إزاي هتقابلي عريسك لأول مرة؟..
منتدى عاشقات الاشغال اليدوية
اهلا بيكى زائرتنا الجميله شرفتينا يا عسوله سجلى معانا
او اشتركى فى قناتنا هنا
https://www.youtube.com/channel/UCBHY7_kmw_eOZOf0ABb64Bg
https://www.youtube.com/playlist?list=PLpnz6EhoujAsr71wq5d0ffPGJ9Vmvvr7A
منتدى عاشقات الاشغال اليدوية
اهلا بيكى زائرتنا الجميله شرفتينا يا عسوله سجلى معانا
او اشتركى فى قناتنا هنا
https://www.youtube.com/channel/UCBHY7_kmw_eOZOf0ABb64Bg
https://www.youtube.com/playlist?list=PLpnz6EhoujAsr71wq5d0ffPGJ9Vmvvr7A
الرئيسيةالرئيسية  أحدث الصورأحدث الصور  التسجيلالتسجيل  دخولدخول  
اعلان
لا تنسى زيارة قناتنا الاشتراك
وتفعيل الجرس
عاشقات الاشغال اليدوية
    اسم الموضوع: خدمات شركات النقلإزاي هتقابلي عريسك لأول مرة؟.. Emptyالأحد 18 يونيو 2023, 3:19 pm من طرف    اسم الموضوع: شركة نقل عفشإزاي هتقابلي عريسك لأول مرة؟.. Emptyالأحد 18 يونيو 2023, 3:17 pm من طرف    اسم الموضوع: صنع شبشب من الملابس القديمهإزاي هتقابلي عريسك لأول مرة؟.. Emptyالخميس 20 أكتوبر 2022, 3:43 am من طرف    اسم الموضوع: افضل شركات نقل عفشإزاي هتقابلي عريسك لأول مرة؟.. Emptyالأربعاء 14 سبتمبر 2022, 10:14 pm من طرف    اسم الموضوع: انا واعمالى اليدوية فى التلفزيونإزاي هتقابلي عريسك لأول مرة؟.. Emptyالسبت 11 يونيو 2022, 4:14 am من طرف    اسم الموضوع: كعك العيد بطعم السمنة البلدى من غير نقطة سمن بلدىإزاي هتقابلي عريسك لأول مرة؟.. Emptyالخميس 14 أبريل 2022, 5:44 am من طرف    اسم الموضوع: كسبت قسائم شراء مجانية لموقع جوميا ادخلوا بسرعة 2022إزاي هتقابلي عريسك لأول مرة؟.. Emptyالسبت 11 ديسمبر 2021, 9:45 pm من طرف    اسم الموضوع: طريقة عمل السجاد الشاج زى الجاهز بالظبطإزاي هتقابلي عريسك لأول مرة؟.. Emptyالإثنين 22 مارس 2021, 5:05 pm من طرف    اسم الموضوع: من قفص الفاكهة عملت افكار باقل التكاليف لتجديد المطبخ وتحويله لتركىإزاي هتقابلي عريسك لأول مرة؟.. Emptyالخميس 18 مارس 2021, 4:05 am من طرف    اسم الموضوع: طقم مفارش نول من صنعى وبالطريقه لعيونكمإزاي هتقابلي عريسك لأول مرة؟.. Emptyالأربعاء 17 مارس 2021, 1:49 am من طرف

شاطر | 
 

 إزاي هتقابلي عريسك لأول مرة؟..

استعرض الموضوع التالي استعرض الموضوع السابق اذهب الى الأسفل 
 
 بحر الحنين
 
بحر الحنين
خبيرة العاشقات
خبيرة العاشقات


اوسمتى : إزاي هتقابلي عريسك لأول مرة؟.. 710 إزاي هتقابلي عريسك لأول مرة؟.. 210
انثى
سجل فى : 03/06/2011
العمر : 40
العمل/الترفيه : ليسانس حقوق
عدد المساهمات : 3536
التقييم : 11
تاريخ الميلاد : 04/03/1984
المزاج : رومانسى


:السلام عليكم:

هناك قاعدة تقول إن
الانطباع الأول يدوم

يعني الفكرة اللي هياخدها عنك الشاب اللي جاي ده في أول لقاء هيترتب عليها حاجات كتير أوووي نفس الشيء بالنسبة ليك الفكرة اللي هتاخديها عنه من أول مرة هيترتب عليها حاجات كتير أوووي
علشان كده عايزك تبقي ناصحة وتقدري بأسلوبك وذكائك وجمالك تتركي انطباع كويس عنك عند الشاب ده حتى لو محصلش نصيب
طبعا هتسألي نفسك وتقولي ازاي ده أنا مكسوفة مووووت ومش عارفة أعمل إيه وحاسة إني هلخبط الدنيا وعمالة أتصل بصاحباتي وكل واحدة تضحك علي ومحدش قال لي كلمة مفيدة أقدر أستفيد بيها
ماتخافيش.. إحنا دلوقتي هنمشي معاكي خطوة خطوة ونقول لك تعملي إيه
*******

