تعالي اعلمك فن الاقناع

الموضوع مهم لكل واحدة تحب انها توصل فكرتها للي قدامها
و يقتنع بيها
سواء كنتي ابنة ...زوجة .....ام ....طالبة ....او بتشتغلي
تعالي نعرف مع بعض ازاي تكوني مقنعة

الإقناع:هي عملية توجية الغير سواء شخص أو مجموعه لإتخاذ قرار أو تصرف
فيه مصلحه مشتركه
أنا أحقق مصلحه والطرف الآخر يحقق مصلحه

أركان الإقناع
1_لابد أن تكون هناك أشياء تتوفر فيكي لكي تكوني أنسانة مقنعة للطرف الآخر
2_الرساله نفسها مالذي تريدين أن توصليه للآخرين لأن هذا الشيء لابد أن تتوفر فيه عمليات معينه كي يصل عند الآخر بطريقه تفيده
3_ المتلقي الإنسان اللي تتحاوري معاه
4_المناخ والبيئه يعني أحيانا بمجرد وجودي في هذا المكان يمنع الإقناع الأقناع مابيبدأشي من نفسي يبدأ من المستقبل ثم أصيغ الرساله المناسبه للمستقبل ثم أمتلك للمهارت المناسبه حتى أقدر أوصل الرساله للمستقبل

نتكلم عن ركن ركن ونبدأ من الآخير

1_ المتلقي
قبل مااحاول أقنع المتلقي ايه الأشياء الي أتأكد منها قبل ما أوصله الرساله حنتكلم من أكثر من زاويه فيه ناس مؤيدين للفكره اللي بطرحها وفيه ناس معارضين للفكره وفيه ناس محايدين للفكره يعني يعرف رايي ويعرف الإراء المخالفه لرأيي وفيه ناس جاهلين للفكره مش عارفين ايه الموضوع وفيه ناس غير مبالين طريقة تعاملي مع كل واحد غير:
يعني أول خطوة نصنف الناس اللي قدامي
إذا كان مؤيد يحتاج تحفيز وتشجيع
التركيز الأكبر يكون على الشخص المحايد
لأكسبه بجانبي
في حين المعارض أحوله لمحايد
يعني ننقل المحايد لمؤيد
والمعارض لمحايد
دي وجهة نظر فيه وجهة نظر ثانيه ننظر للجمهور فيه واحد صاحب قرار
(مثل الأم أو الأب أو الزوج أو مدير)
فيه ناس يشكلوا عقبه مثل أختك أخوك أولادك
والأخير المتأثر بنتيجه
مثال بنت عايزة تشارك أخوها عشان تسوق عربيته جت للأب عشان تقنعه أن تشارك أخوها في سواقة العربيه
دلوقتي الوالد هو صاحب قرار
وفيه شخص يشكل عقبه
(الوالده تخاف على بنتها تسوق العربيه)
وفيه شخص يتأثر بالنتيجه
(الأخ لأن الأخت حتشاركه العربيه)
دلوقتي الأخ بيعارض لأن العربيه عنده 24 ساعه وجت أخته بتشاركه عربيته
لازم دلوقتي البنت تروح تاخذ تأييد الوالده وتقولها مثلا(أنا حاسوق العربيه عشان نخرج وأمشيكي ولا كل شوية نطلب أخويا أحيانا يرضى وآحيانا لا وإذا رضى نتسوق على السريع وماناخذش راحتنا)لحد ماتكسب الأم واللي كانت تشكل عقبه
وتروح لأخوها وتقوله أنا حاخذ العربية كل يوم جمعه بس ولاندوشك ونقولك ودينا وجيبنا
يعني تكسب موافقة الأثنين
(اللي يشكل عقبه_والمتأثر بالنتيجه) قبل ماتروح لصاحب القرار
طيب المتلقي ازاي يقتنع؟
هناك أربع أنواع
1_المسيطرين :عايزين الفكره فكرتهم وبس (كالأب_المدير_ ..الزوج.....)
2_التابعين: عايزين يسمعوا فكرة ناس واثقين فيهم
مثل بنت عايزة تقنع أبوها بحاجة تلجأ لعمها لأن أبوها واثق فيه ويأثر على أبوها
3_ناس أصحاب كاريزما:
يعني شخص عايز الفكره ويقتنع بيها إذا فيها شيء مميز وفيها شيء مفيد أو مختلف أو مثير
وإذا لا مش عايزها ولايقتنع بيها
4_المحللون أوالمفكرون: يعني ناس عايزة تقنعينهم بالذات خلي المعلومات هي تتكلم
مايقتنعش بالفكره لما تقوليله دي فكره حلوه دي فكره مفيده
لا عايز شيء يشوفه قدامه
وينظر في التفاصيل
عايز له ناس يجهزوا له كل شيء قبل مايقنعوه
أهم شيء قبل ماتقنعي حد أعرفيه من أي نوع عشان تقدري تتعاملي معه يعني لازم نعرف المدخل الصحيح لقلب وعقل الإنسان اللي أمامي
لأن لما تفهميه تعرفي ازاي تقنعينه
بعض الأحيان يكون معاكي الحق بس ماتقدريش على الإقناع لأنك مش فاهمه اللي قدامك

