دليل اماكن بيع المستلزمات الفنية

اولا الزقازيق

بصو فى الزقازيق اللى محتاج خرز او خامات اكسسوارات يروح لابن سينا وعنده كمان خيوط لاسيه جميله وه فى شارع المكاتب اكيد كلنا عارفينه
ولو محتاجين ايدينن شنط للى عاوز يعمل شنط كورشيه او مكرمية هاقولكم على ورشة خوص تحفة بجد وهى عند صيدلية النيل الشارع اللى جنبها
وكمان فى محل ببيبيع خيوط بالكيلو للمكرمية ورخيص بجد فى نفس الشارع
ولو عاوزين مستلزمات ديكور انزاوا عند حلقة السمك عند الممر
ولو محتاجين الوان اى نوع روحوا لمكتبة فنون عند كلية تربية نوعية
ولو محتاجين ناصبيان او ريليف او الوان برضوا فى مكتبة فى المحطة عند محطة القطار

ثانيا : القاهرة

بالنسبة للقاهرة هاقول اللى اعرف للى عاوز ورق الومنيوم اللى بيقولوا عليه اسطانيو وهو فن رقائق المعادن انزلوا فى الحسين واسئلوا عند بيت القاضى بجد منطقة خطيرة وفيها النحاس والفضة والالومنيوم بالكيلو

ولو محتاجين خيوط فموجود محلات جملة بالهبل فى الغورية ودى لو عاوز تروحيلها تركبى المترو وانزلى العتبة وخدى عربية رايحة الحسين من تحت الكوبرى وانزلى الغورية

ولو محتاجين صوانى او اى ادوات منزلية اركبى نفس العربية بتاعة الحسين وقوليله حمام التلات

وكمان انا سالت كرنبا عن محلات السلاسل والاكسسوارات فقالتلى الموسكى علشان تروحوا الموسكى بتركبوا المترو وتنزلى محطة العتبة وتتمشيها

ولو عاوزين محلات قشرة خطيرة للى بيشتغلو قشرة وهابئا افرجكم على شغلى انزلى شارع الرويعى ده برضو فى العتبة انا مسمية العتبة دى صندوق الكنوز بجد جواها كنوز

بالنسبة لدرب البرابرة انا عرفته بالصدفة من يومين وانا فى القاهرة
بصى انزلى محطة العتبة وخدى اتوبيس يكون مكتوب عليه الموسى وقوليله كوبرى الماشة بتاع الموسكى
هينزلك هناك اسئلى عن كنيسة وراها هناك درب البربرة ومليان نجف وورش

بالنسبه بقي للشمع تجيبيه منين فى الموسكى وشارع الجيش وفى محل اسمه سيد الخير
عنده كل حاجة للشمع والالوان كمان
وفة نفس الشارع هتلاقى
محلات الصباغة والالوان فى المحلات الكيميائية شــــــــــــــــارع الجيش - القاهرة
يوجد من أول شارع الجيش جميع محلات الخاصة بألوان الصباعة للأقمشةوهذا الشارع في اوله من ناحية شارع بور سعيد متخصص في كل انواع الصباغةوهذا يصلح للطباعة اليدوية والأستانسل للأقمشة

سوق للجلود
شارع بو سعيد - من ناحية مديرية أمن القاهرة - تحت الربع
وهتلاقى هناك
جلد الماعز ((( جلد الحور )) ...... يباع بالقدم
جلد البقري والجاموسي (( جلد الكورين )) ..... يباع بالقدم
وهناك ايضا يباع قصاقيص جلود ملونة تحفة ....... تباع بالكيلو

دول بئا كل الاماكن اللى ال****** اضافوها لينا فى المشاركة وتحية وتعظيم سلام لكا فتوكة وصفت لينا مكان الف الف شكر ليكم

في القاهرة Lost Cat وصلت أخيرا لمكان عجيب غريب اسمه الخرنفش..مليان مستلزمات خرز بأسعار جملة الجملة..بس ازاي يروحوه ما أعرفش بصراحة لأني مش من القاهرة..بس أعتقد انها قالت انها دخلته من درب البرابرة..اسألوها
لو عايزة منتجات شمع يعنى شمع خام والوان ومصلب وخلافه انزلى الغورية تحت باب زويلة عند العطارين اللي هناك وممكن كمان في محل اسمه ابو كحلة للعطارة ده في شارع احمد ماهر خلف مديرية الامن
ومتهيالى كمان فيه شمع جل واعرف ان شمع الجل في درب البرابرة عند حد اسمه تقريبا سمير خير

لو عايزة كلف واكسسوارات وحاجات عرايس من نجف او شمع او توزيعات انزلى درب البرابرة ده بين الازهر والموسكى الف مين يدلك عليه درب البرابرة دة هتلاقي فيه حاجات عجيبة تفتح نفسك للشغل

لو محتاجين نحاس رقائق نحاس بيت القاضى فى الحسين
ولو محتاجين اسلاك ورنيش ورا قسم الجمالية ولو عاوزين اسلاك نحاس عليها ورنيش
شارع نجيب الريحانى وسعر الكيلو 60 وده السعر الاصلى محدش يضحك عليكم

الجلد الطبيعى من تحت الربع ودى ورا مديريه امن القاهره وبره اسمها الخياميه وكلها منطقه واحده شارع بالطول وممكن تنزلى محطه جامع البنات عند المتحف الاسلامى قريب من باب الخلق ومن هناك ممكن تروحى الموسكى والغوريه وتحت الربع وكلهم عايزين انك تمشى كتير وتلفى كتير وربنا يوفقكم

