عندك كسل ومش عارفة تنضفى تعالى اعرفى تعملى اية

مشكلة ستات كتير عندها نظافة المطبخ وغسيل المواعين مشكلة ومش بتحبها وتقيله زى الهم على قلبها وعلى فكرة انا كنت واحدة منهم بس الحمد لله دلوقت بموت فى غسيل المواعين وديما موجودة فى المطبخ
طيب نرجع للقمر ات الى مبيحبوش تنظيف المطبخ هقولكم على حاجة دخلتى قبل كدا مطبخ واحدة سورى يعنى اكتر منك اهتمام بالمطبخ وحاجاتها نظيفة ومرتبه ومطبخها زى الفل كان احساسك ايه وحسيتى ازاى وهى كانت مرة دخلت مطبخط ووقفت جنبك وشافت طريقة غسيلك ومطبخك يضرب يقلب محستيش ساعتها انك مش طايقه نفسك وحسيتى انها احسن منك طب تفتكرى هى فيها ايه زيادة عنك لأايد ولا رجل طب امال ايه الفرق الفرق انها عرفت ازاى تخلى النظافة منهج لحياتها وعرفت ان اهم شىء فى الست لازم يكون النظافة وعلى فكرة بتكون مرتاحة نفسيا لان بيتها مرتب ونظيف ومتتكسفش لو حد زارها فى اى وقت وديما رافعة راسها لفوق لأن انا فى نظرى ان الست الى بتكسل وبتسيب بيتها مش نظيف مش ست لن دا عنوان شخصيتها وبتقبل ازاى ان جوزها واولادها يعشوا معاها كدا ولو ليها بنت هتاخد كل دا منها وتبقى صورة طبق الأصل من الأم ولو اتجوزت واحد بيحب النظافة بكرة هيشتم على الأم ويقول انها اتربت فى بيت مش نظيف تفتكرى الموضوع يستاهل كل دا وانك تخلى الكل ياخد عنك انطباع انك غير نظيفة وطبعا الى بيشوف الخارج كدا اكيد هيقول ان الى جوه اكتر قرف طب ليه ومعلش طولت عليكم بس حبيت انى اعمل مقدمة علشان فيه ستات كتير سايبه كل حاجة وتفتكر ان محدش بيتكلم ومحدش بيشوف وزى النعامة الى بتخبر راسها فى الرمل

اولا ليه مش بتحبى تنظفى كسل طب ليه اول ما بتقومى وطبعا بتصلى الفجر ولازم صلاه الضحى صدقينى فرقت معايا كتير بحس انى عايزة اكل البت اكل ومش بحس باى تعب وديما نشيطة

اهمال طب ليه ان كانت الحركة بتحرك دمك وبتساعدك انك تخسى وبعدين تعرفى ان قله الحركة بتعجز الست بدرى وبتخليها زى الكوبه وتتعب من اقل مجهود
طيب هندخل فى الموضوع هقولك على شويه حاجات هتشجعك على التنظيف
1 ـ اشترى 4 فوط جديدة للمطبخ من ام 2.5 زخليهم ديما ناشفين زخلى واحدة بس للمسح البوتاجاز واخر اليوم تتغسل بالكلور والبرسيل وتنشر
2 ـ بالنسبه للمواعين االى بيتلصق فيها الأكل شويه ماء وحطيها على النار كل الى لازق بيطلع فى الماء وتتدعك وتبقى زى الفل

الطاسات والحاجات الى بتحمرى فيها برضة حطيها على النار وسيبيها تسخن وامسكيها بفوطة واغسليها وهى سخنه كل الدهون والحاجة الى لازقة بتتكحت بالسكينه وبتكون فلة وتتدعك بالسلكة
3 ـ اول ما بدخل على المطبخ بحط شويه كلور وفيبا على البوتاجاز واسيبهم لحد ماغسل المواعين بيبقى فلة وبعدين بيتمسح بشويه ديتول جوه وبره
4 ـ قبل الغسيل المواعين بتجيبى اى كيس نايلون وبتشيلى كل بواقى الأكل من الأطباق وبترميه فى القمامة اولا بيسهلك الغسيل وتانى مش بيخلى الحوض يتسد
5 ـ ودى نقطة مهمه ليفة المطبخ هى الى بتريحك فى الغسيل وبتفتح نفسك فلازم تشترى ليفة من النوع الحلو ولازم تشترى ليفة اسفنجة حلوة 2.5 من فتح الله وفيها سلك من قدام بتريح وبتخلى المواعين فلة ولزم يكون عندك ليفتين واحدة لاطباق وواحدة لللكوبيات
6 ـ الحوض يابنات بعد كل غسله بحته سلك وشويه كلور بيبقى بيبرق واوعى تسيبيه لازم كل غسله يدعك
7 ـ الأرضيه بعد الغسيل بشويه جنرال باللفندر بيفتح النفس اوى فى النظافة وتمسح الأرض بقطعة وتنشف وتفرش
8 ـ الترتيب والنظام مهم جدا وبعد كل طبخة بفوطة مبلوله ونظيفة وتمسحى طقم بهاراتك وارفف المطبخ جوه وبره وكل طبخة

