حاجه هبله وماله سيبيه يعلى صوته خاااااااااالص ويجيب كل اللى عنده وفى الاخر بصوت اخويه المسكين:انا اسفه يا روحى مقصدش
3-خدى راى حد تثقى فيه جدا يكون كبير وعنده حكمه وقالك انك مش غلطانه
4-ساق الهبل وجيتى تكلميه لاقيتى الدنيا ضلمه بخخخخخخخخخخ شكرا مع السلامه انا طيبه اااااااااااه بس عندى كرامه
5-الراجل هيطفش يا شمعه ده مالوش حدود
وماله هو ما لوش حدود فى الغلط انتى خلى ملكيش حدود فى الصح ونظام نام وانت مرتاح وسيب السلاح وحطى فى بطنك بطيخه صيفى لانك عملتى اللى عليكى وتاكدى كل يوم بيعدى هو اللى بيبقى مدان مش انتى
6-هيتشغل ومش هيهمه وممكن يقعد سنه اتشغلى انتى كمان وميهمكيش واقعدى سنتين اشمعنى هو واخداه العزه بالاسم وهو غلطان ونفسه غاليه عنده قوى كده وانتى ايه يعنى
7-ده ما بيهموش اييييييييييوه ما بيهموش لانه واثق ومتاكد وحافظ انه بيهمك وانا شخصيا لو مكانه هعمل زيه
8-اوعى تسمعى كلام حد يقولك يا بت اعفلى الست تتنازل
لا معلش انا اسسسسسسفه العلاقه الزوجيه ياجماعه علاقه متكافئه وربنا قال (ولهن مثل الذى عليهن بالمعروف)
وقال برده(فان اطعنكم فلا تبغوا عليهن سبيلا)
مين قال ان العلاقه الزوجيه ان الزوج يكوى الزوجه وكتر خيره اصلا انه تعبان وشايل المكواااه
9-اوعى تنسى الجمله ده:خذوا الامور بعزة الانفس فان كل شيىء يجرى بمقادير

سجل فى : 01/07/2011

الخطوه الرابعه:الانشغاااااااااااااااااااااااااااااااااااااااالاول فرع:الانشغال بالله
حبى ربنا زى ما قلنا واستعينى بيه واتقربى منه اقرى كلامه بتدبر وصلى بخشوع وفكرى فى عظمته اختلى بنفسك وعيطى من خشية الله يمكن ربنا يظلك بظله افتكرى دايما ان جوزك لا هيقعد معاكى فى القبر ولا هينفعك فى الاخره
فى القبر اللى هيلازمك عملك الصالح
وفى الاخره كل واحد هيهرب من التانى ويقول نفسى نفسى
قوليلى لما تموتى بعد عمر طويل وتسئلى عن عمرك فيما ابليتيه هتقولى ايه:ابليته فى حب جوزى ونكد جوزى والتمحور حول جوزى
ربنا بيقول فى القراءن (قل ان صلاتى ونسكى ومحياى ومماتى لله رب العالمين)
اذن هنا مربط الفرس انتى مش بتنضفى الشقه لجوزك لا لله
عشان انتى بتتقى الله عشان انتى نفسك تخشى الجنه
انتى مش بتخلفى عشان تربطيه بالعيال لا انا بخلف عشان اجيب ذريه مسلمه تسبح بحمد الله وتقدس له
انتى مش بتهتمى بنفسك عشان هو يبص ويرميلك ابتسامه
انتى مش بتطبخى عشان هو ياكل واقرب طريق لقلب الراجل معدته والكلام البايظ لا انتى بتتطبخى عشان ياكل ويتقوى على العمل وربنا يديكى حسنات من ساهم فى عمل كان له مثل اجر اللى عمله بالضبط
انتى بتهتمى بنفسك لان النظافه من الايمان وربنا بيديكى اجر عشان انتى بتتزينى له
هو مجرد مطيه للعبور للجنه والله جه وبقى واد حبيب فبها ونعمت مجاش والله انا كده كده كسبانه حسنات وربنا بيؤجرنى ان شاء الله
حاولى تبرى مامتك وباباكى واديلهم حيز لا باس به من تفكيرك طاعة لله وردا لجميلهم الكبير
الفرع التانى:انشغالك بولادك
بمعنى اشغلى نفسك بولادك قلبا وقالبا مش نظام تبقى بتعملى السندوتش للولد تحطيله مربى على جبنه لانك سرحانه فى مشكله مع سعادة الباشا
الولد يا عينى :يا ماما يا ماما
انتى:اخررس يا ولد انا مش فايقالك
انتى تنشغلى بولادك يا ستى كلكم راع وكلكم مسئول عن رعيته لازم تهتمى بدينهم بمذاكرتهم بنظافتهم بحفظهم للقراءن كام واحده مننا ابنها او بنتها حافظه حاجه جامده من المصحف شبه مفييييييش
احنا فاضيين للكلام ده يا جدع