درب المزاينه هتلاقوه عند المحلات اللي بتبيع حجات السبوع والتوزيعات
افضلوا اسالوا عن مكان بيع مستلزمات تغليف الهدايا لغاية ما توصلوا
هتلاقوه هناك في المحلات اللي بتبيع الخرز هتلاقو عندهم العيون المتحركه برموش ومن غير رموش
ولقيت هناك كمان الاقمشه اللي بتتغلف بيها بوكسات الهدايا وشرايط الستان والشرايط البلاستيك دي اللي بتتربط على الهديه
وبوكسات هدايا احجام مختلفه ولقيت كمان محلات بتبيع الاسفنج

محل كمان فى مدينة فيصل اسمه ديفليه لكن بيبيع حاجات بالجملة

محل ف وسط البلد ف شارع 26 يوليو بعد بنك فيصل الاسلامى بيبيع كل مستلزمات الخياطه والكلف والكنفا والتريكو اسمه محلات بوابيجيان بس هو مواعيدة رخمه شويه بيقفل الساعه 8 مساء والاجازو جمعه وسبت

لو عايزين قماش تنجيد او ستائر او ملايات او سواريهات انزلى وكالة البلح علي طول

لو عايزة منتجات شمع يعنى شمع خام والوان ومصلب وخلافه انزلى الغورية تحت باب زويلة عند العطارين اللي هناك وممكن كمان في محل اسمه ابو كحلة للعطارة ده في شارع احمد ماهر خلف مديرية الامن

ومتهيالى كمان فيه شمع جل واعرف ان شمع الجل في درب البرابرة عند حد اسمه تقريبا سمير خير

لو عايزة كلف واكسسوارات وحاجات عرايس من نجف او شمع او توزيعات انزلى درب البرابرة ده بين الازهر والموسكى الف مين يدلك عليه درب البرابرة دة هتلاقي فيه حاجات عجيبة تفتح نفسك للشغل
محل عطارة اسمه احمد ابو جبل لقيت عنده شمع خام تركى جبت كيلو ب12 جنيه قلت اجربه الاول بس هوا تحسوه طرى مش زى البرافين بتاعنا اهو يمشى هجرب واقولكم المحل ده جوة

انا فعلا لقيتها في الموسكي في مكان تقريبا اسمه كان درب المزاينه هتلاقوه عند المحلات اللي بتبيع حجات السبوع والتوزيعات
افضلوا اسالوا عن مكان بيع مستلزمات تغليف الهدايا لغاية ما توصلوا
هتلاقوه هناك في المحلات اللي بتبيع الخرز هتلاقو عندهم العيون المتحركه برموش ومن غير رموش
ولقيت هناك كمان الاقمشه اللي بتتغلف بيها بوكسات الهدايا وشرايط الستان والشرايط البلاستيك دي اللي بتتربط على الهديه
وبوكسات هدايا احجام مختلفه ولقيت كمان محلات بتبيع الاسفنج
فى محل خرز في أول الموسكي أمام محل النمرسي اسمه محل الحاج طه .... موجود عنده النوع ده من الكريستال بس غالي شوية

دول شوية عناوين مجمعاهم من منتديات ومواقع لاماكن محلات ربنا يجعله فى ميزان حسناتهم

الخليفة المأمون - مصر الجديدة
شركة ماستر الأيطاليه تليفون -فاكس 24852306 موبيل 0123101086

وفي شارع القصر العيني
شركة كرياتيف تاتش تليفون 27960599
وهي شركة ايطالية بتبيع خامات الديكوباج .... والنابكن (( المناديل الورقية ))
ومادة الكركليه السريعة - والوان الشمع - والبوسترات - والوان الجواش والزيت والأكريليك - وورق الطباعة بالتسخين - ومادة الكلاكتش (( بديل الغراء )) - وجميع الأكسسوارات الفنية..... جميع الخامات مستوردة

محل في أول الموسكي أمام محل النمرسي اسمه محل الحاج طه .... موجود عنده النوع ده من الكريستال بس غالي شوية

دى بئا محلات الزجاج
اولا
الزجاج النفخ (( الملون اليدوي ))
يباع في الجمالية - او خان الخليلي في أخر الشارع بجوار قهوة نجيب محفوظ
ثانيا
الزجاج العادي (( الزجاجات بجميع اجحامها )) للرسم علي الزجاج الخ .....
يباع في سوق الزجاج في منطقة العتبة بالقرب من محل صيدناوي الخزندارا المنطقة اسمها شارع الجامع الأحمر .... هناك هتلاقوا أشكال وألوان