التنشيف التنشيف هو الى بيخلى المطبخ نظيف ومفيهوش صرصار الماء الى بتسيبيها هى بتربى حشرات وبتربى بلاوى فلازم الفوطة الناشفة وتعيدى على كل حاحة غسلتيها والارض الرخامة والفرن وكل شىء ممكن يوصله ولو نقطة ماء

بالنسبه للحمام لازم يدعك اسبوعيا بالكلور والجنرال وينشف جيدا ويفرش علشان نظافة الحمام نظافة للبيت كلة

برضوا بالنسبه للغسيل اول باول وانا بحب اطبق الغسيل قبل ما ادخل من البلكونه علشان باحس انه بيبقى اخف وبعدين برصه فى الدولاب على طول وبحب اخلى التطبيقة صغيرة علشان متخدش مكان وكمان بدوس عليه علشان اخرج الهوى منه وتبقى اكنها مكويه

كل يوم يا بنات بحب امسح الشبابيك من برة علشان طول ما الشبابك نظيفة البيت بيقى نظيف ومتنسيش انهم عنوانك من برة

اوعى تخلى كراكيب فى البيت واوعى تعودى عيالك على النكش والهرجلة صدقينى عقبيهم وعرفيه ان دا غلط علشان الأطفال هما بيكونوا سبب قلة النظافة والنظام فى البيت

عودى جوزك واطفالك ان البيت لازم يكون فى استعداد لأستقبال اى حد وعلشان هما بيحبوكى وبيخافو عليكى لازم ميحطوكيش فى موقف محرج حتى لو قدام اقرب الناس ليكى

مهما يكون البيت نظيف لازم التلميع الزجاج والنيش والسفرة والموبيليا صدقينى الحاجات دى بتخلى البيت احلى والبيت المترتب والى اثاثة مش متلمع بيدى انطباع سىء عنك وبعدين بيقصر عمر الموبيليا وبيخلى شكلها اكنها قديمة ومش حلوة

ريحة البيت اول شىء بيلفت نظرك ممكن تكونى بتمرى امام شقة وبتحكمى عليها نظيفة او لا من ريحتها فالريحة تاثيرها قوى فى النظافة عطريها ديما بالعطور الجو او بالبخور بتاعة المسك والعنبر وهى مش غاليه اسعارها فى متناول الكل وبتفضل عندك وقت طويل
التواليت

الارضيات والاحواض والبانيو بقي كلهم بحاجه واحده خلطه البريل اللي قولت عليه بالخل والليمون
لو بقع بسيطه يعني ركناه بقالك شهر مثلا يبقي كربوناته وملح ليمون وتدوبيهم في ميه وبريل ورشي بالزجاجه وسيبيه نص ساعه وارجعيله بالفرشاه
اما بقي لو الحال بقي متحجر وترسبات الجير بقت كتيره ولا يهمك الكلوروكس الاخضر رجل المهمات الصعبه مع البريل والنيه ورشي برضو ونص ساعه وارجعي له بالفرشه وخلصي
اما التواليت نفسه في القاعده لازم الكلوروكس الاخضر بكميه وفيره وبريل مركز علشان التعقيم
وانتي بقي زيي الشاطره بتشطفي السيراميك والتواليت حطي في الميه شويه زيت عطري او اي اسانص من محلات تركيب العطور

وانتي بتمسحي الشقه ياريت يكون في ديتول في الميه اول مسحه وانتي بتشيلي التراب وتاني مسحه جردل يكون فيه ميه لوحده غير الاولاني وتحطي ميه وداوني او ميه واسانص ولمعي بيها هتبقي جنان
انا كمان برش في كيس المكنسه وعلي براقع الستاير بس من ضهرها علشان متبقعش

اما بقي تلميع الزجاج فبايه
البخاخ الامور وميه وخل وجرايد وسلميلي علي الوندكس بقي راحت عليه
نيجي لتلميع الرخام بقي
بلمعه بايه بليمون وخل وعليهم زيت اكل من بتاع القليه ونقطتين عطر برضو
وبعدين بليفه من بتاعت الحموم العاديه ابل والمع وبعدين بفوطه مبلوله امسح وبعدين بفوط من اللي ليها وبر وناعمه اللي ب 7.5 جنيه بنشف

تعرفى كمان ايه الى بيبين نظافة الست نظافة الا بواب والشبابيك وطبعا مش من الطبيعى اننا ننضف البيت كلة ونكسل على تنظيف الا بواب والمفروض الكلام دا يكون بشكل اسبوعى علشان الأطفال والأيد واى شىء ممكن يعلم على الأبواب

للتنظيف هاتي فرشة وابدأي في إزالة أي آثار للتراب من على الأبواب ... وبعد كده هاتي جردل وحطي فيه مية وملعقة كبيرةصابون وهاتي ليفة أطباق تكون جديدة وخليها لتنظيف الأبواب وابدئي في مسح الأبواببها وبعد كده هاتي قطعة قماش قطنية مبللة بالمية وامسحي الباب بها وبعد كده امسحي الباب بقطعة قماش ناشفة وده علشان تتأكدي من إن الباب نشف تماما من أى آثارللمية

