الأول طريقة عمل الشكل الجميل ده
![اصنعى اكسسواراتك بنفسك 0001dc8](https://2img.net/r/ihimizer/img401/8682/0001dc8.jpg)
الأول دي الحاجات اللي هنحتاجها
![اصنعى اكسسواراتك بنفسك 0002bd5](https://2img.net/r/ihimizer/img187/3162/0002bd5.jpg)
سلك نحاس
حلقتين صغيرين زي اللي في الصورة
خرز اسود متوسط الحجم
خرز (خرج نجف طويل) لونه دهبي أو بيج
للقفل نجيب الحلقة والعمود الصغير اللي بيدخل فيها
ست خرزات شبه الخرز الاسود بس دهبي
قطعتين النحاس اللي بيمسكوا الخرز والسلك
وفي الآخر حاجة صغيرة كده زي بنسة اسمها زَرَّادية مع شدة على الراء
دي شبه البنسة الكبيرة دي بتاعت النجارة تقريبا بس على صغنوووون
أهيه
![اصنعى اكسسواراتك بنفسك 0007dz7](https://2img.net/r/ihimizer/img49/685/0007dz7.jpg)
الحاجات دي بقى منيييين؟؟
من عند أي محل خردوات أو أدوات الخياطة وبتوع الخرز
هما غالبا بيكونوا في مكان واحد جنب بعض بيبيعوا الحاجات دي يعني
وحتى لو عارفين حد فيهم ممكن لو مش عنده تسألوه ألاقي كذا فين وهو يقولكوا
نيجي للطريقة بقى
أول حاجة هنجيب واحدة من قطع النحاس مع السلك وتلات خرزات دهبي
ونربطهم بالشكل ده
أهم حاجة ماننساش في النص لازم يكونوا سلكين
![اصنعى اكسسواراتك بنفسك 0003so5](https://2img.net/r/ihimizer/img216/1082/0003so5.jpg)
ونبدأ نوزع الخرز الاسود مع خرج النجف على الجنبين بالشكل ده ونقفلهم في الآخر
![اصنعى اكسسواراتك بنفسك 0004rn4](https://2img.net/r/ihimizer/img49/9073/0004rn4.jpg)
نبدأ بقى بالجزء اللي في النص
وركزوا فيه
هناخد الأول خرزة سودا نحطها في السلكين
بعدها في كل واحد فيهم نحط واحدة خرج نجف عشان يعمل الشكل ده
![اصنعى اكسسواراتك بنفسك 0005cn7](https://2img.net/r/ihimizer/img49/2983/0005cn7.jpg)
بعدها نلف السلك حولين الجنبين ونضمهم في النص تاني
وممكن لو عرفنا بدل ما نلفه ندخله في الخرز الاسود على الجنبين
أهم حاجة ناخد بالنا من طول السلك يكون طويل شوية لو حبينا نقصره نقصه عادي
بدل مانعمل ومايكفيش في الآخر
![اصنعى اكسسواراتك بنفسك 0006jc4](https://2img.net/r/ihimizer/img49/3647/0006jc4.jpg)
بعد لف السلك نضمه للنص ونحط خرزتين دهبي خَرج نجف ونضم السلك بخرزة سودا
وتاني نفتحه باتنين خرج نجف ونلفه وهكذا بقى
في الآخر بتوصل بالشكل الجميل اللي شفناه ده بعد مانوصل القفل من الجهتين
![اصنعى اكسسواراتك بنفسك 0001dc8](https://2img.net/r/ihimizer/img401/8682/0001dc8.jpg)
![اصنعى اكسسواراتك بنفسك Lovem-0d679db622](https://2img.net/h/www.love-m.com/up/uploads/images/lovem-0d679db622.gif)
دلوقتي هنعمل ان شاء الله مع بعض حلق ظريف بالخرز الأحمر
وده شكله
![اصنعى اكسسواراتك بنفسك A0001dy7](https://2img.net/r/ihimizer/img49/7046/a0001dy7.jpg)
وبرضه هنستخدم الزرادية اللي قلتلكوا عليها قبل كده
عشان نقدر نتني السلوك بتاعتنا بالشكل المظلوب زي ما هتشوفوا معايا
بعد كده الحاجات اللي هنستخدمها كالتالي
![اصنعى اكسسواراتك بنفسك A0002yp5](https://2img.net/r/ihimizer/img187/1291/a0002yp5.jpg)
سلسلتين بالحجم اللي شايفينه في الصورة
نجيبهم من عدن بتوع الخردوات وأدوات التطريز
أو ممكن نعملهم بإيدينا بالسلك
خرز أحمر اتنين كبار و 12 حجم أصغر
سلوك على شكل دبابيس بس هي مش مدببة من تحت عادية مش بتشوك
هنجيب منهم 14 واحد
ونجيب سلكين أو قطعتين المعدن بتوع الحلق برضه ممكن نلاقيهم جاهزين أو احنا نعملهم بإيدينا
الأول هشرحلكوا طبعا على فردة واحدة من الحلق واعملوا التانية زيها
هنجيب واحدة من السلسلتين
ونيجي عليها من نصها بحيث يبقى جزء أقصر من التاني
وندخل قطعة المعدن بتاعت الحلق في حلقة صغيرة فيها
بالشكل ده
![اصنعى اكسسواراتك بنفسك A0003jo8](https://2img.net/r/ihimizer/img187/281/a0003jo8.jpg)
بعدها نجيب الدبابيس (الغير مدببة)
ونحطها في الخرز زي مانتوا شايفين كده وبعدين من الناحية التانية نتنيها
ونخليها على شكل حلقة
وطبعا لو طلعت طولة شوية نقصها بالزرادية
![اصنعى اكسسواراتك بنفسك A0004sd1](https://2img.net/r/ihimizer/img49/9638/a0004sd1.jpg)
بعد كده هنحط الخرزة الكبيرة في السلسلة في الجزء الأطول
وبعدها نبدأ نوزع باقي الخرز الصغير زي ماحنا شايفين كده
طبعا الحلقة بتاعت الخرزة كانت مفتوحة شوية بعد مانركب الخرز في السلسلة
نبدأ نقفل الحلقات دي كويس بالزرادية
![اصنعى اكسسواراتك بنفسك A0006oo2](https://2img.net/r/ihimizer/img49/9833/a0006oo2.jpg)
وكده نكون عملنا حلق شكله جميل وكمان بإيدينا
اتمنى تكون الطريقة سهلة
وان شاء اللة هحاول اجبلكم اشكال تانية تعملوها باديكم
تحياااااااااتى للجميع وفى انتظار ردودكم
المصدر: منتدى نبض القلوب - من قسم: ازياء واكسسوارات نبض القلوب