يا سفنجة الحب الدافى ... مين فيكوا عايز يبقا سفنجة

يا سفنجة الحب الدافى ... مين فيكوا عايز يبقا سفنجة 20841010150161642204727

تعرفوا النظريه بتاعة 10:90 ؟؟ دى بتقول بإختصار شديد ان انت عليك 90% من المواقف الحياتيه اللى بتتعرض لها يومياً وال10% دى هى ردود الفعل اللى بتتلقاها من الناس بناءً على تصرفاتك

يعنى تخيل نفسك مثلاً فى كافيه وايدك خبطت الويتر وهو بيحطلك المشروب بتاعك فوقع منه، اكيد الفنجان هيتكسر واحتمال حاجه تطرطش عليه
شوف بقا رد فعلك....يا تاخد الامور ببساطه وتمسك اعصابك وتهاول تبتسم وتهدى الموقف يا اما "تشعللها" وتدى الموضوع اكبر من حجمه وتعكنن على نفسك وعلى الويتر وعلى الناس اللى فى الكافيه وكتير منهم هيفكروك متكبر وانسان مش كويس

نفس الحكايه فى المواقف بين الزوج والزوجه...أهم شريكين فى الحياه والمحرك الاساسى لها

ليه الاتنين ميحاولوش يبقا "سفنجه" ويمتصوا غضب بعض فى المواقف الحرجه؟؟ علشان المركب تمشى ونتاطى للريح علشان متكسرناش

يعنى هى غلطت فى حاجه...فوتلها، او لومها بالراحه او لاقى طريقه تانيه غير اللوم الصريح المباشر علشان هى متعاندش والدنيا تولع بينكم

ولو هو غلط او نسى حاجه انتى طلبتيها منه او شاورك فى شئ وبعدين ما اخدش بنصيحتك واتعرض لمشاكل...بلاش "تنظير" يعنى متعمليش عليه "أبله الناظره" علشان مينفجرش فى وشك ويتمرد عليكى

خلو الحياه "سفنج" يمتص البلل والصدمات ويمسح الحاجات اللى مش نضيفه وكل دا مستخبى جواه
-.-.-.-.-.-.-.-.-

غالباً الاسفنجه الاكبر لازم تكون ....الزوجه؛؛؛ معلهش
بنيجى عليكى كتير انا عارفه، بس دا قدرنا علشان انتى فى ايديكى حاجات كتير بتحرك علاقتكم

ليه الست تكون عنيفه فى فعلها و رد فعلها؟؟ ليه متاخدش الأمور بشويش وهدوء وتخلى الحياه بسيطه؟؟

البدايه دايماً بتكون من عندك...لو كشرتى هيقابلك بتكشيره، لو سكتى هينسى الكلام، لو بقيتى قاسيه هيجمد قلبه عليكى، لو عليتى صوتك هيتعصب وممكن يفقد شعوره ويسمعك كلام ملهوش لازمه أو يرزعك قلمين

خليكى بشوشه وَدَّاده،حنينه وناعمه، سفنجه تمتص كل غضبه وانفعالات
كدا مش بنظلمك ولا بنيجى عليكى، وعارفين اننا بنحملك فوق طاقتك،بس هى دى "عظمة" الست فى حنيتها واحتواءها
انتى مخلوقه من ضلع اعوج ،يعنى دايماً مستعده للإحتواء
اطلبى إللى تحبيه كله بحنيه هيديكى عنيه
الصوت عالى هيخسرك أنوثتك ومكانتك عنده
وهيخلى اطفالكم يطلعوا مشوشين علشان لسه ميعرفوش الفرق بينا النقاش والخناق
ارجوكم...هدوا اعصابكم

يلا عايزة أسمع أرائكوا فالموضوع يا جماعة
مش تقرأ وتمشى وتسيبنا كدا من غير ما نعرف رأيك
يا سفنجة الحب الدافى ... مين فيكوا عايز يبقا سفنجة 13065945681128

يا سفنجة الحب الدافى ... مين فيكوا عايز يبقا سفنجة 13065945681128

سجل فى : 11/06/2011

سجل فى : 03/06/2011

تسلمى ياقمر بس فين رايك ياعسل

يا سفنجة الحب الدافى ... مين فيكوا عايز يبقا سفنجة

ردود موضوع : يا سفنجة الحب الدافى ... مين فيكوا عايز يبقا سفنجة

يا سفنجة الحب الدافى ... مين فيكوا عايز يبقا سفنجة