الفرع الثالث:انشغالك بنظافة شقتك
روقى وضيفى لمساتك مش عشان سعادة الكوماندا الكبير لا عشان نفسك
حاولى تحطى ورد يضفى جو من البهجه فى البيت
روقى مطبخك بطريقه مبتكره
نظمى دولابك باسلوب مختلف كل فتره
بخرى البيت عطرى الهدوم
وده مش عشان الباشا ده لله اولا ثم عشان انتى ست نظيفه
الفرع الرابع:انشغالك بنفسك
يابنت الحلال حبى نفسك شويه دورى على هوايه حلوه تكونى بتحبيها تحسى انك انسانه لها وجود
كتابه بس مش كتابة جوابات هبل لسعادة الباشا
لا مثلا تطريز تريكو قراءه مثلا استضافة اصحاب
وخلى دايما اخر اليوم ليكى وقت يسمى فى علم النفس me time
يعنى وقتى الشخصى بعد ما الولاد يناموا والباشا كمان
شغلى اباجوره وافتحى الاذاعه على القراءن او برنامج اذاعى بتحبيه واضربى كوباية كاكاو او اى مشروب سخن او بارد تحبيه واقرى حاجه لذيذه
صدقينى الموضوع ده مجرب وبيجدد النفسيه جدددددددددددددا ولو داومتى عليه هتبتدى تحبى نفسك وده تقريبا اول الطريق

سجل فى : 01/07/2011

الخطوه الخامسه:الاهتماااااااااااااااااااااااااااااااااااا ام بالمظهر
المفروض تبقى اموووووووره وتهتمى بنفسك لابعد الحدوووود بس عشان نفسك عارفه زى مين البنات اللى بيمشوا فى الشارع متبرجات ومهتمين بنفسهم على الفرازه .هما احسن منك فى حاجه ؟؟؟؟
انا عايزاكى تهتمى بنفسك جدددددا لبسك واستايلك جسمك تخين اعملى رجيم وخسى وكل حاجه فيكى حتى عنيكى ورموشك كلللللللللللللللللللل حاااااااااااااااااااااجه
بس مش عشان ابو السباع لا عشان انتى بتحبى تدلعى نفسك
طبعا اهتمامك بنفسك هيديكى ثقه جامده جدددددددا فى نفسك
لما هتجيلك الثقه اذن :
والجمله ده مهمممممممممممممممممه جدا
ثقتك بنفسك نابعه من جووواكى مش من نظرات الباشمهندس
يبقى يوم ما ييجى وما يفرقش معاه وما يهموش انتى اصلا مش مستنيه انه يهمه و باذن الله لو اهتميتى بنفسك عشان نفسك انه من نفسه هو هيبتدى يهتم
زى ما احنا متفقين الراجل بيشم المدام من على بعد ميت متر
مثلا لما تعملى صبغه فى شعرك
اووووووووووووعى تساليه اعمل انهى لون انا عايزه اعرف اللون اللى بيعجبك؟

