خطيبى قال.خطيبى عمل.اه يانى يقطع الحب وسنينه

الخطوبه أجمل أحساس فى الدنيا
وايام مش بتتنسى وبيبقالها ذكرياتها الجميله
كلنا متفقين على كده
بس فيه حاجات كتير احنا مش متفقين عليها
لانها بتختلف بأختلاف الشخصيه والبيئه والظروف المحيطه
بس اللى تبع شرعنا وعرفنا وتقاليدنا هو الاصح اكيد
انا مش هطول عليكم علشان متزهقوش

نبدأ بقى
بسم الله الرحمن الرحيم

انا هخلى موضوعى فى نقط لانى عايزه اتكلم فى اكتر من نقطه
-------------------------------------

اولاً:-كلام الحب

البنت تبقى عاقله وراسيه لحد ماتلبس الدبله وكأنها خدت تاشيره والاشاره خضره
تشغل التسجيل بقى(بحبك.بموت فيك.مليش غيرك...............)
خليتى ايه تقوليه بعد الجواز ويجذب اهتمامه ويثيره
طبعا مش كل البنات كده

لكن البنت اللى كده عايزه اقولها

متستعجليش على كلام الحب واوعى فى يوم تطلبيه منه وتشتكى انه بكده مش بيحبك

صدقينى الراجل ايام الخطوبه بيبقى نفسه يسمع كلمة بحبك

ويفضل يطلبها بالحاح لحد ما البنت تضعف وتقولها وبعدين بتبقى سهله على ودنه مش مهتم لانه اتعود يسمعها

طيب ليه منصبرش لحد أوانها ونقولها هيبقالها طعمها اكيد

(من استعجل شئ قبل أوانه عوقب بالحرمان منه)

هوريكى مثالين واختارى تحبى تكونى مين فيهم

المشترك فى المثالين الابطال
فلنفترض مثلا
منى
أحمد
هنشوف فى الاول قبل ما منى لسانها ياخد على كلام الحب

احمد كان جاى لمنى فى الزياره الاسبوعية
تعالوا نشوف منى استقبلته ازاى

منى: السلام عليكم ورحمة الله وبركاته
احمد: وعليكم السلام ورحمة الله وبركاته
ازيك يامنى عامله ايه
منى: الحمد لله تمام انت اخبارك ايه
احمد: انا تمام الحمد لله
انتى وحشتينى جدااااااااااااا
منى: يارب يخليكى
أحمد: ايه هو انا موحشتكيش ولا ايه
منى : ليه بتقول كده
احمد: اصلى بقولك وحشتينى مفيش حتى وانت كمان
منى: انا قلتلك قبل كده انى مقدرش اقول الكلام ده ياأحمد واحنا متفقين على كده
أحمد:يبقى انتى مش بتحبينى
منى: ليه هو الحب بالكلام مكنش حد غلب
احمد: انا نفسى اسمع منك كلمة بحبك ولو مره واحده تحسسنى انك فعلا بتحبينى
منى:بصى يااحمد الكلمه ديه مش هتسمعها الا لما ابقى مراتك حلالك ساعتها هقولها قبل كده لاعلشان مش كل شويه تزعل علشان كده
احمد: حتى لو قلتلك علشان خاطرى والمره ديه وبس نفسى اسمعها ولو مقلتيهاش هزعل
منى: الموضوع ده اتكلمنا فيه قبل كده وخلاص

وهنا دخلت مامة منى جايبه الشاى وقعدت شويه واحمد لاوى بوزه وبعد شويه استاذن ومشى
وراسم على وشه تبويزه بس من جواه مبسوط لانه عرف يختار اللى تصونه وتراعاه فى غيابه
وشويه وراح متصل بمنى ولا كان شى حصل