دى خريطة الازهر خريطة مفيدة جدا جدا جدا ربنا يبارك لل كتبتها

انتي عندك شارع طويل اوي اوي بتاع الازهر والحسين ماشي الشارع ده اوله كوبري للعربيات واخره مستشفى الحسين فيه طريقين لو معاكي عربيه
يا اما تطلعي الكوبري بالعربيه وده هاينزلك قرب اخر الشارع
يا اما تلفي من تحت الكوبري وده هايخليكي تمشي في كل الشارع من اوله لاخره
خلينا من الطريق التاني واشرحلكوا هتلاقوا ايه كل ما تمشوا
اوك يعني احنا دلوقتي ماشيين من تحت الكوبري
هتلاقوا في الاول محلات اجهزه كهربائيه وتليفونات كتير على اليمين والشمال وبعدين تفضلوا ماشيين هتلاقوا محلات لشنط السفر عل اليمين وعلى الشمال وبعدين هاتفضلو ماشيين لحد ما تلاقوا مفترق طرق والطريق قدامكوا بقي 4 يعني يا اما تمشي على طول او تدخلي يمين او تدخلي شمال
ندخل يمين الاول هتلاقي محلات على الناصيه بتبيع شوية اكسسوارات للستاير وكمان الفوم بتاع المخدات والالحفه والناحيه التانيه شركة الهلال والنجمه بتاعة البلاستيك وجنبيها بأه كل انواع البويه اللي ممكن تتخيليها وباسعار مختلفه تماما عن المحلات
ماشي ده لو دخلنا يمين
طيب لو دخلنا شمال هتلاقي كوبري
ماشي الشمال ده بأه شارع كبير اوي
على اليمين هتلاقي شارع ضيق جدا اسمه جوهر القائد
الشارع ده مليان ادوات مكتبيه وهدايا ومستلزمات المكاتب وكله بسعر الجمله
والشارع ده اخره ........ بيوصل على الصاغه والحسين .
الشارع ده لما تمشي فيه هتلاقي فتحه على ايدك اليمين قدام شويه الفتحه دي توديكي على حمام التلات حمام التلات ده مليان للعرايس اللي بيجهزوا كل حاجة المطبخ وبرضه بأسعار حلوه اوي بس لازم تفاصلي طبعا
جميل
اما بقى لو دخلتي اول شمال
حاره صغيره جدا جدا جدااسمها حارة اليهود
دي بأه فيها العجب كل ديكورات البيت
حاجات كنت بالقيها في الفا ماركت بمبلغ وقدره هتلاقيها هناك بنص السعر بس امشي فيه شويه وانتي هتلاقي حاجات كتير جدا وبراويز وساعات وكل حاجه
خلاص كده خلصنا شارع جوهر القائد
المهم ده لو كنا دخلنا يمين
اما لو دخلنا شمال وعلشان تتدخلي شمال لازم تعدي من تحت الكوبري علشان الشارع اللي في النص مقفول بسور....هتلاقي الموسكي
على اول الناصيه هتلاقي شركة اسمها الوفاء والامل او النور والامل حاجه كده... دي عندها خيوط مصر البيضا وخيوط كروشيه وتطريز وعيشه بس كله بالجمله وزراير كمان وبعدين لما تدخلوا يمين هتلاقوا كل مستلزمات الخياطه من سوست لخيوط لكل حاجه وقدام شويه في النمرسي بس اسعاره غير بتاع المهندسين
المهم كده يبقى خلصنا يمين شارع الازهر وشمال شارع الازهر
نيجي بأه لو مشينا على طول
استنوا متمشوش بسرعه لان يعد ما تمشوا قدام شويه كده هتلاقوا شارع ضيق على ايديكو اليمين الشارع ده مليان اقمشة تنجيد وكمان قماش ملايات ولو دعبستو كده وخرمتو شويه كمان او سالتوا فين الاقمشه الحريمي هتلاقي كده حارات صغيره شويه مليانه اقمشه حريمي ورجالي وبسعر الجمله برضه ارخص من الوكاله وكمان هتلاقوا اقمشه رجالي كويسه هتلاقوا الصوف اللي بيتباع المتر في عمر افندي ب70 وب 80 جنيه هتلاقوه هناك ب 30 جنيه
المكان ده هو التربيعه وهو مكان اكتر من رائع وكمان ارخص حته فى مصر للقماش
ماشي
المهم نطلع بره تاني على الشارع وافضلو ماشيين هتلاقوا على الشمال ناس كده بتبيع الحفه وستاير وفيه فتحه هناك بتدخلك على حمام التلات تاني
افضلو ماشيين لحد ما هتلاقوا على ايديكو اليمين حته اسمها الغوريه
عندها كوبري بتاع مشاه
لو انتي على اليمين وعديتي الكوبري ده ونزلتي الناحيه التانيه اول ما تنزلي
هتلاقي محل كبير بتاع خرز وترتر
مليان خرز وترتر كل الاشكال والالوان والأسعار بالجمله تحفه وكمان عنده خيط حرير و أحيانا بيكون عنده خيط مصر البيضا

افتكرت حاجه كمان
عارفين جراج العتبه مش فيه تحتيه ناس بتبيع ساعات وموبايلات وكده
افضلي لفي مع الجراج هتلاقي محل بيبيع خيوط حرير لتطريز المكن وكمان قماش ايتامين وكمان مستلزمات الخياطه وكمان حاجات مستوره جاهزه للشغل خداديات وكلام من ده
,ولما تحبي تروحي بالتاكسي
فانتي هاتقوليله انا عايزه اروح الحسين وممكن تنزلي عند كوبري المشاه يعني تبداي من اخر الشارع لان في الغالب التاكسي مش هايرضى يمشي من تحت يعني هايطلع الكوبري وينزلك عند قدام كوبري المشاه ويبقى على يمينك الغوره وعلى شمالك الحسين تقومي لفه ومديه ظهرك للمستشفى بتاعة الحسين وتبقى الغوريه على شمالك والحسين على يمينك
وتعكسي الخريطه السابقة