كده خلصنا من المتلقي ونجي لخطوة الرساله أوالفكره حاديكم مثال:
عايزة أقنع الزوج بفكرة الوظيفهفي ست شروط لأي فكره حاقنع بيها الزوج
1_لابد الفكره تحرك المشاعر
يعني تحريك الجانب العاطفي مهم جدا
يعني لابد أن أصل لعقل وقلب الآخر
أفكر هل الفكره تثير المشاعر للشخص المتلقي
في المثال السابق ايه المشاعراللي ممكن تثيرها الزوجه؟
هل هوالحماس :تشتغل وترفع راس زوجها
هل هو الجانب المادي: يعني الزوجه تقول حاشيل عنك بعض مصروف البيت
يعني تبحث عن العاطفه المناسبه اللي تثير زوجها
2_الفكره تيجي من طريق غير متوقع يعني الشخص يقبل الفكره إذا جاءت بشكل مفاجئ أكثر من إذا جآءت بطريقه تقليديه
نعرض الفكره بأسلوب غير تقليدي
3_المصداقيه: مين قال الكلام ده؟
الرسول عليه الصلاة والسلام كان يعرف بالصادق الأمين عشان كدا الناس تستجيب لرسالته
يعني جانب الصدق أعطته المصداقيه كي يقنع بها الناس
يعني إذا حتقنعي حد لازم فيه جانب مصداقي
زي دليل من القرآن أوالسنه
أو تستعيني بشخص يصدقه الشخص اللي بتقنعيه
أحيانا رأيي يحتاج تدعيم من طبيب من مدير من مدرس
في مثال وظيفة المرأه
لازم تجيبي مصداقيه مثلا من أشخاص من سوق العمل
يقولوا لزوجك أنه مافيهوش أختلاط
(إذا كان ده يخوفه) وهكذا
4_صياغة الفكره نفسها الفكره لماتنعرض لمثقف يكون الإقناع غير لغير مثقف __
المتعلم _ الجاهل _ المهندس _ الطبيب _
يعني لازم الفكره تركب مع الناس
الرسول عليه الصلاة و السلام يقول (خاطبوا الناس على قدر عقولهم)
يعني لما أصيغ الفكره لوالدي
تكون بشكل مختلف لما أصيغها لأختي عمرها 8 سنوات
يعني الطفله أكلمها بلغة البلاي ستيشن والألعاب
والوالد أكلمه بلغة العادات والتقاليد نرجع لمثال المرأه الموظفه
هل زوجك متعلم أولا؟
يعمل أولا وايه طبيعة عمله؟
هو يحب التفاصيل وإلا الصوره الكليه؟
إذا عرفتي حتعرفي ازاي تخاطبيه
5_الفكره تكون بسيطه أي أبسطها قدر المستطاع مثال إذا دخلتي لوزارة التربيه والتعليم
ودخلت معاكي في الأصانصير وزير التعليم وطالعين خمس أدوار وسألك أنتي مشرفة في ايه وإشرافك ايه دوره بالضبط
هل حتقدري أنك تعرضي إشرافك في رحلة الأصانصير دي؟
لازم تبسطي الكلام وتقوليه في المختصر
يعني إذا عندك صندوق برتقال تبسطيه وتطلعي منه فيتامين سي

6_أصيغ الفكره على شكل قصص عشان تقدرى تقنعي الناس لازم تسمعي لهم والإستماع يساعدك تفهمي الناس طيب نجي لآخر حاجة اللي هوأنا طيب أنا ايه هدفي بالضبط؟
الهدف في ست مراحل :هل كي أبذر بذره في راس الأخ أو الزوج وهو يفكر فيها ولا عايزة أن يحصل قناعه داخليه
ولا عايزة قرار أو تصرف أو سلوك
ولا عايزة مثلا مش بس أتوظف لا عايزة أكتب في الجريده وانادي عن أهمية عمل المرأة؟
أنا فين هدفي بينهم وهكذا طيب هل في أشخاص شبه الشخص اللي بقنعه من زوج أو أب يعملون نفس العمل اللي بأدور عليه يعني مثلا فيه ناس كثير بتسوق العربيه
وأنا قاعدة أقترح على والدي أني أسوقها
وبكدا أقوله أن ده منتشر وكل الناس بتعملها
يعني أقنعه بأن الأمر عادي والناس منتشر بينهم
أقدم تنازلات يعني فيه فكره عايزاها وفكره مش ضروريه أتنازل عنها مقابل أحصل على الفكره اللي عايزاها