وبعد مامنى لسانها اخد على كلام الحب

منى : احمد حبيبى وحشتنى حمد الله على سلامتك
احمد: الله يسلمك
منى: عامل ايه ياحبيبى
احمد: تمام الحمد لله انتى عامله ايه
منى: انا بخير الحمد لله انت كنت واحشنى قوى
احمد: وانتى كمان
منى: عامل ايه فى شغلك
احمد: كويس الحمد لله ماشى الحال انتى عامله ايه فى المذاكره
منى: والله ماعارفه اذاكر ومش عارفه اركز خالص دايما بفكر فيك
احمد: شدى حيلك
منى: عملت ايه فى شقتنا انا نفسى تخلص بسرعه
احمد : اهو العمال شغالين فيها وربنا يسهل يارب
منى: انا حاسه انك متضايقك مالك ياحبيبى ؟
احمد : مش متضايقك ولا حاجه
ايه اللى خلاكى تقولى كده
منى: لا متضايق انتى هتخبى عليه احنا خلاص بقينا حاجه واحده
اصلى شيفاك بترد على قد السؤال
حتى مفيش كلمة بحبك
احمد:اكيد بقينا حاجه واحده واكيد بحبك امال هتجوزك ليه
!!!!!!!!!!!!!!!!!!!!!!!!!!!!!!!!!!!!!!!!!!!!

ايه رايك يابنوتة تحبى تكونى مين فى دول

شفتى الفرق بين احمد فى الاول وفى التانى
فى الاول كان ملهوف على الكلام
وبعد كده لما لقاها مدلوقه تقل هو
هى اللعبه كده

اولا انا حابه انى اتكلم معاكم فى حاجه كده
لان فيه بنات بيقولوا ان الكلام ده مش واقعى للمخطوبين عن حب

انا بس عايزه اعرف يعنى ايه مخطوبين عن حب

مش خطوبه برضه واتقدم وفى البيت وافقوا عليه

ولا انتوا قصدكم اللى اتمشوا وخرجوا ومسكوا ايدين بعض على الكورنيش

بصراحه انا من رايى الحب ده مش بيدوم
لانهم استعجلوا على حاجات كتير قوى

واى حاجه سابقه لاوانها مش بيبقالها طعم

ده غير ان طبيعة الرجل الشرقى

بتغلب بعد الجواز وبيبتدى يشك فى صوابع ايديه
وبيفكر مادامت خرجت واتكلمت من غير روابط يبقى الموضوع سهل

لكن اللى بتصون نفسها واهلها مهما حصل
جوزها عمره ما يشك فيها لانها كان قدمها فرصه تخون اهلها انها تكلم خطيبها وتخرج ولكنها رفضت
وده بيديله ثقه اكتر

وعايزه اقول حاجه كمان
لما انتى بتحطى حدود للعلاقه بينك وبين خطيبك فى الكلام والخروج
ده بيعليكى فى نظره اكتر
اوعى تقولى ممكن يطفش لالالالالا الممنوع مرغوب ياحبيبتى
وكمان ده بيخليه يقول هى ديه
رفضت تخون اهلها وتتكلم كلام مش صح
يبقى اكيد عمرها ما هتخونى
بتمناكلم السعاده من كل قلبى

ثانيا:- الخروج
---------
البنت تبقى رافضه الخروج والفسح لحد ماتلبس الدبله وكأنها خدت تأشيره ولقت الاشاره خضرا
وتبدتى رجليها تورم من اللف مع خطيبها فى المطاعم والمحلات.........خليتى مكان ياحبيبتى تخرجوا فيه بعد الجواز ويكون جديد عليكم
انا بشوف بنات بتسأل عايزه مكان جديد اخرج فيه مع خطيبى اصلنا لفينا على كل المحلات والمطاعم اللى حوالينا
يا الله
طبعا مش كل البنات كده
لكن البنت اللى كده احب اقولها
متستعجليش على الخروج والفسح واصبرى لبعد الجواز هيبقى لذة الخروج والفسح افضل بكتير وبلاش تطلبى منه الخروج لانه ممكن يرفض لاى ظرف عنده بلاش تحطى نفسك فى الموقف ده ياريت تفضلى عنده اللى بيتمنى انه يسمع طلبها علشان ينفذه فورا

