صناعة الورود من القماش باحدث الطرق

سوف نبدا اليوم في دورة تعليمية لفن راقي جدا وهو

صناعه الورود من القماش على احدث اساليب خصيصا لاروع اخوات ايمان القلوب

نبدا باذن الله تعالى

راح اشرح لكم هذه الدرورات وكل ورده لها طريقه وادوات

اولا التعامل مع القماش

القماش لايستخدم على حاله هكذا

لازم نضعه فى غراء ابيض شفاف الربع متر عرض اتنين تقريبا تحتاج الى نصف كوب غراء ابيض

ونصف كوب ماء

ندوب الغرا الابيض كويس جدا جدا فى الماء

لاتكون القماشه مبلله بالماء

نضع الغرا والماء فى وعاء واسع ونضع القماشه ان كانت على بعضها

وممكن نستخدم بواقى القماش بحيث نضع البواقى

وبعد ان تتشرب بالغرا والماء ننشرها على حبل ولكن

لازم نفردها كويس جدا على الحبل ولاتكون ملتصقه ببعضها فى اى جزء افرديها كويس جدا جدا
ولا نضع المشبك غير على الطرف وهذا الطرف لن يستخدم

يعنى لاننشرها من نصفها مثلا او من ثلثها

والا باظت ولاتنفع للاستخدام بعد ان تنشف

والغراء الابيض الشفاف وليس الغراء الابيض العادى حتى يشف اى لون للاستخدام

يعنى نشتغل بيه الالوان الغامقه الفاتحه زى ماانتى عايزا

والغراء يستخدم للقماش العادى

ثانيا القماش الشفاف

بالنسبه للقماش الشفاف نتعامل مع القماش بشكل اخر

وهو نستبدل الغراء الابيض بالجيلاتين والماء

وهو ان نضع شريحه من الجيلاتين فى الماء لمده اربع ساعات تقربا او الى ان تذوب فى الماء

وهى شريحه مثلا 20 سم فى 20 سم نضع معها نصف كوب ماء

ولما تذوب فى الماء نضعها على النار الى انها تسخن وتبدا فى الغليان نرفعها من على النار

وقبل ان تبرد قليلا نضع بها الشيفون الورنجزا او اى قماش شفاف

الجيلاتين يعطى لمعه للقماش

ولو لم يذوب يعطى شكل جزيئات على القماش
والنشر للقماشه نفس الى قولناه فى فى نشر القماش بالغراء