الأكياس أم سوسته (( المشمع الشفاف )) هتنزلي حارة المزين الشارع ده أمام محل النمرسي اللي في الموسكي أسالي هناك ... فيه واحدة سيدة عندها مصنع أو رشة صغيرة ... بتقوم بتصنيع شنط شفاف بالسوسته أنا كنت بأعمل عندها شنط للألحفة والمفارش والستائر ... أسمها (( ورشة أم محمد )) متضحكيش

بالنسبة لطباعة (( البورشور )) الخاصة بأي مفروشات ... فيه سوق الورق وده شارع بيبدأ من ميدان باب الشعرية .... وشارع الجيش ...وينتهي عند العتبة وهو سوق كبير وشارع طويل ... هتلاقي هناك مطابع بتطبع الورق الكرتوني اللي انتي بتضفيه مع الكيس في الداخل ... وكمان العلب الكرتون اللي ممكن تحطي فيها المنتج الخاص بيكي و ممكن تعملي الديزاين الخاص بمنتجك علي واللوجو الخاص بالمنتج وتحمليه علي (( سي دي )) و بتعطيه للورشة ... وممكن هما في الورشة بيقوموا بالموضوع ده .

ممكن تستعملي بدل الشنط المشمع الشفاف ... ممكن استبداله بالبلاستيك الشفاف (( السليفوني )) سعر الكيلو 11 جنيه مصري .... المحل موجود في اخر حارة المزين للأسف معرفش أسمه بس لو سألتي وانتي هناك هيدلوكي ... أطلبي من صاحب المحل أوردر (( طلب )) بالمقياس اللي انتي عاوزاه وهو هيعملوا لكي
كما أن يوجد في شارع درب البرابرة (( محل اسمه الحمصاني للبلاستيك )) ده موجود عنده كل المقاسات وفيه اكياس لصق ذاتي (( سليفون )) وممكن برضوا يصنع لكي المقاسات اللي انتي محتاجها .... بس لابد من أن يكون الطلبية (( كميات ))

ثانيا : الاسكندريه

فيه سوق الورق في المنشية عند ميدان الجندى المجهول في الشوارع الجانبيه على اليمين ممكن تلاقى كل مستلزمات الاعمال الفنية (الوان -ورق-ستيكرز)
واشهر محل هناك اسمه (كمال سعد) اسعاره تحفه وعنده كمان الادوات المدرسيه بسعر الجمله

وفي كمان زنقة الستات عنوانها من ميدان الجندى المجهول برضوا
فيه محل اسمه رودى تدخلى من عنده لشارع فرنسا اول شارع بعد البنزينه
هو دة بداية زنقة الستات
كمان فيه ف الزنقه محلات ورد ولوازم البوكيهات وفه محل اسمه العقاد هناك فيه حاجات تحفه
وراها على طول سوق الخيط تلاقى كل مستلزمات من (الخياطة-الخرز-الاكسسوار-كلف الستاير)
واسعارهم معروفه للكل انها احسن اسعار بسسسس تفاصلى قوى معاهم

فيه محل للخيوط تحفة اسمه 6 اكتوبر موجود فى شارع خالد ابن الوليد
من ناحية ترام سيدى بشر تمشى من اول الشارع شويه
فيه شارع على ناصيتة جزار المحل فى نفس شارع الجزار ده
سورى مش فاكرة اسم الجزار بس المحل دورين واسعاره جنان

في منطقه اسمها الساعه ف كرموز فيها
(جميع انواع الاقمشه للستاير والملايات وكل المفروشات وهناك فيه الشراشيب بتاعت الستاير )
وهناك لازم تفاصلى جامد اوى احسن تتخمى

في محلات بجانب كلية رياض الاطفال تلاقى فيها (الكارتون-الطين الاسوانى- الالوان بكل انواعها-الالعاب التعليمية -الفوم-ورق الكريشة)
بس الاسعار اغلى شوية من سوق الورق عنوان الكلية فى مصطفى كامل
من شارع ابو قير امام معرض طارق للسيارات بجانب مدرسة هدى شعراوى

وخامات الشمع والوانه موجودة فى منطقة العطارين ودى من ميدان محطة مصر

في في زرارة..أنا كنت بجيب منه الأول شغل الخرز..أخر مرة نزلت زنقة الستات لقيت محلات كتير حاطة مستلزمات الأكسسوارات..و على فكرة لقيت السلك الرفيع هناك برضه في الزنقة..محل صغير كدة و بيبيع جملة..و عنده سلاسل و كل حاجة للأكسسوارات..زرارة هتلاقوه عند بوابة الأوقاف..في المنشية ادخلي البوابة و على ايدك الشمال هتلاقي المحل..بس فاصلي لأنه غالي أوي..و كمان ليه فرع تاني في الزنقة..و الأفضل الزنقة

فيه فى العطارين شارع كل المحلات بتبيع عطارة بس هى محلات قديمة قوى
تلاقى عندهم دم الغزال ومستلزمات السبوع وكمان عندهم الشمع والالوان الصناعيةوالطبيعية جربى تلفى واسألى عن المحلات دى
محل اسمه مكه اخر السور بتاع مستشفى جيهان بيبع كل شى للاكسسوار واسعاره نص اسعار الزنقه وااقل كمان الشارع ال فى وش اخر السور يدخلو فيه على اوله اسمه محل مكه وصاحبه اسمه الحج صلاح

