حبيباتى ان شاء الله رمضان قرب تقبل الله منكم صالح الاعمال
وعاوزين نساعد بعض بكل ما لدينا من معرفه
لاى شىء من طبخه او فكره سهله للتنظيف
ونعملوا توعيه لبعض بالاشياء المهمه اللى تفدينا كلنا
واننا نحاول فى شهر رمضان شهر الخيرات التقبل اكتر من الله ونجعله بجد شهر العباده والمفروض كل الشهور
ما تتغير من عبادتنا وزياده قربنا من الله
وافضل الشهور هو شهر رمضان ويارب نكون من اصحاب الاعمال المتقبله من الله وانه يرضى عنا ويهدينا لطريق الخير








ودلوقتى حبيباتى اعرفكم بما اتبعه من تحضير
بالنسبه للوجبات لكى اسهل على نفسى عمل الفطار لرمضان
وما اكون مشغوله للتجهيز وتعبى طوال النهار
والتفرغ بوقت كبير للعباده وقرأه القرأن الكريم

باكون محضره بالفريزر
معجون من عصير الطماطم وده باحضره على مدار الايام
من دلوقتى كل ما اجد كميه من الطماطم اصبحت مستويه وما تصلح لعمل طبق السلطه
باخذها واقطعها واعصرها بالخلاط مع شويه صغيره من الماء
وبعدين باصفيها
واضعها على النارر تغلى شويه لحد ما اجدها اصبحت غليظه شويه
باعبئها باكياس على مقدار الوجبات اللى باعملها
ودى لاستعمال رمضان اما لوعاوزه باخزنها
دى طريقتها هنا
اعملى صلصه فى بيتك

وكمان باجيب البذنجان وباقوره واجهزه لوجبات
واخزنه بالفريزر
ولاعمل الخلطه له من الارز والخضره والطمامطم الصل والتوابل
يعنى باجهزها عادى كأنى حاشى بيها عادى
واقسمها برضه واشيله بالفريزر
واجهز اكياس من الخضروات اللى بانظفها
واقطعها بنفسى واضعها بكميات مقسمه للوجبات واشيلها بالفريزر
يعنى فاصوليا خضراء وباميه وبسله مقطع معها جزر
ودى باغلى ماء وبعدين بعد غسيل الخضروات
باضعها بالماء المغلى الساخن جدا
باضعها بيه شويه وبعدين باصفيها بمصفاه
وافتح عليها الماء البارد واكيسها بالاكياس واشيلها بالفريزر
والملوخيه باخرطها واسخن شوربه او مكعب مرقه
واضعه عليها واحفظها باكياس واضعها بالثلاجه
واللحمه المفرومه باتبلها واقطع عليها بصل قطع صغيره
واعملها عصاج واحفظها
والفراخ البانيه باجهزها بتتبيلها
راس ثوم مدقوق مع فلفل ناعم وملح ناعم
واتبل به الفراخ وبعدين الفها بالبيض المتبل بذره ملح وفلفل
واتبلها بعد كده بالبقسماط واتركها بعلبه محكومه بالفريزر
لحين استعمالها وكل ماتركناها بتبقى حلوه يعنى جهزيها قبل رمضان باسبوع واستعمليه بعد كده ما تتركيها كتير
واحفظها ايضا بالفريزر
والسمك ايضا بانظفه جيدا وانقعه ساعه بماء ولمون وبعدين اصفيه من الماء واتبله بتتبيلته المخصوصه من التوم والكزبره والكمون والملح والشطه واتبلها بيه بوضع حشوه من التتبيله دى بسيطه بقلبه واحفظها باكياس لاستعماله
وده ما تتركيه ايضا محتفظه بيه كتير