القماش حينشف على ماانتى منشرا لو جزء مثنى حيلزق فى بعض ولايفك خلاص يبوظ

بكده نجهز القماش الذى سنشتغل بيه هذا العمل

ملحوظه ::::::::: بعد هذا التجهز للقماش فقد القماش خصائص كثيره جدا من انه قماش

يعنى اصبح به نوع من المطاطيه

اصبح لاينسل اطرافه خلاص لايوجد تنسيل

القماش اصبح مثل الورقه لم يصبح قماش

طبعا بعد ما ينشف

وباقى الشرح مع الصور واحده واحده ان شاء

ابدا معاكم اول دوره وهى ابسط دوره وسهله باذن المولى

بدون ادوات نحتاجها فى الشغل

وهى تدرس للاطفال اصلا يعنى تعتبر اشه دوره وهى اول دوره بندرسها ان شاء الله

هذا شكل الورده

نبدا بسم الله

هذه هى الخامات التى سنستخدمها

نعد الوحدات كويس وهى عباره عن

3 ورقه صغيره

4 ورقه اكبر قليلا

3 اكبر قليلا

وكل هذا لونه مختلف على روز مثلا

وبعد ذلك اللون الابيض 6 ورقه

6 ورقات اكبر قليلا

5 ورقه شجر

قطعه على شكل الاصابع الصغيره وهى نكسى بها الورده من تحت

سلك مكسى او لا حسب ماعندك

قطعه من الفيبر او ممكن قطن ابيض

شرايط تب او شرايط اورجنزا المتوفر لديك

وطبعا المقص

نلف التب على السلك

هنا نستخدم اليد بدل المكبس

وانا قولتلكم قبل هذا ان القماش اصبح به مطاطيه عاليه جدا وفقد خواصه

نبدا نشد القماش بيدنا من اطرافه

بعد ذلك نبدا نشتغل بطرف المقص ونشد اطراف القماش من الداخل الى الخارج

حتى تثنى على الخارج

لاحظى هذا الشغل كله من الداخل

نبدا فى ورق الشجر

بعد ان نكسى السلك ان كان غير مكسى

نضع السلك فى الغرا الابيض

ونضعه على الورقه بهذه الصوره

نضع ورقه الشجر على قماشه من القطن

هنا بعد وضع ورقه الشجر على القماشه

ثبت الورقه بالاصبع اليمين وبدا فى شد القماشه باليد اليسرى

وهذا لتثبيت الغراء على الورقه وثنيها على اتنين

نوع من شد القماش المصنوع به الورقه وممكن نستغنى عنه حسب ماتحبى

بدانا هنا نضع السلك على اول ورقه فقط بالغراء الابيص وطبعا حنتركها تنشف

بدانا نضع الورقات بالترتيب الى انا شرحته فى الاول الاصغر فالاكبر

لما بدانا فى لف الورق ضعف الجزء السفلى للورده

وبنلفها بالخيط

هنا نحتاج لكى لايكون فى فراغ تحت الورده ان نلف معها قطعه من الفيبر او القطن

هنا نضع الكسوه الاخيره للورده من تحت وهى على شكل خمس اصابع

ونشدها لكى تكون فيها ورب لكى تكسى على الورده

والورب هو نوع من الدوران القليل نعمله بايدينا

نضعها تحت الورده ونلف التب علها

وانا بستخدم شرايط اورنجنزا خفيفه جدا

وممكن كمان لو عندك قماش شفون خفيف اخضر

ضعيه فى الجيلاتين او الغراء ممكن وبعد ان ينشف اعملى منه شراط تلفى بها على فكره بيبقى تحفه

وهذا شكلها النهائى

الى اللقاء في موعد اخر مع صنع وردة اخرى ان شاء الله تعالى

دعواتكم ليا ولصاحبة الدورة جزاها الله كل خير

» طوق من الورود الملفوفة من بقايا القماش
» كيف تتم صناعة الغباء؟؟؟؟؟
» طريقة صناعة دمية
» ورشة صناعة الأثاث من الكرتون
» صناعة الجبن الابيض في المنزل

سجل فى : 24/05/2011

تسلم ايدك

صناعة الورود من القماش باحدث الطرق 1040451127

سجل فى : 13/07/2011

حلوة قوى

سجل فى : 13/06/2011

ماشاء الله عالجمال

فكرة لذيذة اوى

تسلم ايديكى يا عسل

سجل فى : 27/05/2011

تسلموا يا بنات نورتونى
يلا هكمل بقية الورد تابعونى

سجل فى : 27/05/2011

اولا نقص القماش مستطلات كما فى الصوره

طبعا بعد تجهيز القماش

التجهيز هذا لكل الدورات

ونضع السلك بداخله القماشه كما فى الصوره

طبعا السلك نلاحظ ان مكسى بالورق

وممكن بالقماش الخفيف

ولكن لايكون مكسى بالبلاستك لانه ساعتها لا قبل الغراء ولا المكواه

خلاص قصينا القماش ووضعنا السلك المغطى عليه

نحضر فازلين دبل

وهذا نوع من الفازلين لاتلمسه المكواه خالص
واسمه فى مصر فازلين دبل

وهو يباع شرائط او بالمتر والمتر منه المربع 5 جنهات فقط

والى بيخيطوا عارفينه لانه بيلزق به البنطلونات والجيبات من نهايها

وهو عند لوازم الخياطين

نضع طبقه منه ونضع القماش الوجه الاخر على القطعه

هنا نبدا نكوى القطعه حتى يلحم الاربع خامات فى بعض

القماش والسلك والفازلن والقماش الاخر

هنا نبدا بقص الاطراف نعملها بدايه مدببه مثل الصوره
من ناحيه واحده فقط لاغير ونقص كل القماش بالشكل هذا

