ملف كل يوم معلومة مفيدة لأكلاتك وتكات مفيدة

كل يوم معلومة وتكة جديدة لاكلاتك ياريت الكل يشارك ويضيف علشان الكل يستفاد ويبقى فى ميزان حسناتكم

هتعرفي كل جديد في عالم المطبخ من معلومات نصائح وصفات فقط على منتدانا الغالى عاشقات الاشغال اليدوية

» خمسين معلومة عن سيدنا محمد صل الله عليه وسلم
» معلومات مفيدة عن حمام الكريم
» ((( مقترحات مفيدة جدااا قبل رمضان )))
» ** مواقع رمضانية مفيدة وجميلة **
» أطعمة مفيدة للأسنان تحارب الجراثيم و تعطر الفم

سجل فى : 03/06/2011

الملوخيه ..باحط فيب الشوربه بتاعتها ثمره طماطم تغلي معاها
وباصفيها علي الملوخيه قبل الطشه
تاني سر تضيفي ملعلقه سكر علي الملوخيه
اى خضار تقليدى بيتضاف علية توم بعملة عادى جدا وبدق فصين توم نايين
واقلبهم على الخضار واركنة من اول ما ابدء اطبخ وبعدها اضيفة
على التقلية

والملوخية
بحط التوم جزء نى يغلى فى الشوربة والباقى بعملة طشة عادى
واكتشفت بقى انها بالزبدة مش حلوة زى السمنة العادية

الملوخية وهي إن التومة بعد ما تحمريها في السمنة تحطيها
على الشوربة بعد ما تغلي وتسيبهم يغلوا غلوة كده مع بعض وبعد كده تطفي النار أو توطي النار على الآخر وبعدين تحطي الملوخية الخضرا وتقلبي وتطفي النار على طول وتشيلي الحلة
من على النار بتفضل الملوخية خضرا وطعمها جميل قوي

سجل فى : 03/06/2011

للمحافظة على البقول(الفاصوليا،الحمص، الفول) وعدم تسوسها، ضعيها في
برطمان زجاجي، ضعي ملعقة كبيرة من حبات البهار االحلو او الفلفل الأسود
الصحيح أو بعض فصوص الثوم الغير مقشر، غطيها باحكام.

سجل فى : 03/06/2011

للحصول على خضروات مثلجة أفضل فرغي الكيس من الهواء قبل وضعه في
الفريزر.اجمعي طرف الكيس بين الإبهام والسبابة ثم ضعي شلمونة في الوسط و
قومي بشفط الهواء ثم أغلقي الكيس و ضعيه في الفريزر.

ادهني مبشرة الجبنة بقليل من الزيت قبل برش الجبنة فهذا يعمل على عدم إلتصاق الجبنة في المبشرة

سجل فى : 03/05/2011

حلوة التكات دي يا أم سندس

لما الأرز بيشيط مني بأقلبه في حلة تانية وأحط عليه رغبف خبز من أعلى وملعقة سمن بلدي

وطعمه وريحته بتبقى أحسن

سجل فى : 29/04/2011

موضوع هااااايل يا بحر ما شاء الله

سجل فى : 03/06/2011

تسلمى يااسامى انا بعمل كدة بسمش بحط سمنة بلدى

عايزين افكار تانى

سجل فى : 03/06/2011

تسلمى ياسمر انتى الاحلى فين لفكارك وتكاتك

سجل فى : 03/06/2011

أساسيات فى الفراخ* والبانيه* والبوفتيك* واللحمه المفرومه
عشان تكون طعمها وريحتها يهبلوا لالالالالالالالالالالالالالازم تكونى متبلاهم بفتره انا عن نفسى لما بشترى الفراخ او اى حاجه من اللى قلتها لازم اتبلهم الاول حتى لو شاريه كميه يعنى بجيب 4 او 5 فراخات فى وقت واحد اول حاجه بغسلهم كويس جدا وبعدين اقطعهم وبعدين اتبلهم وبعدين احطهم فى كيس وعلى طول على الزباله يوه اقصد الفريزر يقعدوا زى ما يقعدوا وقت ماحب اطبخ اطلعه وهو مجمد على طووول على المايه اللى بتغلى اولا بيكون طعمها حلو جداا ثانيا مش باخد وقت التوضيب دى نصيحه حبيت اقولهالكم يا رب اكون افدتكم