لا يا فالحه اعرفى من بعيد لبعيد يعنى مثلا اتكلمى على الالوان الموضه للشعر وهو هيقع على بوزه ويقولك
ولما يقول اللو ن اللى بيحبه
تردى تقولى:اووووووووه تصدق يا روحى هو ده اللون الموضه السنه دى
ولما تيجى تعمليه لو قالك :ايوه يا عم عملتى اللون اللى قلتلك عليه
هزى راسك بهبل كده شكيكيه فى نفسه وقوليله: انت قولتلى على اللون ده؟ معقول مش فاكره خالص ده انا عاملاه عشان موضه
طبعا لازم تهتمى بنفسك لاقصى درجه بس مش عشان جوزك يعجب بيكى لا عشان انتى الاول تعجبى بنفسك وعشان الناس اللى تشوفك تعجب بيكى وبعدين والله جوزى عجب معجبش ده حاجه بتاعته وهو طبعا هيعجب ان شاء الله لان لو مكنتيش عاجباه مكنش اتجوزك من الاول
والحاجه التانيه لما تشيليه من دماغك
الاهتماااااااااااااااااااااااااام بالنفس
بس المره ده الاهتمام بالنفس والعلاقه الحميميه

مبدئيا كده انا عارفه كويس جدا ان الموضوع ده بالنسبه لكتير مننا اشباع عاطفى بالدرجه الاولى ونظرا لان الست عاطفيه ورومانسيه بتحب الموضوع ده مش لذاته انما للمشاعر اللى فيه انما نظرة الراجل للقصه ده مختلفه خالص

الواحده مننا زى ما قلنا تدخل على النت تتعلم طرق ارضاء الزوج وكده وتعد تستناه لحد ما يجى
وتبربش برموشها
طبعا هو من جواه عنده الرغبه اكتر منها بس طبعا نظرا لان التقل سمه سايده فى الرجاله يقوم دالقها
ليه بقه؟
لانه هو ممكن يطلبها فى اى وقت انما متعة انه يحس انها ميته عليه مش فى اى وقت
وخاصة المتعه اللى بيلاقيها من نظراتها المحرووووووووقه انها هتموت عليه
ولو تلاحظى وانا اراهن انك ممكن تعملى الحركة ديه بليل وبينتيلوا يقوم ينام ويسيبك وتانى يوم الصبح

صح؟انا متاكده انها حصلت مع كتير
هقولكوا ليه بقى الراجل طبعا عايز يحقق مكسبين
1-انه يشوفك كده ويديكى الطرشه وينام ويحس انك هتعيطى وهتموتى عليه
بالله عليكى حطى نفسك مكانه مش احساس ممتع
2-انتى تحت الامر والطلب وممكن يجيبك فى اى وقت ومتقدريش تمنعيه نفسك انما هو يقدر يمنعك نفسه لانه الليدر والكوماندا

جوزك جه من الشغل اوععععى مهما حصل تستقبليه بقميص النوم
اومال؟
البسى فساتين لذيذه بناطيل ضيققققققققققققه وحاجات مغريه برضه

اومال قميص النوم امتى؟
قبل ما تناموا تدخلى وتغيرى هدومك اوصاد الدولاب وتلبسى القميص والكلام ده يوميييييييييييييييييا يبقى لبس القميص ده عااااااااااااااااااااادى
لازم تعوديه ان هى ده هدوم النوم بتاعتك وكمان عشان اودام الولاد
بعد ما تلبسى القميص تتاوبى بدلع وتقومى وانتى بتطفى النور تروحى قايله :تصبح على خير انت بقى يا روحى انا هروح اقرى كتاب كده وبعدين هنام بعد شويه وتقومى خااااااااااااااااارجه من الاوضه
اول مره هيطنش تانى مره هيطنش وهو بيعيط
تالت مرررررررره احم احم

ومش لازم الموقف ده بحذافيره ممكن مثلا تلبسى القميص وتخشى تنامى قبليه وفعلا تعملى نفسك نايمه
انا مره عملت الموقف ده فى جوزى من قهرته صحانى وقالى انتى نمتى ؟
قلتله وانا مغمضه عينى:ايوه يا روحى فيه حاااااااااااااااااااجه

اوعى مهما حصل تبتدى انتى الحوار ده مع جوزك خليكى دايما نظام التمننننننننننننننننننننننننننننع
وحتى لما يطلبك قوليله طب ثانيه يا روحى وهجيلك

