| | 
اولا .........
مفيش حاجة اسمهااغضب واروح بيت اهلى واحكى مشاكلى لحد ايا كان الحد دة لاامى ولاابى ولا اخواتىلازم نتعود على الخصوصية فى المشاكل قبل السعادة .
يعنى اية؟......يعنى مش عايزين حد يعرف عننا حاجة حلوة ولاوحشةبس هتقولى......
هتقولى ساعات بحسانى مخنوقة ومش قادرة استحمل ولازم افضفض.....ماشى انا معاكى بس ساعتها اختارىصديقة امينة وتصدقك النصيحة وطبعا كلنا عارفين مين من اصدقائنا ممكن تنصح بما يرضىالله ومين لا ء....او انسى الدنيا وادخلى المنتدى وفضفضى مع الموجودين فى منهم كتيرجدا بيراعوا الله فى ابداء النصح وخلى بالك مش كلالنصح!!!!!!!
ثانيا.......
مفيش حاجة اسمها انك تشتكية لاهلة اويعرفوا اوحتى يشموا خبر ان فية مشاكل بينك وبين زوجك ودى حاجة مهمة جداجداثالثا.....
هنتفق على حاجة احنا هنعيشمع ازواجنا يعنى هنعيشوهنعمربيوتنا وهنربى عيالنا ولو ربنا ما رزقناش باطفال بردة هنعمر بيوتنا يعنى هنتحدىنفسنا اننا نخرج احسن حاجة جوانا فى معاملتنا لازواجنا ومعاملة اهلنا ومعاملةاهلالازوج وتربية اولادنا مش صعب دى سهلة جدا وحتى لوحاسة ان مفيش حاجة حلوة فىحياتك هنحاول مع بعض انك توجدى فيها حاجة كويسةرابعا.......
لازم نعدى .....نعدى الزعل والمشاكل ونعدى كل حاجة وحشة فى حياتنا كاننا مش واخدين بالنا انهاوحشة ونقول الحمدللة ان انا اساسا متجوزة ومعاية راجل ساند ضهرى حتى لو مش ساندضهرك قوى والله بردة ساندكخامسا.....
جربتى وانتى غضبانة عند اهلك فىنهاية اليوم اية اللى بيحصل كل واحد بياخد حياتة فى حضنة وينام ومين بقة دلوقتىقاعد وعمال يفكر انتى طبعا ولوحدك ولما يجى يصالحك كل واحد لة راى وكلمة وعشان تبقىعارفة اى راجل فى الدنيا مابيحبش حد يفرض علية فرض لازم يحس برجولتة حتى لو مفتقدهاباى شكل من لاشكال ................يعنى نقول بمعنى تانى اغضبى جوة بيتك ماتسيبيش جوزك يعيش ثانية من غير مايشوفك يحسك فى البيت وكمان ماتسيبيهوش عشان يسمع من هناومن هنا ودة يدى لة راى وفكرة وامة تستفرد بية لوهى بقة مستنيالك على غلطة يعنىهنفضل فى بيوتنا حلوين وحشين عاجبين مش عاجبين هما حلوين اومزعلينا مهما كانتالظروف وحشة هنقف فى وشها ونقوللالالالالالالالالالالالالالالالالالالالالالال الالالالالالالالالالالالالالالالالالالالالالالالال الالا لالالالا ......................فاهمينى ؟؟سادسا ....
معظمنا لما بيحصل مشكلةتقعد تنكت وتهرى فى نفسها وساعات جوزها مابيكونش فى دماغة اى حاجة داخل ع النتولابيكلم صحابة وعمال يكركر ولافى دماغة ان فية واحدة اتحرقت مرتين صح ولا انا غلط؟ لاءءءءءءء...هنعمل اية ياترى؟احسن حل انك تسكتى اة !!!! تسكتى وتاخدى جنبخالص مش هتقعدى تعيطى وتشحتفى وتعلى صوتك بالعياط يمكن يسمعك وقلبة يحن لاء ؟هتمارسى حياتك عادى خالص اكل وشرب ولبس ونضافة وتليفزيون وشوية ***** وشوية لعب معالعيال والله اكتر حاجة تخلى الراجل يفوق التطنيش................ انك تاخدى جنبلوحدك ولا تعبرية هتلاقية لوحدة هواللى بيبدا بالخير والصلح والحاجة الكويسةمش عايزين تانى مشاكل وغضوبات وفضايح لمشاكلناهنعيش يعنى هنعيش بالطولبالعرض هنعيش.طبعا باذن اللهكل واحدة فينا لازم تدور على كل نقاط القوة اللىفيهاكل واحدة لازم تتاكد انها فى احسن وضع ممكن تتمناة حتى لو مش هى شايفة كدةكل واحدة لازم تبص للحلو فى حياتها قبل الوحشكل واحدة لازم تفتكر اللحظاتالحلوة لجوزها حتى لو قليلة بس بردة احسن من غيرةلازم نتاكد ان معظم الرجالةزى بعض ومفيش حد كامل حتى انتى بردة عندك عيوب ....ودة موضوع تانى هنناقشةبعدين....