سجل فى : 03/06/2011

حارب السكر أيضاً:
إن تقليل استخدام السكر عند تحضير الوجبات الغذائية بنسبة الثلث إلى نصف
الكمية المستهلكة، لن يؤثر على مذاق الوجبة الغذائية، بل ستتلذ بمذاق بقية
الأطعمة أكثر.
· طهي الخضراوات:
إن طهي الخضراوات يساعد على جعلها تفرز السكر الطبيعي الذي تحتويه فلن
يكون مذاقها مراً، وتقول بلاتنر إن أفضل طريقة بطبخ الخضراوات هي بطبخها
بالبخار، أو شويها.
احصل على أطباق أشهى وألذ عند تقليل كمية الدهون
والأملاح في الأطباق الغذائية، والتي بإمكانك أن تحذفها من وصفاتك المفضلة
دون أن يؤثر ذلك على المذاق والنكهة

سجل فى : 03/06/2011

طريقه الكفته خدتها من الشيف شربينى وطلعت هايله
كفته الحاتى قطعت بصله فى الكبه عشان تبقى ناعمه بحيث ينزل منها ميه
وصفيت البصله خليت تفل البصل لوحده والميه لوحدها وضيفت اللحمه على الصل واديتها
فرمه بسيطه فى الكبه
وبعدين تبلتها بالبهارات والملح
وسيبتها شويه
وبعدين صبعتها على اسياخ او معلقه خشب لو مش موجوده
وكنت بمسح ايدى كل شويه بميه البصل
وبعدين شويتها على الشوايه
ولو مفيش شوايه ممكن تعمليها فى طاسه تيفال ومعاه شويه زيت صغيرين قوى لحد ما تحمر حاجه بسيطه وبعدين حطيها تحت الشوايه فى الفرن
وتجيبى فحمه مولعه وتحطيها فى فنجان فيه شويه زيتوتغطى بسرعه هتديكى ريحه الشواء

سجل فى : 03/06/2011

لو لقيتى الكشك خفيف وهو على النار زودى نص معلقه نشا ونص دقيق فى حبة لبن او مايه فى الكوبايه وقلبيهم كويس وبعدين صبيهم على الخليط وهو على النار وسبيهم على النار لغاية مايتقل بس ميتقلش قوى عشان لما بيقعد هو بيتقل لوحده

سجل فى : 03/06/2011

طريقة الشاتوة
.بصى ياستى المقادير 1- كوب سكر 1- كوب لبن 3معاق كاكاو كيس بيكنج بودر تضربيهم فى الخلاط كويس قوى بعدين تضيفى تقريبا تلت كوب زبده او سمن سايحه بس مش سخنه وتنزلى بيها سرسوب رفيع على الخليط السابق لما تتماسك وتلاقيها شبه االنويتلا كده ماااشى .... هتخدى منها شويه فى كوبايه وتسبيهم على جنب خلاص ... وبعدين تضيفى بيضتين وفانليا ونقطتين خل وتشغلى الخلاط يمتزجوا تضيفى لهم 1-كوب دقيق وتقلبى وتصبيه فى صنية الكيك اللى مخرومه من النص عارفينها وتدخليها الفرن ولما تخرج وهى سخنه تصبى عليها الشويه اللى فى الكوبيه اللى كنا خدناهم .... بتبقى وااااو وسهله ومش مكلفه .... كلها كوب سكر وكوب دقيق وكوب لبن وبيضتين وكاكاو وبالف هنا
طلايقة سحوررررة حبيبتى