نبدا نجهز الجزء الداخلى من الورده

هو عباره عن خيط شعر الذى يستخدمه الصياديين

ونحضر لولى ابيض مثلا ونبدا نضع الشعر هذا فى الغراء الابيض

وندخل اللولى فى الخيط الشعر لمسافه اسم ونتركه الى ان يجف

وبعد ان يجف نقطع الجزء الصغير من الخيط المتبقى حتى لايعطى مظهر سىء

وكمان عشان اللولى يبان على الاطراف

ممكن كمان نضع اكتر من واحده ونتركها تجف

طبعا مسدس الشمع لايصلح لهذا

نبدا نلف هذا الشعر مجموعات مع بعض

يعنى نرتبها كل سبعه مثلا مع بعض

وهنا نجد الشريط الذى يلف به الشغل وهذا ممكن صنعه من خلال اى قطعه شيفون او اروجنزا لديك

نضعها فى الغراء ونقصها شرائط

والفكره دى ممكن تزينى بيها اى شىء عندك

اى قماش نضعه فى الغراء ونقصه يصبح شرائط صالحه للاستخدام ولن ينسل ابدا

هنا جمع كل المجموعه ونلاحظ انه اضاف اللولى الدهبى عالى عن الابيض

لكى يعطى شكل جميل ولفهم بالخيط

هنا بدانا نجمع الورده ونلاحظ انه استخدم الخيط للف

بيستخدموا دائما ثلاثه ثلاثه

تضعى ثلاثه وتلفى

وكل ماكان الفروع غزيره اعطت للورده قيمه جميله جدا

وهذه هى النهايه جملها باللون الغامق من الخلف

احنا كده فهمنا الورده

لكن هناك مرحله قلت اعرضها فى الاخر حتى لايختلط بينا الامر نشوف الصوره

هنا بعد ان قص الاطراف هنا قص الرفيع من الطرفين

ولكن هذا لبعض القطع وليس كل القطع ليه

عشان التحميل بيكون خفيق على الورده من تحت ولاتصبح طخنينه

يعنى ممكن نفص نصفهم ونصفهم لا

وممكن الثلث رفيع والثلثين لا

وممكن لانقص اى منهم خالص

وده فى حاله ان القماش مش طخين معانا

ولكن لو القماش طخين افضل اننا نقص الاطراف

او تكون مش بكل السمك يعنى نهذبها بمعنى اصح نشيل جزء بسيط من الحرف السفلى

ثانى شىء من الصوره

الاداه التى فى الصوره وهى تستخدم للضغط على القماش

وممكن نسخنها او نستخدمها من غير سخونيه لو القماش نفسه سخن

يعنى نكوى القماش ونستخدمها بعد ذلك مباشرتا

او انا مثلا استعيض عنا بالمكواه العاديه

اتفقنا
انا خلتها للاخر حتى لا تختلط علينا الافكار

الى لقاء اخر مع وردة جديدة

سجل فى : 27/05/2011

الورده دى طويله شويه لكن افكارها جميله جدا

هذا شكل الورده

الادوات

عباره عن قلم رصاص غلافه اخضر

وقلم رصاص غلافه احمر

ومعنا القلم طبعا

قطعه قطن

و6 اوراق للورده

واسلاك مكسااه بورق او قماش تل مثلا

وبورده تلج او اى بودره لديكى تصلح لهذا الغرض

و6 ورقه شجر

وهذا هو الباترون

للوحده اصغرها ورقه الشجر وبعد ذلك ثلاثه ورقه صغيره بعض الشىء وثلاثه ورقه اكبر منها حسب الباترون

وعدد الاسلاك والشرح له سياءتى واحده واحده

نبدا الشرح

جهزنا الادوات هنا

هنا برينا القلم الاخضر

والقلم الاحمر

بعد ذلك نلزق السلك المكسى بورق او قماش خفيف جدا من نفس لون الورده على ظهر الست ورقات التى لدينا

نبدا الشغل خلاص

وجهه الورقه هو الامام

وخلف الورقه الى عليه السلك اتفقنا

نبدا بالامام

نضع الورقه على ورقه كبيره ونبدا ناخد البرى الاخضر بقطنه ونضعه فى اسفل الورقه مثل الصوره