يعنى حتصنفى فى اختيارك لوجباتك اليوميه
اللى عاوزه تستعمليه اول باول اللى ما ينفع يبقى مده بالفريزر بتاخديه هو الاول وهكذا
وكمان باعمل عجينه للكبابى( كفته اللحمه بالارز)
دى بتبقى روعه
باحضرها ربع كيلو لحمه حمراء بافرمها
مع بصله كبيره ورابطه بقدونس وخضره وشبت وكيلو ارز
واضعهم بالكبه فى الخلاط وتفرم وتوضع فى كيس مجهز لوجبات
انا باعملها على كيسين
وباخدها اصبعها كصوابع واعملها كفته بالصلصه
او اسلقها على هيئه اقراص بالشوربه باللحم
واحمرها بعد سلقه بالسمن بعد تتبيلها بالبيض
او اتركيها مسلوقه براحتك
الاتنين حلوين




ان باكون مجهزه كميه من الارز نظيفه ومنقاه من الشوائب
وباحفظها عندى فى دورق مخصص لحفظ الارز
وكمان اللوبيا والفاصوليا الناشفه بانقيها وانظفها كويس
واحفظها جاهز ه ونظيفه
وايضا العدس باحفظه مجهز ونظيف




واباكون مجهزه خلطه من التوابل لوضعها على السلطات
مثل الطماطم او البطاطس الهروسه او الباذنجان المشوى مهروس
باجهز التتبيله دى بكميه عندى وباحفظها بالثلاجه ببرطمان واضع عليها معلقه زيت حتى تكون صابحه دوما يعنى كأنك عملاها ودى طريقه مجربه وحلوه اتعلمتها من ماما باضع معلقه الزيت على برطمان الصلصه او دقه التوم او التتبيله الجاهزه عندى بتحفظها وما بتنشف الوجه
والتتبيله دى طريقتها
اتنين راس ثوم كبيره
كوب ملح ناعم او خشن عادى
ربع كوب شطه حمرا مدقوقه ومفرومه من قرون الشطه الطبيعيه
معلقه كزبره على كمون وساعات مش باحطهم دول باضيقهم وقت الاحتاج على الصنف اللى عاوزاه
يعنى الكمون والكزبره بلاش عليهم ضيفيهم لما تحتاجيهم
وبافرمهم بالخلاط فرم جيد وباعبئه فى برطمان كبير
واضع عليه معلقه زيت واحفظ برف الثلاجه




وللعصائر

[img]http://www.ibtesama.com/vb/imgcache2/38017.gif[/img



باحضر جميع الفواكه الموجوده
كلها مثل بعض يعنى لو فيه برتقال او يوسفى
او جوافه او مانجواو فراوله او اى فاكهه

باقشرهم واقطعهم وافصل البذوور منهم
واضع عليهم كميه من السكر يعنى مش كتير قوى
يعنى لو حبيتين من المانجو باضع نصف كوب سكرصغير
واحفظها باكياس ولما باحب اعمل اى نوع باخده واضعه بالخلاط مع شويه من الماءالبارد وادور الخلاط بها شويه بيكون عندى عصير رائع وطبيعى ومركز بجد الطريقه دى حلو عرفتها من اختى وابعتها مريحه وحلوه وما بتتعبك ولا بترتبكى
قبل الفطار ولا شىء كله بيبقى مجهز





دى الاشياء اللى فكراها دلوقتى لما افتكر شىء حاضيفه هنا واتمنى
كل واحده من العاشقات الجميلة تضيف اضافتها هنا لنساعد بعض ومش عاوزه ردود شكر عاوزه ردود باشياء مفيده ونعملها مرجع لبعض من تجهيزالاكلات او التنظيف بيبتنا او اى شىء نستفيد منه
ومعذره لو وجدت رد شكر حيحذف
عاوز ردود فعليه باعمالك المعتاده ببيتك انتى ورجاء ما تنقلوا من منتديات اخرى يعنى لو واحده ماعندها اضافه ماتنقل من منتديات اخرى واكتفى بالمعرفه ولوعندك اضافه خالصه بيكى ضيفيها
لاننا عاوزين تجاربك انتى والمتبعه معاكى
واللى جربتيه وتأكدتى منها
يعنى مجربه حتى نفيد بعض
وردود غير كده معذره ليكم سوف تحذف نهائى
عاوزينه ملف لتجهيزات بيتك والتحضيرلرمضان