سجل فى : 03/06/2011

طريقة عمل الفراخ المقرمشة البانيه
تجيبي نص كيلو فراخ وبصلة كبيرة وملح وفلفل اسود ولمونة واحده وبيضة ودقيق درة معاه شوية دقيق عادي
ابشري البصلة ناعم جدا وضيفي عليها الملح والفلفل ولو عايزة بهارات حطي جنزبيل وكزبرة ناشفه وخردل وضيفي اللمونة
سيبيها تتبل نص ساعة أو ساعة فقط مش هتحتاج أكتر وبعدين حطيها في البيض وعلى خليط دقيق الدرة والدقيق عدللللللللللللل
حطي الزيت يقدح واتأكدي انه سخن كويس وعلى عين متوسطة ارفعي درجة الحرارة الأول وانزلي بالبانيه ولما ياخد لون بسيط من ناحية اقلبيه بالراحة على الوش التاني وسيبيه ثواني على الحرارة العالية وبعدين وطي النار شوية ( مش كتير علشان ميشربش زيت ) تبقى وسط يعني لا عالية قوي ولا واطيييييييييه ( لأ أنا مش بشتمها والله )
وخدي بالك متقلبيهاش كتير هي مش بتاخد سوا كتير وشيليها لما تحسي انها استوت
ولما تشيلي الدفعة اللي حطيتيها علي النار وتيجي تحطي تاني على أعلى شعلة واتبعي نفس الخطوات يعني يا دوب تعمليلها بلانشيهه من كل وش ( على رأي اخوانا الشيفات ) وبعدين توطي علشان متتحرقش من برا ومن جوا تبقى نيه

سجل فى : 27/05/2011

بحر الحنين كتب:: الملوخيه ..باحط فيب الشوربه بتاعتها ثمره طماطم تغلي معاها
وباصفيها علي الملوخيه قبل الطشه
تاني سر تضيفي ملعلقه سكر علي الملوخيه
اى خضار تقليدى بيتضاف علية توم بعملة عادى جدا وبدق فصين توم نايين
واقلبهم على الخضار واركنة من اول ما ابدء اطبخ وبعدها اضيفة
على التقلية

والملوخية
بحط التوم جزء نى يغلى فى الشوربة والباقى بعملة طشة عادى
واكتشفت بقى انها بالزبدة مش حلوة زى السمنة العادية

الملوخية وهي إن التومة بعد ما تحمريها في السمنة تحطيها
على الشوربة بعد ما تغلي وتسيبهم يغلوا غلوة كده مع بعض وبعد كده تطفي النار أو توطي النار على الآخر وبعدين تحطي الملوخية الخضرا وتقلبي وتطفي النار على طول وتشيلي الحلة
من على النار بتفضل الملوخية خضرا وطعمها جميل قوي

تسلم الايادى ياقمر على التوبيك ده
فى تكة تخلى الملوخية الخضراء طعمها حلو
تقطعى كزبرة خضراء وتحطيها مع الشوربة وهى بتغلى بتخلى طعم الملوخية راااااااااااااائعة

لى عودة ان شاء الله

سجل فى : 03/06/2011

تحتوي الفاكهة المجففة على فيتامينات بقدر الفاكهة الطازجة
خطأ. فعند إزالة الماء من الفاكهة، لحفظها لوقت أطول، تختفي أيضاً كمية كبيرة من الفيتامينات، ولاسيما الفيتامين C. في المقابل، يمكن العثور على كمية كبيرة من الأملاح المعدنية في الفاكهة المجففة.

سجل فى : 03/06/2011

يمكن تناول الصودا وعصير الفاكهة أثناء الوجبات
خطأ. فحتى المشروبات غير المحلاة تحتوي على ما يوازي 20 إلى 30 مكعباً من السكر. وهذه الأنواع من المشروبات لا تروي العطش وتؤثر سلباً في صحة الأسنان، ما يجعلنا نتأكد أن الماء هو الوحيد الموصى بتناوله على مائدة الطعام.