شارع خليل حماده على القطار فى سنتر هشام للوازم الخياطةوأشكال كتير من الخرز والكلف

وكمان فى على عبد الناصر أمام مستشفى جيهان محل صغير اسمه ايفون للوازم الخياطة برضه

رابعا: طنطا

محل اسمه طلبه (الطاء مضمومه) وده قرب ميدان السيد البدوي وده للخرز والترتر والاكسسورات وخلافه
وفي مكتبات متخصصه قدام كليه تربيه نوعيه لكل شيء بيعملوه جوه الكليه بس اعتقد غاليه برضه

وفي محل في شارع صغير قدام فندق عرفه مش فاكره اسمه بصي تقريبا حسين عامر ده بتاع خرز وستان وحاجات الاكسسوار والاستيكر اللي بيتلزق علي البضيهات والعبايات والتل وحاجات الخياطه كلها
واسعاره حلوه وهو محل مشهور اوي بس يارب يكون اسمه صح عشان كده
انا قولت هنزل بكره واجبلكوا المعلومات المؤكده

وفي محل في شارع النحاس بعد فندق دلتا سيتي مول في ادوات الرسم كلها وادوات الفنون الجميله
يعني هو بعديه بشويه

اما بقي الاقمشه وحاجات الستاير والخيش والفرو والحاجات دي في سوق اسمه سوق الفسيخ
بيتباع في الموالح في شوارع جنبه بيتباع في الاحذيه الشوارع دي
ما بين سوق الخشب وسوق الفسيخ وفي القطن الفيبر برضه وحاجاته اسعارهم حلوه

محل لبيع قماش الجوخ فى طنطا انا اشتريتو من سوق ناصر من محل اسمو برده فى أول دخلتك سوق ناصر من شارع الخان المتر انا اشتريتو ب 30 جنيه وده لاننا فى الصيف فى الشتا بيتباع ب 45 جنيه بس المتر عرضه مترين يعنى جيبى ربع او نص متر بس بصراحه انا يوم ماروحت اشترى كان فى مجموعه انصاص بألوان مختلفه اشتريتها كلها لما هتروحو هتلاقو فى توبين لونهم موف فاتح وكحلى ولما تروحو هيطلعلكم نوع خفيف قولولو لا عاوزين من التقيل وهو قال جيلو بضاعه من الصين قريب فيها كل الوان الجوخ ولو عاوزين تشترو اى نوع من المقاصات يبقا مافيش غير سنجر جمب ماركت حماد هتلاقو المقص اللى بيقص على هيئه زجزاج بس معرفش الاسعار

خامسا: المحله

لوازم الخرز موجوده في رفعت نور الدين ده بتاع لوازم خرز وعندة كل لوازم الاعمال الفنية دى
وتقريبا بيبيع بسعر جملة ده له فروع كتيره
له فرع فى العباسى الجديد فى الشارع اللى جمب مدرسة صفية زغلول
وله فرع عند العباسى القديم ورا اخوان خليل كده

وثانيا محل عاطف ده عنده برضو كل لوازم الخرزوالزرد والدبابيس وكله وعنده حاجات حلوة اووى
ده ورا اخوان خليل فى العباسى القديم برضو

سادسا: المنصوره

كل مستلزمات الخياطه وشغل الخرز وكل حاجه في شارع بورسعيد وشارع الخوجات والسكه الجديده

سابعا: السويس

هتلاقي مستلزمات الأكسسوارات في محل واحد بس..عند عم محمود..عارفة قصر الديكور..هتمشي في الشارع بتاعه لحد ما توصلي عند الحلواني بتاع الأدوات المنزلية كملي في الشارع هتلاقيه على ايدك الشمال محل من أوله لأخره ما شاء الله خرز
شكر خاص لكل ***** شاركت باماكن في الموضوع
ومستنيه باقي ال****** عشان يبقي عندنا موسوعه بالاماكن اللي موجوده في كل مكان
وفي دورات وعناوينها في المشاركه دي

» اماكن تعليم الخياطه
» اجمل اماكن العالم
» ** أقرب الي اللوحات الفنية .. **
» دورة الاكسسوارات الفنية باحتراف
» هل تغير لون البول..دليل مرضيا؟؟؟!!

سجل فى : 15/11/2011

اماكن محلات بالدول العربية اشمعنا مصر يعنى

السعودية

جدة:

-الورود باشكالها...تحصلونها في سوق محمود سعيد ( الشعبي مو المركز) عنده اشكال روووعه تحسي انها طبيعيه.

توجد محلات للبيع ( جمله وقطاعي )
حي الهنداويه ( مركز الهنداويه التجاري ) للوازم الكلف والخياطه
أنصح كل الباحثات عن الكلف والشرايط والجبيرات والتل والتجاليد ولوزام الهدايا والتغليف والورود بانواعها والاسفنج والفلين بالذهاب هناك
وكله متواجد باسعار رخيصه خاصه لو اشتريت بالجمله
.............................. .............................. .............................. ..............................
0بنوب فى حى الرحاب اللى موفر كل متطلبات الاعمال الفنية

والمكتبات متواجد فيها لوازم الفن والخامات الاساسيه
مثل :
مكتبة جرير..شارع فلسطين،، صاري،، التحلية.

