السلام عليكم ورحمة الله وبركاته

الكيكة اللى هاقدمها سهلة وبسيطة وبتعجب الاطفال عشان شكلها

المقادير :

1.5 كوب دقيق نصف كوب زبدة
3/4 كوب سكر 3 بيضات
ام بيكنج باودر 1 م فانيليا
2م كاكاو نصف كوب حليب

الطريقة :

نضرب السكر والزبدة كويس وبعدين ننزل بالبيض واحدة واحدة مع الضرب ومعاهم الفانيليا
وبعدين نضيف الحليب ونضرب كويس
نضيف الدقيق ومعاه البكينج باودر
شوية بشوية مع التقليب بمعلقة فى اتجاه واحد

بعد كده نقسم الخليط نصفين نصف نتركه ابيض والنصف الاخر نضيف عليه الكاوكاو ونخلطه كويس

نجيب صينيه وندهنها سمنة ونرش فيها دقيق
ونبدأ ناخد ملعقة من الون الابيض ونحطها فى النص وبعدين ملعقة من البنى ونحطها فوقها ونفضل نعمل كده بالتبادل لحد ما نخلص الخليط
ونحرك الصينيه عشان تفرش فيها
وفى الاخر بسن اى حاجة سكينة مثلا ونعمل خطوط من النص للطراف عشان تدى شكل حلو

بعد ما طلعت عملتلها صوص وحطيته عليها
الصوص عبارة عن :
ملعقة كبيرة زبدة + 3 ملعقة كاكاو + كوب حليب + 1ملعقة لبن بودرة + رشة فانيليا
ضربتهم فى الخلاط عشان يتجانسوا كويس
وبعدين رفعتهم على النار لحد ما الصوص تقل

واسيبكم مع الصور بس اعذرونى ما صورتش كل الخطوات بس ان شاء الله الطريقة واضحة






ودى بعد ماعملت شوية







هنا بعد ماحطتلها الصوص وقطعتها
شايفين شكلها من جوه


اتفضلوا معانا