عزومات رمضان فن وشياكة

:السلام عليكم:

عزومات رمضان فن وشياكة

كل سنة وانتم طيبين بمناسبة شهر رمضان الكريم اعاده اله علينا وعلى الامة الاسلامية فى كل مكان بالخير
طبعا فى رمضان بتكتر الزيارات وبتكتر معاها العزايم وطبعا العزايم بتحتاج مجهود كبير علشان التحضير ليها واكيد طبعا بتحتارى فى الاكلات الى ممكن تقدميها فى العزومة وطبعا اكيد بتبقى عاوزة تخلصى طبعا ترتيبات العزومة قبل المغرب وعلشان تستعدى لاستقبال الضيوف وترحبى بيهم
وطبعا علشان اى عزومة تنجح وعاوزة تبهرى بيها ضيوفك وتكون عزومة متتنساش
لازم تكون متخططلها كويس كاننا داخلين حرب ههههههههههههههههههه
المهم انا هقولكم على طريقة تستعدوا بيها لعزومات رمضان وكمان تساعدكوا فى العزايم العادية
أولا
اقعدي مع نفسك

شوفي يا ستي الاستعداد للعزومة بيكون قبلها بيومين بإنك بتقعدي مع نفسك كده وتشوفي عدد المعزومين قد إيه؟؟؟ وعلى الأساس ده بتحددي كمية الأكل اللي إنتِ هتعمليها وخدي بالك إن لو كان عدد المعزومين قليل يعني مثلا 3 أفراد هيبقى عدد الأصناف قليل ومحدود...
لكن لو عدد المعزومين كبير هيبقى فيه تنوع في الأصناف المقدمة وده علشان ترضي جميع الأذواق...

ثانياً
هاتي ورقة وقلم

بعد ما حددتي عدد المدعوين للعزومة هاتي ورقة وقلم واكتبي قائمة بالأصناف اللي المفروض تكون موجودة على السفرة.. ودي نسخة من القائمة اللي ممكن إنك تعمليها في أي عزومة..

• أولا السلطات:

شوفي يا ستي المفروض يكون عندك على السفرة في أي عزومة نوعين من السلطات وليكن مثلا طبق سلطة طحينة وطبق سلطة خضراء.

• ثانيا الشوربة:

كفاية قوي في عزومة رمضان وجود نوع واحد من الشوربة خاصة كمان لو كان عدد المعزومين مش كبير.

• ثالثا اللحوم:

طبق اللحوم ده بيعتبر من الأطباق الرئيسية على السفرة علشان كده لازم يكون على السفرة في أي عزومة نوعين من اللحوم وليكن مثلا طبق بوفتيك لحمة وطبق فراخ مشوية.

• رابعا النشويات:

النشويات زي الرز أو المكرونة أو الرقاق أو المحشي وخدي بالك إن المفروض يكون على السفرة نوع واحد من النشويات.. يعني إما مكرونة أو رز، مش معقول الاتنين.

• خامسا الخضار:

كفاية قوي صنف واحد من الخضار على السفرة خاصة إن الإقبال على الخضار بيكون مش كبير قوي في العزومات.

• سادسا الحلويات:

أكيد لو عندك عزومة هتقضي وقت كبير جدا في عمل الأكل علشان كده اختاري الحلويات السهلة في التحضير أو اختاري الأصناف اللي ممكن إنك تعمليها قبلها بيوم... زي البسبوسة أو أي نوع من الحلويات اللي بتتقدم باردة زي الآيس كريم..

ثالثا
التحضير الفعلي للعزومة

بعد ما جهزت قائمة بالأصناف اللي إنتِ ناوية تعمليها في العزومة عليكِ ببدء التحضير الفعلي للعزومة وخدي بالك إنك تحضري ده قبلها بيوم.
طبعا هتسألي نفسك دلوقتي وتقولي ازاي أحضر الأكل قبلها بيوم، كده الأكل يبوظ خاصة إن الجو حر...
شوفي يا ستي.. دي الحاجات اللي ممكن إنك تعمليها قبل العزومة بيوم:

1- العصائر ممكن إنك تعمليها وتحطيها في كوباية العصير وتحطيها في التلاجة أو تحطيها في أكياس وتحطيها في الفريزر وتطلعيها قبل المغرب بخمس ساعات.