ثم نضع الورقة على ظهرها

السلك باين لنا ونمسح بالقطنه على اسفل الورقه

هنا بحاستك الفنيه عايزين الالوان تكون مدرجه من تقيل على خفيف

بعد كده بالقلم الرصاص نرسم نقط برده فى اسفل الورقه

هنا خلصنا التلوين للورقه وجعلنا القلب ملون بطريقه جميله جدا جدا نيجى للورقه بدا يعملها تجويف هنا بحيث تلف للداخل مقوسه وفى الدوره مكتوب هنا بواسطه هذه الاداه او بالاصابع انا بضبتها بالمكواه واحده واحده على درجه مش عاليه طبعا ولكن كل ماسخنت الورقه فى ايديكى طوعت اكتر يعنى اتقوست اكتر

ناتى للسلك

ياريت ناخد بالنا من الباترون تانى

حنلاقى ان السلك الى فى المنتصف متنيه على اتنين لمده اربعه سم تقريبا

هذا التنى قبل ان تكسى خالص

والست سلوك الباقيين ثنيوا بهذه الطريقه

وعايزا اقولكم ان السلك فى الخارج يباع مكسى ورق هكذا جاهز

بعد كده نحضر بودره تلج او اى حاجه تعويض عنا ونصبغها بكار ى مثلا استخدمى اى بودره عندك لو دقيق ممكن لو كستر ممكن اى شىء عندك ينفع

ليه لانه بيضع السلكه فى الغراء ثم البودره

يعنى برده تلغى خصائص اى بودره

والحاجات دى مش سهل غسيلها خالص

تنظف على الجاف جدا

بكده ظبتنا الحرف للسلك وضبتنا الورق ورسمناه

بدا هنا فى تجميع قلب الورده

السلك فى النصف اعلى من الباقيين

والتجميع بالخيط

بدانا نضع قلب الورده الاخضر لداخل والحمر للخارج وبدا بثلاثه فقط

نضع بعد ذلك الثلاثه الباقيين

هنا بدا فى تجمع ورق الشجر الست مع الوده من اسفل

وطبعا واضع سلك على ورقه الشجر من المنتصف ايضا حتى يثبت لانه واضح انه خفيف شويه

ولفه بالشريط الاخضر وانا قلت نعمله ازاى من قبل

هنا شكل الورده النهائى

والى اللقاء مع وردة اخرى

سجل فى : 27/05/2011

يلا نعمل الوردة دى
ودى صورتها بالالوان

الادوات

6 ورقات قماش تفتاه كوريشه يعنى فيه خطوط

3 ورقات رفيعه من نفس القماش

صبغات الوان الرسم على القماش الوان قماش

وممكن ايصا اى نوع صبغات طبيعيه بما ان هذا الشغل لايغسل

فرش الوان

وجفت لمسك الورق

واربع ورقات شجر حنشوفهم فى الاخر ان شاء الله

هذا شكل التعريجات التى نقصها على الورق العريض والرفيع

الصوره هذه بها ست ورقات قماش والباقى الكرتون الباترون التى يقص عليها

هنا بدانا نشوف درجات الالوان على قطعه قماش خارجى

هنا اولا بلت القطعه من القماش الاماميه فقط

هنا طلعتها على ورقه خارجيه

ليه ؟؟؟؟؟؟؟؟؟؟؟؟؟بلت القطعه بالماء بعد طبعا ماجهزت الورقه بالغراء الابيض
عشان لما تضعها فى اللون اللون

يخرج عن حدوده ويسرح فى الجزء التى بل بالماء

نكمل ونشوف

هنا وضعت الورقه فى لون ازرق فاتح الى نصفها فقط

نشوف فى الصوره

هنا بعد ان طلعتها من الازرق دخلتها تانى فى اللون الموف الغامق جدا من طرفها مساحه صغيره جدا

