طريقه هايله سهله لعمل الملوخيه

السلام عليكم ورحمة الله وبركاته
انا موش هاطول عليكم كالعاده ........كنت جايه فرحانه وطايرة عشان اقولكم على حكايه الملوخيه
بس لقيت ماشاء الله الاخت نسمه رقيقه جايبه فكرة رائعه فاصبحت فكرتى جنب فكرتها فكيرررة هههههه المهم انا ماشيه بمبدأ ان اللى عنده اى فكرة حتى لومكررة مايبخلش على الناس بيها ممكن يكون فيها تجديد
المهم انا بقى بعمل ايه بقطف الملوخيه عادى خالص وبغسلها عادى خالص واحطها تتصفى عادى خالص وبعدين اللى موش عادى انى اسيبها فيها شويه ميه بسيطه وافردها فى كيس
وادخلها الفريزر عادى خالص بالليل والصبح اطلعها واكون مجهزة المرقه بتغلى
وبعدين اجيب الملوخيه اكسرها واحطها فى الكبه او البراون او الكويكى وافرمها حبه حبه
وكل ما افرم حبه احطهم فى المرقه لغايه مااخلص الكميه واسيبها تغلى وبعدين اطشلها الطشه وبالهنا والشفا
ملحوظه:-هااااااااااامه اوعى تسيبيها تسيح لازم كل دة يحصل وهى مجمده يعنى طلعى حبه تفرميهم والباقى فى الفريزر .........خلصتى طلعى غيرهم وهاكذا لحد ماتخلص الكميه وهايكون شكلهابعد الفرم باظبط زى الملوخيه الناشفه وعلى فكرة ممكن تتعان فى الفريزر اكثر من يوم موش هايجرلها حاجه وموش هاتسود ان شاء الله
وعلى فكرة كنت عاملاها بالجمبرى واللى عاوز الطريقه انا فى الخدمه
واللى تقرا موش عاوزة منها غير دعوة بظهر الغيب ان ربنا يشفينى ويهدينى