تعالى أقولك ازاي تحطي حماتك في جيبك الصغير وتكسبيها

يالهوووووووووووووي
لو حماتك قرفاكي في عيشتك ومنكده عليكي ومطلعه عينيكي هديك كورسات ومتقلقيش ببلاش
بس ابقي افتكريني بدعوه
هقولك ازاي تحطيها في جيبك الصغير وتكسبيها وتكسبي جوزك وتعيشي في سعاده

اتبعي الخطوات دي
1-ناديها بماما ومش من تحت الدرس
حسيسيها فعلا انها كده وعامليها علي انها امك وكلمهه ماما دي بجد ليها تأثير ساحر فيها

2-حسسي جوزك باهميتها عندك يعني اسألي عنها بالتيليفون روحي زوريها لما تخرجي مع جوزك اختاري هديه وقوليله ايه رأيك في دي لماما

صدقيني هو هيفرح جدا بده وهيعمل كده مع اهلك

3-لو سمعتي صوتها حتي لو في التيليفون افرحي وحسيسيها بده ونبرات الصوت بتتنقل خلال التيليفون

يا سلام لو قلتلها اذيك يا قمر او قلتلها مش هتيجي ياماما بقي البيت بقاله كتير منورش هتعمل شغل جامد

4-لو رحتي عندها حسيسيها انك مش غريبه ومتخليهاش تتكلف ولو كانت بتعمل اي حاجه بسرعه اعمليها بدلها وصممي مش عزومه مركبيه بلاش فضايح

5-حسسيها باعجابك بكلامها واكلها اعملي فيها منبهره واطلبي منها تعلمك اكله من اكلها حتي لو انت بتعرفي تعمليها استعبطي هي هتفرح وهتحس انها بتعلم بنتها مش مرات ابنها

6-اطلبي رأيها في بعض الحاجات واعملي انك معجبه برأيها واحترميه حتي لو مش هتنفذيه خليكي ناصحه بس اوعي تدخليها في خلافاتك مع جوزك لانها هتيجي علي دماغك في الاخر

7-اوعي تجادليها حتي لو معجبكيش رأيها ابتسمي
وغيري الموضوع

8-متنسيش تعزميها كل فتره عل الغدا واعملي الاكله ال علمتهالك وفكريها بده هتفرح اوي واسألي ابنها عن الاكل ال بتحبه واعمليه وهو هينشكح اوي انك مهتمه بيه

9-لو جت عندك افرحي بيها ومتحسسيهاش انها غريبه قوليلها ده بيتك وبيت ابنك وامسكي فيها ومتضيقيش لانها طبعا هتدخل المطبخ وهتصر تعرف ال فيه وهتكشف الحلل وهتفتح التلاجه معلش اعصري علي نفسك لمونه وعديها معلش انت الكبيره

-حاولي تفتكريها بالهدايا ولو خرجت معاكوا قدميها قدامك وامسكي ايديها لما تركب العربيه ولما تنزل منها ولما تركب العربه معاكو معلش خليها تركب جنب ابنها

عوزاكي تفتكري حاجه متنسيش ان ده ابنها ال تعبت في تربيته والاخر انت جيتي اخدتيه علي الجاهز

متتكلميش عانها من وراها باسلوب وحش اكيد متحبيش جوزك يعمل مع اهلك كده

متنسيش ان في وم هتبقي في موقفها ومتحبيش مرات ابنك تعاملك باسلوب وحش

كده هتثبيتيها وتحبك واكيد هتنكسف
وتخلي عندها دم وتعاملك كويس لو الكلام ده محوقش معاها يبقي ربنا يكون في عونك توكلي علي الله وولعي فيها
يا جماعه انا بهظر

» تعالي هنا وأنا أقولك ازاي تحافظي على خشب بيتك كله وترجعيه جديد زي الأول
» تعالى أقولك إزاى تكتبى الحروف طويلة بالكيبورد ஐ¤ღ ღ¤ஐ
» طريقتين لتبدأ مشروعك الصغير
» أنتي أجمـــــــــــــــــــــــل ... عايزة تعرفي ازاي ... تابعيناااااا :)
» لونت بيضي تعالوا شوفوا ازاي لونتوا

سجل فى : 26/06/2011

سجل فى : 04/10/2011

طب بقي واللي حمانها تحطها يعني تعمل اية

سجل فى : 11/06/2011

لا حول ولا قوة ألا بالله

وألله أنا أتغظت خلاااااص

حبيبتي أنا كنت بأعمل معظم الحاجات دي

عارفة قالتلي أيه : أنتي كلامك يتعمل منه كتب ؟ !!!!!!!!!!!!!!!!!!

هههههههههههههههههههههههه

اساعدها في عمل البيت ومش أخليها تعمل حاجة وأنا موجودة

قالتلي : مش تبقي تفتحي الثلاجة تاني ألا لما تستأذني ؟!!!!!!!!!!!!!!!!!

أعمل أيه ياااربي ؟؟؟؟؟
أتمني من الله الأمور تتصلح للأحسن
ربنا كبير وعارف أعمالي

ههههههههه
مشكورة حبيبتي علي التوبيك المفيد
فيه أمهات فعلااااا بيحبه المعاملة بالشكل ده

************

سجل فى : 25/09/2011

طيب انا بقا اعمل ايه فى اخته الكبيرة صراحه هى الى حماتى وهى كبيرة عنى وعنه واحنا مش بنناديها بأسمها ياريت اعرف اعمل ايه معاها واكسبها ازاى وميرسى ليكوا كلكوا موضوع بجد جميل اوى حد يفيدنى ارجوكوا

سجل فى : 03/05/2011

تسلمي على الحكم الحلوة

بس إللي بتعمل عبيطة مع حماتها بنقول عليها في الآخر كتعة ومش بتعرف حاجة

ههههههههههههههههههههههههه

مش لازم تكون الواحدة عبيطة طول الوقت شوية وشوية

جزاك الله خيرا يا قمر

تعالى أقولك ازاي تحطي حماتك في جيبك الصغير وتكسبيها

مواضيع مماثلة

مواضيع مماثلة

ردود موضوع : تعالى أقولك ازاي تحطي حماتك في جيبك الصغير وتكسبيها

تعالى أقولك ازاي تحطي حماتك في جيبك الصغير وتكسبيها