مكتبة الغمري في نفس اتجاه مكتبة جرير في شارع فلسطين.

(الاول للفنون )....وقريب منه محل اسمه ( عالم الهوايات ) شارع فلسطين

روائع المكتبات ...

مكتبه مصطفى عند دوار الطياره
مكتبة الخزندار .... شارع الستين
لبيع كتب ومجلات فنية قد تشاهدينها لأول مرة

ساكو للعدد والأدوات
.............................. .............................. .............................. ..............................
وفي سوبر ماركت بن داود
يوجد قسم خاص للديكور ويتميز بالورود الكبيره المجففه والنادره ومواد الخيزران مثل السلات والاكاليل والصناديق
ولوازم لف الهدايا ... والاصداف .... والكثير
.............................. .............................. .............................. ..............................
مراكز يا بلاش : ( يوفر التحف الهدايا وصناديق لتزيينها والشموع وتجاليد )
في حي الكندره
وسوق الاهدل ( مدائن الفهد )
والهنداويه

طلائع وروائع بجوار مستشفى الولاده
مكتبه صغيره لاكن فيها كل شي للفني بس
وتسوي اعمال كمان

===========

محل لبيع اشياء تغليف الهدايا الي على مستوى
مو اي شي اسمه هديه
مرزا الي جنب جرير والغمري بينهم بالضبط بنفس الشارع

فنون وهوايااات بس قفل

-=====================
في محل اسمه عالم الهوايات مكانه في الشرفيه

وكمان محل اسمه فنون غالري بالشرفيه
وكبير وفيه كل شي

لشرقيه
مكتبة جرير
فيه ادوات للرسم من الوان ومعاجين وفنون
فيه جرير بالدمام على الكورنيش
وجرير الخبر برضوه على الكورنيش
و***** الله لو سمحوا المشرفات احط ارقامهم بعد

محل الزامل
على كورنيش الخبر
فيه كل الي تبيته من ادوات للرسم وللخياطه هوا دورين الدور الارضي لادوات الرسم والفلين وعندهم معمل كامل للفلين تقدرين تعطينهم التصميم الي تبينه وينفذونه لك اما الدور الاول ففيه كل ادوات الخياطه وهو اشهر مركز لهالادوات
مركز بن حسن
في الدمام على نفس شارع مستشفى الدمام المركزي
فيه ادوات للرسم والخياطه بس على نطاق ضيق

مكتبة العبيكان
على طريق كورنيش الدمام
فيها ادوات للرسم والخياطه

مكة :

الأدوات الفنية:
مكتبة جرير ....سوق الحجاز
مكتبة النوري ....النزهة
مكتبة وجدان ...الرصيفة
الوطن ...جرول ادوات قليل لكن بالذات الواح الخشب للرسم يعملها بأي مقاس وأي شكل وجاهز للرسم والسعر معقول وكذلك يباع الفلين بسمك مختلف حسب الرغبة.
مكتبة الأشتر ...جرول
عالم الهوايات ...في طريق سوق الحجاز على يمين الذاهب لسوق الحجاز (محل لوحده مافي شئ جنبه لا محلات ولا بيوت كثيرة )
به ادوات فنية كثيرة ومتخصصة ويعمل دورات في الفنون ويبيع جلد البقر والنمر وغيره
ــــــــــــــــــــــــــــــ ـــــــــــــــــــــــــــ
محلات الخياطة :
محلات الحنان العزيزية
جستنية .....سوق الحجاز ، وله فرع آخر شارع الستين.
ــــــــــــــــــــــــــــــ ــــــــــــــــــــــــــــــ ـــــ
جلد التزيين وتغليف الدفاتر: (الصناعي وليس جلد الحرق الخاص بأعمال الحرق - بل المستخدم في تلبيس مقاعد السيارات )
شارع الحج ملئ بهذه المحلات
ــــــــــــــــــــــــــــــ ـــــــــــــــ
الأخشاب المختلفة ...الصناعية
الادوات مثل الشنيور والمفكات والفرش والمطارق...النتو بجرول (اسعار رخيصة وادوات متنوعة )
ــــــــــــــــــــــــــــــ ــــــــــــــــــ
البويات والورنيش وادوات التعتيق:
جوتن ...العزيزية او شارع المنصور
بالاضافة لمحلات بيع مواد البناء...المعابدة ...شارع المنصور
ــــــــــــــــــــــــــــــ ـــــــــــــــــــــــــــ
السلال والازهار الصناعية والمجففة
اسواق بن داوود بفروعها المنتشرة في كل مكان بمكة المكرمة
بالاضافة لمحلات ابو ريالين

المنطقة الوسطى:

الرياض:

الادوات الفنيه:
-مكتبة جرير..
-شارع السويلم في الديره ...في نهايته على اليسار شارع صغير فيه محلات
روعه فيها كل اغراض الهدايا والصناديق حتى السلال منوعه عندهم..
-شارع الظهيره في الديره ...فيه مكتبات كثير..
مكاتب شارع العطايف ..........( قريب من شارع السويلم )

قطاعات السيراميك لأي وردة وألوان ورد السيراميك أشتريها من قرطاسية (قد لايصدق البعض) في أسواق نجد وللأسف لاأذكر اسم المحل إلا أنه مكتوب عليه بالخط الكبير قرطاسية ولوحته خضراء وإذا دخلت من البوابة الخلفية للسوق تجديه على طول.