الخطوة الأولى

جهزي نفسك نفسيا ومظهريا
1-

علشان ماتتعبيش نفسك وأعصابك على الفاضي ياريت تشيلي من دماغك فكرة إنك بضاعة جاي العريس يتفرج عليها لأن دي حاجة مش صح وحطي في دماغك إن ده جاي يتعرف على البنت اللي ممكن تكون شريكة حياته وإن دي حاجة مش عيب ومفيش منها أي تقليل من شأنك

2-

حاولي على قد ما تقدري تخلي أعصابك هادية جدا وتبعدي عن أي مصدر قلق أو توتر.. علشان التوتر ممكن يبان على وشك واحنا مش عايزين كده احنا عايزين عروسة زي القمر وياريت كمان قبل الميعاد ده تاخدي دش دافي

3-

بعد كده ادخلي الأوضة عندك وابدأي في اختيار لبسك.. وعلى فكرة النقطة دي بتحير بنات كتيييير أووووي لأنهم بيحتاورا يلبسوا كلاسيك ولا لبس عادي
بس بيني وبينك ياريت أول مرة دي تلبسي لبسك العادي اللي انتي بتلبسيه وأنت خارجة.. يعني لو كنت بتلبسي بنطلون وبلوزة البسيهم بس ياريت البنطلون يكون قماش مش جينز أو لو كنت بتلبسي جوب وبلوزة البسيهم برضه وده علشان يشوفك على طبيعتك في اللبس وبلاش موضوع إنك تلبسي بدلة لأن دي هتخلي الحكاية تبقى رسمي أوووي وممكن تبينك أكبر من سنك
واوعي تنسي تختاري الألوان اللي تكون مناسبة عليك وتنور وشك

4-

لو كان اللقاء ده هيتم في البيت فياريت ما تلبسيش كعب عالي قوووي وخليك في الكعب اللي 3 سم

5-

ياريت في اليوم ده ما تكتريش في المكياج علشان ما تبقيش عاملة زي البلياتشو.. وخليك بسيطة جدا في مكياجك يعني كفاية أووي إنك تحطي روج وترسمي عينيك بالكحل والآي شادو وتحطي ماسكرا وبلاش أحمر خدود لأن طبيعي جدا إن وشك هيحمر في اليوم ده فمش هتحتاجي لأحمر الخدود لأنه هيكون موجود طبيعي

6-

خليكي متفائلة وتوقعي الخير علشان تلاقيه خير وتوكلي على الله وفوضي أمرك إليه، وادعي ربنا يوفقك في اللي فيه خير ليكي
أعتقد إنك لو عملتي الحاجات اللي قلنا عليها دي هتكوني فعلا استعديت للقاء ده وتعالي نشوف اللي المفروض تعمليه أثناء اللقاء ده

*******
الخطوة التانية
أثناء اللقاء نفسه

1-

بلاش تشيلي صينية عصير في إيدك وأنت داخلة لأنك ممكن ترتبكي وتوقعيها على اللي قاعدين.. كفاية قووي إنك تدخلي بابتسامة بسيطة على شفايفك وتسلمي على كل اللي موجودين وعليه هو كمان.. واقعدي وخليك شاطرة واختاري إنك تقعدي في الكرسي اللي يكون مواجه له علشان تقدري تشوفيه كويس لأن ده حقك الشرعي وخليكي واثقة من نفسك وخدي الموضوع ببساطة علشان يعدي

2-

لو مامته جات معاه ياريت تخلي بالك منها وبلاش تكشري في وشها وهي قاعدة.. خليكي مبتسمة ليها دايما حتى لو قالت حاجة مش عجباك اوعي تردي عليها رد مش مناسب وكلميها عادي وحاولي تكسبي رضاها وخليكي ذكية وفكري في كل كلمة قبل ماتقوليها

3-

وأنت قاعدة اتكلمي براحتك من غير تكلف وافتحي مجالات للكلام واسمعيه كويس وهو بيتكلم علشان تقدري تحكمي عليه

4-

لو فيه حاجة تضحك يا ريت ماتضحكيش ضحك بصوت عالي أو ضحك هيستري كفاية قوووي ابتسامة بسيطة على شفايفك

5-

خليكي جريئة ولو وجه لك الكلام ردي عليه بذوق من غير كسوف

*******
كمان خدي بالك أوووي

1-

لو سمحت الظروف وقعدتوا مع بعض ياريت تتكلمي معاه في أمور عادية جدا.. زي مثلا البرامج اللي بتعجبك في التليفزيون أو عن حاجة تكون حصلت قريب وشدت انتباهك وابعدي عن الكلام في أي مواضيع تكون مسار جدل زي مثلا الكرة والأهلي والزمالك.. ولو تطور الكلام بينكم لأي مواضيع فيها جدل خليكي ذكية وبلاش يكون عندك تحيز في الرأي واسمعي منه وابدي رأيك بأسلوب لطيف من غير ما تحرجي نفسك أو تحرجيه
واوعي في أول كلام بينكم تسأليه أي أسئلة شخصية أو أسئلة محرجة زي مثلا إنك تسأليه إذا كان خاطب قبل كده ولا لأ أو مثلا مرتبه كام؟؟ لأن الأسئلة اللي من النوع ده ما ينفعش تسأليها في أول مقابلة
2-