سجل فى : 03/06/2011

طريقه تانيه لكفتة الجمبرى .. تسلقى 3 بطاطس وتبشريهم مش يتهرسوا لا يتبشروا وابشرى عليهم بصله وربطه بقدونس وبيضه وشوية بقسماط وبهارات واخلطيهم كويس مع بعض وبعدين ضيفى عليهم الجمبرى متقشر ومغسول وقلبيهم كويس .... وبعدين شكليهم زى ماتحبى صواببع او قرص وقلبيهم فى دقيق وبعدين بيض وبعدين بقسماط واقلى بتبقى تحفه وفى نفس الوقت طعم الجمبري موجود ووااضح

سجل فى : 03/06/2011

طريقة باتية حلوةة اوووى

تخلط كل هذه المكونات
يضاف اليها الآتى
خميرة مذابة فى ملعقة سكر والقليل من الماء..2 زبادى.. كوب الا ربع زيت ذرة..
كوب ونصف حليب
تخلط هذه الأضافات جيدا مع الحرص على التعامل مع الحليب السائل بحرص (من الجائز الا نحتاج لكل الكمية)
نترك العجينة تخمر لمدة نصف ساعة ثم تقطع الى أجزاء يفرد كل جزء بالنشابة لتصبح رقيقة نوعا ما ثو تشكل دوائر (مثل القطائف) أما بكوب او سلطانية أو قطاعة مدورة
الحشو
جبن بالنعناع أو بالفلفل الرومى,, جبن لافشكيرى.. نيوتيلا .. أو لحم مفروم
يتم حشو الدوائر وتغلق مث القطائف وعلشان مش تفتح قومى بالضغط على الأطراف بالشوكة
ترص فى صاج الخبز يدهن الوجه بصفار بيض ثم تترك لتخمر مرة أخرى
ويكون الفرن مجهز من قبل
يخبز على الرف الأوسط الى أن يحمر الوجه
تقريبا فترة الخبز من 10 الى 15 دقيقة

سجل فى : 03/06/2011

بصى الشاورما طريقتين
لو عندك قطعتين لحمة متبقيين عندك مسلوقين
قطععى بصلة وحطيها فى السمنة او زيت ذرة لغاية اما تبدل بس
وبعدين ضيفى الفلفل والجزر تقلبتين وتكونى مقطعة اللحمة كدة بايديكى نساير
وحطى عليهم
وقلبى

اما لو عندك اللحمة مش مسلوقة نية يعنى
قطعى البصل ودبيليه برضو فى زيت او سمنة
وقطعى اللحمة حتت رفيع وطويل
وحطى على البصلة وزودى فلفل اسود
وقلبى شوية تتشوح وبعدين ضيفى حبة مية
قبل السواء
ضيفى الخضار الباقى
الفلفل والجزر والزيتون
ولو تحبى معلقة صلصة هتديها طعم برضو
وحطى الملح
وبالف هنا وشفاء

سجل فى : 03/06/2011

بصى هاتى كيلو لحمة وافرميها فى البيت وعصجيها
وزودى عليها كيلو بطاطس مسلوقة واهرسيها فيها
وطبعا وانتى بتعصجى اللحمة حطى فلفل وجزر وبصل وخضرة كل الحاجات دى بتدى طعم جميل
كدة هيدوكى وزن حوالى 2 كيلو ونص

واعملى كفتة بطاطس او حواووشى او بطاطس بورية

سجل فى : 03/05/2011

لما بأعمل الكيكة بأخلط السمن مع الزيت علشان ما تكونش دسمة أوي
لأن الزيت أخف والنتيجة يتكون هااااااااااايلة

سجل فى : 03/05/2011

علشان البانيه والجمبري المقلي يقرمش معايا بأخلط مع الدقيق شوية نشا
وممكن مع بانيه الفراخ تهرسي شوية كورن فليكس بيخليه زي كنتاكي

سجل فى : 27/05/2011

اما تيجى تعملى الارز حطى معاها زنجبيل بيدى طعم راااااااااااائع للارز
وانت بتحمرى الشعرية لما تتحمر خلاص قبل ماتنزلى بالارز حطى الزنجبيل وقلبيه مع الشعرية هتلاقى ريحته بانت

سجل فى : 03/06/2011

تسلمو ياقمرات على اضافات الاكل ويسلم مروركم

ملف كل يوم معلومة مفيدة لأكلاتك وتكات مفيدة

مواضيع مماثلة

مواضيع مماثلة

ردود موضوع : ملف كل يوم معلومة مفيدة لأكلاتك وتكات مفيدة

ملف كل يوم معلومة مفيدة لأكلاتك وتكات مفيدة