( موضوع تبع مسابقة مصباح علاء الدين
للسياحة والسفلر )
********
امممممممم
اتصرف ازاى واعمل ايه
دنا قربت اتجنن
حد يساعدنى يا ناس
عايزة فكره ما خطرتش على بال بشر
اعيط ويقولوا أحبك ربى مخها بقا منخوليا يا ناس
اعمل ايه... اعمل ايه.. اعمل ايه
لازم ادبس نفسي واعمل فيها شاطرة وأعلن عن اشتراكى فى المسابقة
ايوه ايوه
مفيش غيره
بس اجيبه منين...اجيبه منين
فينك يا مارد الفانوس يا حلال العقد ياللى عمال تقولنا اطلبوا واتمنوا ووقت الجد مش بنلاقيك
اروح اجيب الفانوس اللى كان مع ام ياسر وأفركه لما نشوف
اهو لاقيته الحمد لله
اخبط براحه عليه ليكون المار نايم ويصحى يزعقلنا علشان ده باين عليه عصبى
اصحى يا عم
انت لسه هتعملى الشويتين بتوعك دول وتطلعلى نور وحركات
المارد: ايه الازعاج ده كل شويه كده تصحونى من احلاها نومه
شبيك لبيك ياستى
ايميلي وفيس بوكى ما بين ايديكى
دوسى انتر وطلباتك اوامر
أحبك ربى : يا عم انقذنى واعمل معروف
انا عملت فيها أم العريف واعلنت بالبونط العريض
انتظروا مفاجاه مشاركتى فى مسابقة مصباح علاء الدين
وادي ميعاد المسابقة جه ومش عارفة اعمل ايه والكل مستنى
المارد: دي حاجه سهله خالص انا هقوللك على فكره 2011 ...... بس ايدِك؟
أحبك ربى : ايدى ...!!
المارد: ايِدِك... يعنى طلعى الدولارات
أحبك ربى : يا ستير عليك هو حتى الجن بيقبض ...مفيش 25 يناير عندكم ؟؟
المارد: مش انتى اللى طلعتينى من الفانوس ولا انا جيت لوحدى ؟
أحبك ربى : خلاص حاضر حاضر
مفيش حاجه ببلاش ابدا فين ايام عفركوش
كان بيفرق فلوس بالهبل
مش انت تقولي ايميلي وفيس بوكى
حد عارف يمكن ليك حساب على تويتر كمان
هكلم عاشقة الأشغال اليدوية تصرفلنا المرتب بدرى وأديك المتفق عليه
بس الأول هتعمل ايه
المارد:مش عايزين غلبه خدى عندك الفكره
انتى هتختارى بلد اشتهرت بجمالها الطبيعى الخلاب وفى نفس الوقت مفيش أضواء عليها أوى
وتعلنى عن رحلة فى المنتدى يكون كل الأعضاء أو معظمهم طالعين فيها
وتبدأى تعرضى بعض المعلومات عن البلد دى وبكده تكون فسحة للأعضاء ومعلومة استفدناها كلنا
أحبك ربى : حلوة الفكيرة دى أنا من زمان وأنا نفسى نخرج فى رحلة كلنا أهو مننا نتعرف على العسلات اللى معايا فى المنتدى
وفى نفس الوقت نفك شوية من خنقة الدراسة الى بدأت من أسبوع بحاله
المارد : أسيبك بقا تجهزى حالك للفسحة وأروح أكمل الحلم واياكِ تصحينى تانى
:::
:::
:::
أم ياسر : له له له... انت هنا يا nor
nor : مين .. أم ياسر ؟! ازيك يا غالية انتى رايحة معانا الرحلة ولا ايه
أم ياسر : معاكم ؟؟؟!! هو فيه حد معاكى طالع الرحلة دى
nor : اه طبعا دا فيه قطرات الندى وضربتهم كلهم وعاشقة الأشغال اليدوية وكبرياء أنثى وسمسمة وعجلت اليك ربى وام فيصل والفراشة الصغيرة كلهم جايين معانا الرحلة
أم ياسر : اه منك يا أحبك ربى ويا ترى مين بقى هيدفع تكاليف الرحلة دى كلها
أهم شئ اننا منعرفش احنا هنروح فين أصلا
عاشقة الأشغال اليدوية : ايه اللمه ديه يا بنات وافقين كده ليه
بحر الحنين : تعالى يا عاشقة من ساعتين مستنين أحبك ربى علشان الرحلة ولا جت لحد دلوقتى
حبة لولى : ده يومها مش فايت تلاقيها نايمة كعادتها بس فعلا متاخرة على غير العاده
أسامى : هو فيه خناقه ولا ايه النهارده ملاحظة كل واحدة قاعدة فى مكانها والهدوء مالى المكان
رواء : مستنين أحبك ربى علشان نروح الرحلة الأسطورية اللى شكلها ملهاش وجود
حبى الوحيد : الظاهر والله أعلم إن أحبك ربى خلعت وعملت فينا مقلب
عجلت اليك ربى لترضى : هى القطط كلت ولادها ولا ايه ازاى تتخلى عن ميعادها ده انا هتصل بيها حالا
ونتدقق ونتمحص من سبب التأخير ده انا مربيها على الغالى ازاى تعمل كده
وفى نفس الوقت
أحبك ربى : الواحد ظهره متكسر من النومه على البساط السحرى ده ربنا يتوب علينا من الشغلانه ديه وياخد المارد اللى فى بالى
عضوات منتدى عاشقات : كنـــــــــــتـــــــــى فـــــــــــــــــيــــــــــــــن
أحبك ربى : ايه النور ده انتم اتجمعتم وأنا مستنياكم على البساط علشان نروح الرحلة
ودلوقتى أعلن عن مكان رحلتنا
اليوم هنروح لمكان رائع جدا أعتقد محدش زاره قبل كده
العضوات : ما تخلصى وريحينا هرنوح فــــــــيــــن
أحبك ربى : يلا بينا على البساط علشا ننطلق لأسبانيا
الموقع : جنوب غرب قارة أوروبا .
العاصمة : مدريد .
المساحة : نصف مليون كيلومتر مربع .
السكان : 40 مليون نسمه .
اللغه الرسميه : اللغه الإسبانيه .
الديانه : 94% مسيحين "كاثوليك "
وتعد المملكة الإسبانيه فريده من نوعها في العالم .. فقد إنصهرت في هذه المملكة الحضارات منذ قديم الأزل .. وأهم هذه الحضارات "الحضارة الإسلامية" التي تنبض في قلب إسبانيا .. وفي جميع شوارعها .. فقد وقع الشطر الأكبر من إسبانيا في قبضة المسلمين عام 711 م في عهد بني أميه.
إستطاع المسلمون تقديم أعرق الفنون والأداب في إسبانيا .. وشيدوا أعرق المساجد والقصور والحصون الباقية حتى الان في إسبانيا وفي الأندلس تحديدا .. لتشكل الأندلس ذاك المزيج الساحر بين الحضارتين الشرقيه والغربيه .
ولن يكتمل سحر إسبانيا إلا بمشاهدة مدينة "قرطبه " مهد الحضارات .. والتي تعتنق التاريخ بأبهى صوره .. فنجد في هذه المدينه "ميزكيتا" أعظم وأعرق المساجد في أوروبا
أحبك ربى : أتمنى تكونوا مبسوطين من الرحلة واستمتعتم بيها
وشكر خاص لماردنا والبساط السحرى
تحياتى لكم
أختكم 
الرئيسية