وبعدين طبعا مش هننسى تنظيف الجدران لتنظيف ولمعان الجدران

هتجيبي فرشة علشان تشيلي بها أىتراب موجود على الجدران ولو لاقيتي أي بقعة على الجدران يبقى اكتفي فقط بإنك تمسحيمكان البقعة دي بنفس الطريقة اللي مسحتِي بها الأبواب.لتلميع السيراميك

لو عايزة تتخلصي من أي آثارللبقع اللي بتكون موجودة على البلاط أو السيراميك يبقى هاتي فرشاة خشنة وبليهابالكلور والمية وادعكي بها البقع دي أكتر من مرة كويس وبعد كده امسحيها بالميةالمضاف إليها صابون سائل وهتشوفي الفرق بنفسك.لتلميع خلاطات الحمام والمطبخ والأحواض والبانيو

مشكلة انطفاء لمعان الخلاطات الإستانلستيل وفي الحالة دي يبقى هاتي ليفةخشنة أو قطعة قماش صوف وحطيها في صابون أو أي ملمع للحمامات وابدئي في دعك الخلاطاتبها وبعد كده اغسلي الخلاطات كويس بالمية.. لو الطريقة ماجابتش نتيجة ممكن إنكتمسحيها بقطعة قماش مغموسة في خل

وبعد كده تغسليها بالميةوالصابون.وبالنسبة لتنظيف البانيو والأحواض نفس اللي عملتيه مع الخلاطات هتعمليه مع البانيو والأحواض وعلى فكرة الطريقة دي بتخليهم يلمعوا وبتنظفهم كويس جدا..للتنظيف ولمعان الحمام

لو عايزة النجف يلمع كأنك لسهشرياه يبقى هاتي قطعة قماش وبليها بالمية الدافية المضاف إليها معلقة خل وامسحي بهاالنجف.لكنلو عايزة تلمعي قطع الكريستال الصغيرة يبقى ممكن إنك تنظفيها من حين لآخر بالكحلالمستخدم لتنظيف الجروح.

للتخلص من البقع الموجودة في قماش الستائروالمفارش القطن

لو عندك بقع صعبة في قماشالستائر أو المفارش القطن اللي عندك ومش عايزة تتطلع يبقى ضيفي معلقة من "النشادر" إلى المية اللي هتغسلي بها الستائر أو المفارش وعلى فكرة "النشادر" مش بس هتطلع لكالبقع اللي فيها لأ دي كمان هتحمي المفارش القطن اللي عندك من الكرمشة ..

واوعي تعصري الستائر أو الأقطاناللي بتغسليها لأن ده بيخليها تتكرمش زيادة على اللزم وبيأثر علىنسيجها.للتخلص من البقع الموجودة على رخامةالمطبخ

لو كانت عندك رخامة المطبخلونها أبيض وحاسة إنه بدأ يتغير ويميل إلى الاصفرار يبقى كل اللي عليكي إنك تدعكيهابعصير الليمون مع إضافة شوية ملح ناعم إليه وبعد كده امسحيها بقطعة قماش مبللةبالمية.-للتخلص من بقع الماكياج من علىالسجاد

سجل فى : 03/05/2011

موضوع راااااااائع تسلمي يا قمراية

علشان نبطل كسل

ههههههههه

سجل فى : 24/02/2012

حلوالموضوع

تسلم يا جميل

سجل فى : 16/03/2014

شركة رش مبيدات بالرياض
كشف تسربات المياه
افضل شركة نقل اثاث بالرياض
افضل شركة تخزين اثاث بالرياض
افضل شركة تخزين عفش بالرياض
افضل شركة تنظيف فلل بالرياض
ترميم البيت
شركة رش مبيدات حشرية بالرياض
افضل شركة تنظيف موكيت بالرياض

افضل شركة تنظيف شقق بالرياض
افضل شركة تنظيف بيوت بالرياض
شركة جلي بلاط بالرياض
شركة تنظيف مساجد بالرياض
شركة مكافحة حشرات في الرياض
شركة تنظيف بالرياض
افضل شركة تنظيف منازل بالرياض
شركة نقل اثاث بالرياض
افضل شركة رش مبيدات بالرياض
افضل شركة مكافحة حشرات بالرياض
افضل شركة عزل خزانات بالرياض
شركة رش مبيدات بالرياض
شركة تنظيف خزانات بالرياض
شركة مكافحة حشرات بالرياض

سجل فى : 02/05/2014

موضوع جميل فى محله كلنا محتجين نبطل كسل

عندك كسل ومش عارفة تنضفى تعالى اعرفى تعملى اية

ردود موضوع : عندك كسل ومش عارفة تنضفى تعالى اعرفى تعملى اية

عندك كسل ومش عارفة تنضفى تعالى اعرفى تعملى اية