صدقينى الراجل يبقى نفسه ومنى عينه يخرج مع خطيبته ويفضل يلح طيب ناخد معانا اختك طيب اخوكى طيب هنتمشى فى الشارع قدام بيتكم
وبيبقى بيتمنى انك توافقى
لكن لما بتوافقى وتستسهلى الخروج هو اكيد بيبقى تعبان ونفسه يقعد ويرتاح وممكن يرفض وان وافق علشان متزعليش بتحسى انه موافق جبر خواطر
طيب ليه منصبرش لما تبقى مراته ابقى اخرجى واتفسحى
وافتكرى دايما

( ماأجتمع رجل وأمراه الاوكان الشيطان ثالثهما)

المشترك فى المثالين الابطال
فلنفترض مثلا
منى
أحمد
هنشوف فى الاول قبل مامنى توافق على الخروج والفسح

احمد كان جاى لمنى فى الزياره الاسبوعية
تعالوا نشوف منى استقبلته ازاى

منى: السلام عليكم ورحمة الله وبركاته
احمد: وعليكم السلام ورحمة الله وبركاته
ازيك يامنى عامله ايه
منى: الحمد لله تمام انت اخبارك ايه
احمد: انا تمام الحمد لله
انتى وحشتينى جدااااااااااااا
منى: يارب يخليكى

أحمد: ماتيجى نخرج نتمشى شويه ياحبيبتى
منى: انت عارف رأيى فى الموضوع ده
أحمد: والله مش هنتاخر هنرجع بدرى
منى:احنا اتكلمنا فى الموضوع ده قبل كده وقلتلك مينفعش
أحمد: طيب ناخد معانا أختك
منى: لا مش هينفع طول مادبلتك لسه فى اليمين مينفعش نخرج سوا بره البيت ده
احمد: انا اطلب منك نخرج تقوليه لا اطلب منك تقوليلى بحبك تقوليلى لا امال مخطوبين ليه
منى: هى الخطوبه فسح وكلام حب لا الخطوبه تأسيس حياة زوجيه هتعيش العمر كله ولازم تقوم على تفاهم
أحمد: خلاص براحتك مش هطلب منك حاجه تانى
منى:من ترك شيئا لله عوضه الله بخير منه
أحمدفى نفسه وهو راسم على وشه تبويزه:هى ديه اللى هتصونى وتربيى ولادى صح
منى: ايه سرحان فى ايه اشرب العصير بقى
احمد: حاضر ياحبيبتى

وبعد مامنى وافقت على الخروج والفسح

احمد كان جاى لمنى فى الزياره الاسبوعية
تعالوا نشوف منى استقبلته ازاى
منى : احمد حبيبى وحشتنى حمد الله على سلامتك
احمد: الله يسلمك
منى: عامل ايه ياحبيبى
احمد: تمام الحمد لله انتى عامله ايه
منى: انا بخير الحمد لله انت كنت واحشنى قوى
احمد: وانتى كمان
منى:هو احنا مش هنخرج النهارده
أحمد: لا بلاش النهارده احسن جاى تعبان
منى: مش انتى وعدتنى تخرجنى
أحمد: اه وعدتك بس تعبان من الشغل
منى: انت كل مره تعبان
أحمد: طيب ماحنا بنخرج كتير مفيهاش حاجه لما اجى يوم واقولك تعبان ونقضيه فى البيت
منى: خلاص براحتك هقوم اعملك حاجه تشربها واجى
أحمد: ماشى حبيبتى

وافتكرى دايما ياحبيبتى ان

مااجتمع رجل وامراه الا وكان الشيطان ثالثهما

وافتكرى كمان

من ترك شيئا لله عوضه الله بخير منه

» اه يانى من الكهرباء
» تعالى اعملى كيكة الحب
» لمسات للحفاظ على الحب بينكما
» جسر الحب في ايطاليا
» ازرعي الحب في قلب زوجكِ الذي لا يحبك

سجل فى : 11/09/2011

تسلمى ياقمر على كلامك ويارب يجعله فى ميزان حسناتك

خطيبى قال.خطيبى عمل.اه يانى يقطع الحب وسنينه

مواضيع مماثلة

مواضيع مماثلة

ردود موضوع : خطيبى قال.خطيبى عمل.اه يانى يقطع الحب وسنينه

خطيبى قال.خطيبى عمل.اه يانى يقطع الحب وسنينه