هذه هى النتيجه

وهى تعدل فيها تانى بالفرشاه

بعد تشيع اللون فى ثلثين الورقه تقريبا

هنا بدات ترسم فى ارضيه الزهره اللون الاخضر

هنا بدات تزيد فى اللون الموف اكتر واكتر

دى النتيجه للثلاثه الاول فى الزهره

هنا نشوف كل الورق نلاحظ ان الالوان تتقل وتخف حسب مكان الورقه

الثلاثه الرفيعن الوانهم خفيفه والثلاثه التاليين اوراقهم اتقل فى اللون

والثلاثه الاخيره لونهم تقيل جدا جدا

التلوين لم ينتهى بعد

بدات هنا تشتغل بالفرشاه لعمل خطوط رفيعه جدا داخل الورقه

هنا زودتت ببقع من نفس اللون

هذه هى النتيجه النهائيه للشغل

هنا قصت الحروف فستونه رفيعه جدا جدا

وضعت الورقه بعد ان تركتها تنشف خالص

وضعتها فى قماشه مطاطيه بعض الشىء

هنا بدات تشد من كل اتجاه

ودى النتيجه التى طلعت من الشد

نلاحظ انها تمطها وهى متنيه على اتنين

هنا كانت النهايه

طبعا الشد كان للسته الكبار فقط والصغير لا

هنا وضعت السلك على الورقه

وجهزت اربع ورقات شجر لاسفل الورقه

هنا احضرت بودره صفراء دهنت بيها نصف الورقه

بدات فى تجمع الورده

احضرت خيط اخضر والتلاته الرفيعيين وبدات تجمع

هنا وضعت الثلاثه الاوائل من السته وحطتهم بشكل طلع من قلبهم الصغييريين

هنا جمعت الثلاثه الاخيره من الورده

كله وراء بعضه خالص

لفت على الجزء السفلى جزء عريض طبعا عن السلك الى كان موجود شرايط رفيعه من القماش الابيض الاساسى

دهنت الجدر باللون المناسب للورده لون اخضر

بدات تلف الورق الى جهزته على الجدر بلاشكل ده

هنا لونت الجزء الباقى من السلك

هنا الشكل النهائى للورده

والى اللقاء مع وردة جديدة

سجل فى : 27/05/2011

نشوف مع بعض بعض من الزهور من خامات صعب كنا نفكر نعمل بيها ورده

مجموعة اخرى من الورود

الورده هذه على طرفها جليتر فضى

الوردتين الجمال هما القادمين فى العرض باذن الله

سجل فى : 27/05/2011

هذا شكل الورده

صناعة الورود من القماش باحدث الطرق Untitled

هنا الدوره هذه لعمل قلب الورده وعرض طرقته

هنا ربط الخيط الاسود بقطعه من الخيط الصفر

صناعة الورود من القماش باحدث الطرق Untitled1

احضر خيط اسود

صناعة الورود من القماش باحدث الطرق Untitled2

ولفه تانى على يده كميه اخرى لجعل القلب ثقيل وعزير

صناعة الورود من القماش باحدث الطرق Untitled3

بدا يساوى الشراشيب الى طالعه من الخيط

صناعة الورود من القماش باحدث الطرق Untitled4

وضع الخيط فى غراء ابيض

ووضعه فى بودر اى بورد اى كستر عندك

صناعة الورود من القماش باحدث الطرق Untitled6

هنا بدا يجهز الورده وبقلم اسود بدا يرسم قلب الورده

صناعة الورود من القماش باحدث الطرق Untitled5

صناعة الورود من القماش باحدث الطرق Untitled7

هنا باليد بيمط القماش فى يده

صناعة الورود من القماش باحدث الطرق Untitled8

هنا وضع الخيط الذى جهز فى قلب الورده

عايزا اقول هنا حاجه

ان الخيط مش طرى لازم يكون ناشف شويه واما

ضعى على الخيط غرا ابيض وسيبه بنشف

حيقف نفس الشكل الى فى الصوره

يعنى بعد ماتلمى الخيط ضعيه كله فى غرا ابيض واتركيه ينشف وهو متنشر لاسفل

ممسوك من الخيط الاصفر وش الخيط لتحت

وبعد ان ينشف ضعى غراء ابيض على الحرف وضعيه فى البودره

صناعة الورود من القماش باحدث الطرق Untitled9

صناعة الورود من القماش باحدث الطرق Untitled9

صناعة الورود من القماش باحدث الطرق

مواضيع مماثلة

مواضيع مماثلة

ردود موضوع : صناعة الورود من القماش باحدث الطرق

صناعة الورود من القماش باحدث الطرق