لكن مش على طول اعمليها مرة كدة واطلبى منه هايشده اكتر ناحيتك
يارب الموضوع يعجبكم ربنا يسعدنى ويسعدكم وتعيشو متهنيين مع اجوازكم

سجل فى : 29/04/2011

تسلم ايدك يا عسل
انا فى لمسات البيت متوصاش هههههههههههههههههههههه
وحلو اوى القران الكريم جدا فى البيت
كلامك جميل يا قمره
تسلمىىىىىىىىىىىىىىىىىىىىىىىىىى

سجل فى : 01/07/2011

سلمتى يا عاشقة وشكرا لمرورك

سجل فى : 02/05/2011

تسلم ايدك على هذا المجهود
بحبك

سجل فى : 01/07/2011

سلمتى يا قمر وشكرا لمرورك

سجل فى : 03/06/2011

جوزك مطنشك تعالى اقولك تعملى ايه 1040451127

تسلمى ياقمر منورة معانا ما شاء الله

سجل فى : 01/07/2011

وجزاكى خيرا يا بحر وشكرا لمرورك

سجل فى : 27/05/2011

موضوع راااااااااااااااااااااااااااااااائع
جزاكى الله الفردوس

سجل فى : 24/05/2011

سجل فى : 09/07/2011

مجهود كبير يا ام ميسرة
شكرا لك وعلى طول اتحفينا بجديدك يا حلوووووة بحبك

سجل فى : 01/07/2011

حبة لولى كتب:: موضوع راااااااااااااااااااااااااااااااائع
جزاكى الله الفردوس

الله يكرمك وبارك الله فيكى

سجل فى : 01/07/2011

اميره العشاق كتب:

وفيكى بارك جزاكى الله كل خير لمرورك

سجل فى : 01/07/2011

noura 25 كتب:: مجهود كبير يا ام ميسرة
شكرا لك وعلى طول اتحفينا بجديدك يا حلوووووة بحبك

تسلمى يا قمر وشكرا لمرورك

سجل فى : 13/07/2011

جزاك الله خيرا

موضوع مميز

سجل فى : 26/06/2011

تسلمى على الموضوع الهايل بجد انا استفدت كتير انا كنت اعمل العكس تماما ومتسرعه وعصبيه جدا هههههههههه بس ايه اعمل لو اتجوزعلى وقالى مش انتى قلتى انك مبسوطه وبتدورى على سعادتى واصطاد فميه عكره اعمل ايه انا ساعتها ههههههههههه

المثال التانى:جوزك بيزلك على موضوع الغيره والستات والجواز التانى
فاتحك فى الجواز التانى
تردى تقولى:وماله ياحبيبىاللى هيسعدك يسعدنى وحته مسكنه
طبعا وحتما ولابد ولا مفر الباشا هيرد:يعنى انتى مش هتضايقى؟
تردى :لا طبعا يا روحى ازاى وهو فيه واحده متزعلش بس طالما ده سعادتك خلاص وبعدين كده ولا كده الواحده لما جوزها بيتجوز عليها مبتحبوش قوى يعنى وموضوع الغيره بيموت عندها خالص فانا ساعتها مش هبقى متضايقه وعزائى الوحيد يا روحى انك مبسووووووووووووط وابتسامه خبيييييثه

سجل فى : 01/07/2011

تسلمى يا كبرياء لمرورك وربنا يفيدك بيه

سجل فى : 11/06/2011

هههههههه
كلاااااام جمييييييييييييل
مقدرش أقول حاجة عليه
تسلمي عزيزتي
ربي يصلح جميع الأحواال للمسلمين
تحيتي اليك

*******
******

سجل فى : 01/07/2011

تسلمى يا يسورتى شكرا لمرورك يا قمرة

جوزك مطنشك تعالى اقولك تعملى ايه

مواضيع مماثلة

مواضيع مماثلة

ردود موضوع : جوزك مطنشك تعالى اقولك تعملى ايه

جوزك مطنشك تعالى اقولك تعملى ايه