مكتبة المؤيد .... على طريق الملك فهد ووجدت فيها معظم أدوات الأشغال الفنية وحتى أدوات للتغليف وأقمشة وصوف وألوان ..الخ

ادوات الخياطه:
-شارع احمد بن حنبل ..فيه محلات كثيره واهمها المحسن ..
-في الروابي في شارع عبد الله بن عباس (( قبان )) هذا رائع..كل شي فيه حلو..واسعاره حلوه
-عادل للكلف ........( شارع المتنبي)

أدوات التغليف والهدايا :
شارع السويلم
مكتبة الشرق ......( أسواق طيبة )

الطائف:

المنطقة الشرقية:

مكتبة جرير
فيه ادوات للرسم من الوان ومعاجين وفنون
فيه جرير بالدمام على الكورنيش
وجرير الخبر برضوه على الكورنيش

محل الزامل
على كورنيش الخبر
فيه كل الي تبيته من ادوات للرسم وللخياطه وهو دورين الدور الارضي لادوات الرسم والفلين وعندهم معمل كامل للفلين تقدرين تعطينهم التصميم الي تبينه وينفذونه لك اما الدور الاول ففيه كل ادوات الخياطه وهو اشهر مركز لهالادوات

مركز بن حسن
في الدمام على نفس شارع مستشفى الدمام المركزي
فيه ادوات للرسم والخياطه بس على نطاق ضيق

مكتبة العبيكان
على طريق كورنيش الدمام
فيها ادوات للرسم والخياطه

( طق طق) على طريق الخبر السريع بجوار الميرة في الدمام لبيع ادوات الرسم والخياطة.

وفيه محلات للخياطة والكلف في سوق شارع الحب
وفيه محل ورا المسجد
واسمه مؤسسة مقبل التجارية
صغير بس محتوياته كثيرة
شرايط وخيوط اشكال والوان واحجام مختلفة
وورق تغليف
وصناديق وازهار........
فيه في سوق الحب بعد محل للخياطة على نفس خط المحلات المقابله لمحل الفاتنة قريب من محل دار النجوم وفيه واحد بجنب محل القحطاني للعبيات من جهة الباب الخلفي له بس احسه يزود ريال عن السوق

الكويت :

بركات
تتوفر فيه عدد التطريز والكروشيه والرسم والاستنسل والخياطة والسيراميك وانواع كثيرة ومميزة من الشرائط ، الاقمشة المختلفة....................
الكثير من الكتالوجات والمجلات والكتب الفنية له فرعان على ما اذكر في السالمية:في مجمع المبرور، وآخر في الفروانية يمكن في الحمرا مول لكني لست متأكدة
ومنذ فترة اصبح يقيم بعض الدورات

آرتس آند كرافتس

يوجد فيه ايضا مواد الفنون لكنه متخصص في الحرف اكثر متل الموزاييك و النحاس ومستلزماته ، التذهيب والتعتيق ،الطباعة ولديه اشرطة فيديو لتعليم بعض الحرف عنوانه
الشويخ شارع كندا دراي مجمع وارة

مجمع دسمان

يحتوي على العديد من المحلات التي تجدين لديها الكثير من مستلزمات الفنون كالرسم وما الى ذلك وتتميز محلاته بتنفيذ الوسائل التعليمية للمدارس عموما
وهو طبعا في مدينة الكويت وهو مجمع معروف

تروفاليو

AEC

يوجد لديهم البخاخات المختلفة الانواع للزجاج والخشب والتعتيق...................... ..
وعدد الاستنسل كاملة وبوردرات جاهزة للصق ورفوف خشبية متنوعة وما الى ذلك
هما اثنينهم بالشويخ
التروفاليو خلف ايكيا مقابل A2Z

الامارات العربية المتحدة:

...

عجمان

( عجمان سيتي سنتر)..

ابوظبي

السوق الجديد مقابل الجسر:
محل مالك وشهيد وعنده كل مستلزمات الخياطه وكلف وورود وكرستال ومواد واشكال معدنيه وجلد .وشامواه تلصق بالكوي وانا استعمل هذه المواد في الشيل والكرستالات حق الجلابيات.

مكتبة جرير .....في سوق الميناء..كل شي ...
مكتبة الجامعه ......في شارع حمدان..الوان وادوات الرسم
الغصن الأخضر ...في شارع الكترا....كتب ...قطاعات السراميك...خيوط,,الوان...مستلز مات الأعمال اليدوية
عش الصقر ....في مركز فتوح الخير.... تحف هدايا وتغليفات

لايف استايل ...في الخالدية تحف وهدايا ....
تهاني الخليج......في الخالدية وفرع كارفور في المارينا مول وفرع مركز مفتوح الخير
محل سيد كمال .....اقمشة اسعارة مناسبة واشياء وااااااااايد حلوة شارع حمدان
محل الدراهم للهدايا ......شارع المطار فية تحف صغيرة ممكن تستخديمهااااااا لتوزيعهاااا في الحفلات والأعراس واااااايد رخيصة وحلوة سعر التحفة 2درهم.
سوق الميناء ....ميناء ابوظبي التابع للسوق الإيراني رخيص ويهبل.
شركة المطبوعات في منطقة الخالدية ......كل ادوات الفنية والأعمال اليدوية
.......فنون الأزهار لتعليم الأعمال اليدوية..النادي السياحي
....... المجمع الثقافي ..لتعليم فن الرسم وعرض الفنون اليدوية
كما يقوم بتقديم دورات في الأعمال اليدوية كل شهر ويكثف هذة الدورات في الاجازة الصيفية
....... هوم هنتر لمستلزمات الزينة ...زهور صناعية ..مرايا ....تحف ...هدايا شارع السلام