لو كان اللقاء في مكان عام زي النادي مثلا أو كافيه أو خلال مناسبة ما فحاولي تقللي من نظراتك حول الأشخاص الموجودين في المكان وركزي في الشخص نفسه

*******
الخطوة الثالثة

بعد انتهاء اللقاء

بعد ما يمشوا عايزاكي تقعدي مع مامتك وتحكي لها على اللي حصل وتفكري معاها كويس وشوفي إيه اللي قدرتي تطلعي بيه من اللقاء ده.. لأن فيه حاجات حتى لو بسيطة هتكون بانت قدامك ولو مش قادرة تحكمي كويس ياريت تطلبي لقاء تاني علشان تقدري تحكمي على أساس صح.. وربنا يوفقك

{.... توقيع بحر الحنين ....}
مُشاطرة هذه المقالة على: reddit
 

 ردود موضوع : إزاي هتقابلي عريسك لأول مرة؟..

استعرض الموضوع التالي استعرض الموضوع السابق اذهب الى الأسفل
كاتب الموضوعرسالة
 
 avatar
 
الفراشه الصغيره
عاشقه استاذه
عاشقه استاذه

سجل فى : 02/05/2011
عدد المساهمات : 206
التقييم : 4




مُساهمةموضوع: رد: إزاي هتقابلي عريسك لأول مرة؟..   إزاي هتقابلي عريسك لأول مرة؟.. Emptyالأحد 19 يونيو 2011, 4:21 pm

تسلم ايدك
موضوع هايل

{.... توقيع الفراشه الصغيره ....}
 
 بحر الحنين
 
بحر الحنين
خبيرة العاشقات
خبيرة العاشقات

اوسمتى : إزاي هتقابلي عريسك لأول مرة؟.. 710 إزاي هتقابلي عريسك لأول مرة؟.. 210
انثى
سجل فى : 03/06/2011
العمر : 40
العمل/الترفيه : ليسانس حقوق
عدد المساهمات : 3536
التقييم : 11
تاريخ الميلاد : 04/03/1984
المزاج : رومانسى




مُساهمةموضوع: رد: إزاي هتقابلي عريسك لأول مرة؟..   إزاي هتقابلي عريسك لأول مرة؟.. Emptyالإثنين 20 يونيو 2011, 7:24 am

تسلمى ياقمر نورتينى

{.... توقيع بحر الحنين ....}
 
 أسامي
 
أسامي
مديره الموقع

اوسمتى : إزاي هتقابلي عريسك لأول مرة؟.. Star5
انثى
سجل فى : 03/05/2011
العمل/الترفيه : مدرسة لغة إنجليزية
عدد المساهمات : 5618
التقييم : 64
المزاج : الحمد لله
إزاي هتقابلي عريسك لأول مرة؟.. 1347522429552 إزاي هتقابلي عريسك لأول مرة؟.. 1347524138742 إزاي هتقابلي عريسك لأول مرة؟.. 1347524242782 إزاي هتقابلي عريسك لأول مرة؟.. 1347524795792




مُساهمةموضوع: رد: إزاي هتقابلي عريسك لأول مرة؟..   إزاي هتقابلي عريسك لأول مرة؟.. Emptyالإثنين 20 يونيو 2011, 10:45 am

تسلمي يا سكرة
فعلا أول لقاء دا له تأثير كبير
مرة واحد متدين وملتحي إتفق إنه هيقابل عروسته خارج البيت وهي عارفة إنه هايقابلها بس ما إهتمتش بنفسها وخرجت على طبيعتها أول ما شافها قال هي عارفة إني هاقبلها ما حطتش حتى شوية مكياج والبنت بصراحة متدينه أوي وجميلة بس ما حبتش تغير من شكلها وتكون على طبيعتها
بس دا علمها إن المتدين حتى له نظرة من أول لقاء ولازم الواحدة تهتم بمظهرها

{.... توقيع أسامي ....}
 

إزاي هتقابلي عريسك لأول مرة؟..

استعرض الموضوع التالي استعرض الموضوع السابق الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى عاشقات الاشغال اليدوية :: قسم المرأه والاسره :: قسم معامله الازواج-
جميع الحقوق محفوظه لمنتدي عاشقات الاشغال اليدوية ©ashkat.lolbb.comتصميم وتطوير ابن الاسلام منتديات احلى ستايل alt=الرئيسيه | التسجيل |مراسلة الادارة |احصائيات | الاعلى