لابد أن الشخص يعرف كيف يصيغ الخيارات مثال الزوجه تقول لزوجها أنا حاشتغل بس مش شغل مختلط ومش حاتأخر عن ميعاد رجوع الولاد من المدرسة وهكذا_
لما أعرض الفكرة مأأعرضش الأفكار ورى بعض أعرض الفكره الأكثر تكلفه إذا رفضت أجيب الفكره الأقل منها
وإذا مضطره أدي كل أفكاري مثال أدي خيار رقم أ اللي مش عايزاه
ب هو اللي عايزاه
وخيار ثالث شبه الخيار اللي عايزاه بس سيء شوية
مثل أنا عايزة اقنع جوزي بشتري لي عربية جديدة
أختارنشتري عربية جديدة بتكلفة 60000
و لا مستعملة ب 50000 ولا جديدة بنفس التكلفه 50000
بس من غير اوبشن؟
و هكذا

حتقدروا دلوقتي تقنعوا اي حد
بس طبعا المهم تفهمي طبيعة شخصيته
منتظرة تعليقاتكم على الموضوع
و أي استفسار انا تحت امركم
اتمنى تكونوا استفتدوا

» تعالى اعلمك الكبسة الصينى
» ** أكل صحي 100 في 100 تعالي هناا **
» بجد فنان "تعالي شوفي"
» تعالي اعرفي هل انتي طبيعيه ام لا
» فيونكه بطريقه سهله تعالي جربي

سجل فى : 03/05/2011

كلام جميل مشكورة يا قمر

المشكلة في الناس العندية إللي ما بتسمعش غير كلامها وبس وأي كلام تاني ما لوش قيمة

زي الزوج إللي مقتنع إن مشورة المرأة بخراب سنة إذا صحت

عمره ما يشور زوجته أبدا

وحتى لو أخذ رأيها مش بيعمل بيه ويعمل إللي في رأسه

حتى لو كان خطأ ليثبت لنفسه أنه المسيطر ولا كلام يعلو عليه وهذا من العند

سجل فى : 13/11/2011

معاكي حق العند دايما بيبقى مشكلة
الفكرة بقى في فن الاقناع انك تعرضي الموضوع بطريقة مختلفة عن المشورة
يعني اعتبري الزوج ده زي المدير مثلا .هل المدير بيشاور موظفيه زي ما الأصحاب بيشاوروا بعض ؟ طبعا لأ
زي ما قلت في الموضوع لازم نعرف شخصية المتلقي لو هو أول نوع المسيطر ( زي الزوج -المدير - المدرس ....) يبقى لازم نركز على عرض الفكرة بطريقة تخليه أكنه هو اللي فكر بيها و طلعت من دماغه هو .ازاي ؟ اننا نعرض المميزات و العيوب و نسيبه هو اللي يختار بمنطقية و لازم نبقى فاهمين شخصيته كويس
معلش هو الموضوع محتاج تدريب كثير بس بيجيب نتيجة كويسة ان شاء الله .
ركزي بس على جانب عرض الفكرة أو الرسالة في موضوعي .و شيلي من دماغك فكرة انه بيعاند من أجل العناد ( حتى لو ده صحيح فعلا ) لأن ده بيخليكي تفكري بطريقة سلبية و حيأثر على طريقة عرضك للفكرة .
لو عندك أي استفسار انا تحت امرك

سجل فى : 03/05/2011

هو المضوع فعلا محتاج تدريب

وإقناع النوع ده من الأزواج صعب بس مش مستحيل

لأنه لا يعترف بـأخطاؤه وأفضل طريقة أنا نفسي جربتها هي عرض الفكرة ودون إلحاح أو مجادلة

لأن الإلحاح والمجادلة تضايق الرجل وتركه مع نفسه ليفكر

وسيجد في النهاية أن رأيه غير مناسب ويعدل من نفسه

سجل فى : 09/11/2011

شكرا علي الموضوع المهم

تعالي اعلمك فن الاقناع

مواضيع مماثلة

مواضيع مماثلة

ردود موضوع : تعالي اعلمك فن الاقناع

تعالي اعلمك فن الاقناع