2- جهزي أدوات المطبخ بتاعتك زي "الصواني والأطباق والكوبايات والكاسات" واتأكدي من نظافتها بحيث إنها تكون جاهزة على الاستعمال.

3- لو هتعملي محشي ممكن إنك تجهزيه وتلفيه وتحطيه في التلاجة بحيث يكون جاهز على التسوية يوم العزومة.

4- لو هتقدمي في العزومة لحمة أو فراخ مشوية ممكن أنك تتبليهم ببصل قبل العزومة بيوم وتحطيهم في وعاء بلاستيك وتسيبيهم في التلاجة بحيث يكونوا جاهزين على الشواء يوم العزومة.

5- لو هتعملي مكرونة بالبشاميل أو جلاش باللحمة المفرومة يبقى ياريت إنك تعصجي اللحمة قبلها بيوم.

6- الحلويات ممكن إنك تعمليها قبل العزومة بيوم وتحطيها في التلاجة ومن الحلويات اللي ممكن إنك تعمليها الآيس كريم والبسبوسة والبقلاوة.. وخدي بالك إنك تغطي صينية البسبوسة أو البقلاوة كويس.

رابعا
يوم العزومة نفسه

أكيد لو جهزتِ الحاجات دي زي ما قلنا ليكِ هتقومي يوم العزومة أعصابك مستريحة جدا وهتبدئي في إنك تخرجي الحاجات اللي إنتِ جهزتيها من التلاجة وتسويها وفي الوقت اللي الحاجة فيه بتستوي ممكن إنك تعملي السلطة وخدي بالك إنك تحطي الأكل اللي هيستوي بدري في أواني حرارية علشان يفضل محتفظ بسخونته...

وبكده فعلا هتخلصي كل حاجة قبل أذان المغرب بساعتين وهتقدري تستقبلي ضيوفك وإنتِ أعصابك مستريحة قوي..

وبكده ياقمر هتنبسطى وتقضى وقت حلو مع ضيوفك وهتكونى مستريحة جدا وطبعا المشاكل الى كنتى بتقابليها قبل كده فى تحضير العزومات هتكون انتهت وهتبقى عرفتى ازاى تنظمى اى عزومة من غير متقلقى ازاى وازاى وازى ومش هلحق اخلص ومش هيبقى فيه وقت يعنى كل المشاكل اللى انتى كنتى بتواجهيها انتهت وهتعشقى بعد كده حاجة اسمها عزومات ههههههههههههههههههههههه

» عقود اخرحلاوة وشياكة
» فطار اول يوم فى رمضان
» احلى الحلويات علشان رمضان اللهم بلغنا رمضان
» بعض حلوياتى فى رمضان
» وصفات للعناية بالبشرة في رمضان تعاني بعض السيدات من جفاف بشرتهم خلال نهار شهر رمضان ، ولحل هذه المشكلة إليك بعض الخلطات من مجلة 'هي' لترطيب البشرة: قناع العسل : المكونات: العسل، زيت جوز الهند، عصي

سجل فى : 27/05/2011

تسلم ايديكى وافكارك يا ام سندس يا عسولة

سجل فى : 29/04/2011

افكار هايله يا ام سندس
تسلمىىىىىىىىىىىىىىىىى
كل عام وانت بخير

سجل فى : 03/06/2011

تسلمى ياقمر

عزومات رمضان فن وشياكة

مواضيع مماثلة

مواضيع مماثلة

ردود موضوع : عزومات رمضان فن وشياكة

عزومات رمضان فن وشياكة