"تجارة الخيط الذهبي" لأدوات الخياطة ومكائن الخياطة والأقمشة .. وخرز وخيوط وإبر وورود صناعية وأزرار ودانتيل .. إلخ العنوان ..مدينة زايد - جنب سوق الذهب

العين :

"تجارة الخيط الذهبي" لأدوات الخياطة ومكائن الخياطة والأقمشة .. وخرز وخيوط وإبر وورود صناعية وأزرار ودانتيل .. إلخ العنوان ..الشارع العام

مركز هيلي... هو مكتبة بس تحصلون عنده بعض الخامات للتغليف والهدايا.. هذا في شارع التخطيط

دبي:
سوق الجمله
محل اسمه التبت وعنده نفس اللي سبق وبجانبه محلات اخرى >>>

ACE Hardware (شارع زايد)...
عنده اغلب المواد الفنية من بخاخات واصباغ وعدة كهربائية اشياء وايد حلوة>

محلات الكلف.. احسن واحد اعرفه في السطوة في دبي اسمه فيدا وطبعا في غيره في اماكن متفرقة بس هذا تقريبا كل شي عنده.. واشياء غريبة بعد!!

في محل في جميرا سنتر في منطقة جميرا... مختص في الاعمال الفنية..

محل للبيع بالجملة
(مؤسسة عبد الرزاق محي الدين عبد الله)

وهو خلف سوق الذهب في دبي ..

والعنوان المكتوب على الكيس:
الراس - بناية الشيخة لطيفة - ديرة هاتف : -
-2269005-9714-

قطر:

1 الرونق : في كل شي من اشغال التطريز والخيوط والشلش والسلال والورود من ........ والى واسعارة رخيصه
2 مكتبه جرير : وهي ليست مجرد مكتبه خ خ خ خ هذا شعارهم
3 مكتبة كلرنوت : وبتلقون فيها جميع الالوان ولوازم الرسم والفرش

لبنان

مكتبة علوان
ادوات مكتبية- ادوات رسم لكل المجالات زجاج \ حرير\ فخار \ ....الخ
كتب تعليمية للاشغال اليدوية- القواطع والاستنسل و ال foam sheets
العنوان : بيروت _ المزرعة الشارع العام بالقرب من صيدلية مازن
وعلى نفس الصف ايضا مكتبة اكبر و تشكيلتها اوسع للخزفيات والفخار والباترونات للرسم وعدة اشغال feirco
لمكتبة علوان فرع اخر في بيروت _كركول الدروز _الزيدانية الشارع الرئيسي بالقرب من طقوش للزهور

اما بالنسبة للفخار على جميع انواعه واحجامه واشكاله و الفازات الزجاجية والبورسلان والاهم صلصال التنسيق
وجميع الازهار والورود والاشجار الاصطناعية والمجففة اشتريها من محل جملة الجملة العنوان
بيروت_طريق الجديدة شارع اليرموك في ارض جلول امام مسجد ومقابر الشهداء

سجل فى : 27/05/2011

تسلم ايديكى ياقمر

دليل اماكن بيع المستلزمات الفنية 1040451127

سجل فى : 03/05/2011

موضوع أكثر من رااااااائع

تسلمي يا سكرة

دليل اماكن بيع المستلزمات الفنية 1044389383

سجل فى : 24/02/2012

حلو الموضوع

تسلمى يا قمر

سجل فى : 29/04/2011

سلمت اديكى يا جميل

سجل فى : 21/03/2012

حلو بس العراق في مدينة بغداد لم تذكر مع العلم أن الكثير من المناطق توجد المحلات لبيع مواد الاشغال اليدوية تحياتي

سجل فى : 21/09/2011

سجل فى : 03/03/2012

موضوع جميل جدا وفى اشياء كثير كان نفسى اعرف اماكن بيعها وهدا الموضوع ساعدنى كتير شكرا على مجهودك وجزاكى الله كل خير

سجل فى : 08/01/2012

بجد كلمة شكر قليلة على المجهود ده الموضوع ده مهم جدااااااا انا من الفيوم ومعندناش خامات زى اللى بجدها على النت واللى موجود غالى جداااااااااااااااااا بجد وفرتى على السؤال

تسلمى
[center]

سجل فى : 29/07/2012

جزاكي الله كل خير ... فعلا كنت محتاجة معلومات زي دي لأني لسة إن شاء الله ناوية ابدأ اتعلم وآخد كورس وكنت محتاجة أعرف منين أقدر أشتري الخامات بسعر الجملة

سجل فى : 01/12/2012

اشكركم على التعاون معنا وعلى اسلوبكم الجميل

سجل فى : 08/01/2012

شكرااااااااااااااااااااااااااااااااااااا

سجل فى : 30/03/2013

موضوع تحفة دى اول مشاركة ليا على فكرة جزاك الله خيرا

دليل اماكن بيع المستلزمات الفنية

مواضيع مماثلة

مواضيع مماثلة

ردود موضوع : دليل اماكن بيع المستلزمات الفنية

دليل اماكن بيع المستلزمات الفنية