اخر حاجة هاقولها......حبى حياتك حلوة او وحشة كاملة او ناقصةسعيدة او تعيسة.....عيشى حياتك وماتضيعيش وقت فى الزعل والبكاء والمشاكل وتاخناقخليكى انتىالاقوى والاعقل والاكمل وادى دماغك مساحة اكبر من التفكيروالاستيعاب وخلى بالك طوييييل على اد ماتقدرى وباذن الله هنعيش احلى حياة احناعايزين ونتمنى نعيشهالو عايزينى اكمل شجعونى وقيمونى وانا هاعملكم افكارجميلة تهون على كل وهحدة زعلانة ولا تعيسةولو حد محتاج يتكلم معاية فى اىمشكلة انا تحت امرهاهاه اكمل ولا اية
ماشى المشاكل المادية ونمسك اعصابنا ازاى ؟؟؟؟؟؟؟؟؟؟؟؟؟؟؟مين فينا الحياةعندة وردى وردى والفلوس كتير ومش عارفين نصرفها فى اية ؟انا عايزة الاول نكونمتاكدين ان انا ربنا معوضنى بحاجة عن حاجة ؟؟؟مش فاهمين صح؟؟؟يعنى ممكنيكون عندى مشاكل ماديةبس ممكن بردة يكونربنا رحيم انة رحمنى من المرض ربنا يكفينىويكفيكى شرةبس احنا بردة لازم نقسم المشاكل المادية جزئين
1..فية فلوس بس جوزى بخيل
2..فية فلوس وجوزى مسرف
3.مفيش فلوس وجوزى بخيل
4.مفيش فلوسوجوزى بيدينى كل اللى فى جيبةبصوا بقة مفيش حد على الاقل مننا الفلوس مترميةتحت رجلية بس اللى انا متاكدة منة ان الست هى كل شى حتى لو مفيش فلوس مقضية ليهادورها الاساسىنيجى لاول حاجة اسالى نفسك انا جوزى بخيل ولا لا لو بخيل ماتعمليشاكتر من المطلوب منك ولا تحملى نفسك فوق طاقتها وعلى اد ما يديكى اعملى بس لازمتكونى عارفة فلوسة رايحة فين وعلى فكرة لازم تعرفى ان الستا ت اذكى من الرجالةوبيعرفوا يدبروا احسن يعنى خليكى وسطية فى كل شئعلى فكرة والدتى ىاللة يخليهاويشفيها بتقولى على طول لازم يكون عندك رضا يا.................. يعنى اية رضا يعنىارضى واقتنع انى فى احسن واعلى حال وربنا احن علية وادرى بحالى من اى حد لازم نرضىفربنا يبارك فى القليل ويزيد ويكفى والله عن تجربة كتير زى القليل بس اللى يفهم كدةوحاولى دايما يبقى فى ايدك ورقة وقلم واكتبى كل حاجة معاية كام والمفروض يكفوا كامويتعمل بيهم اية وخودى قليل من الحاجة اللى مش ضرورية وحطيها فى الحاجة الضروريةولازم تتعودى تمشى حالك بكتير اوقليل لازم تعرفى واتاكدى ان لو معاكى الف جنية مشمكفيكى تجيبى بيه اكل وشرب ولبس فية غيرك مش معاة الجنية اللى يجيب بية الدواء اويروح لدكتور يبقى انتى حتى لوظروفك وحشة اكيد احسن من غيرك مش هاقول مليون مرة لاكفاية الف مرةو المرة الجاي هاعلمكم حتة طريقة نظبط بيها مصروف البيت والاولاد انمااية ممتازة ربنا يخلى ابوية اللى علمهالىاكمل ولااية؟؟؟؟؟؟؟؟؟؟؟؟؟؟؟؟؟؟؟؟؟؟ظ
احلى حلول للمشاكل الزوجية المستعصية
بسم الله الرحمنالرحيمهنكمل دلوقتى كلامنا عن المشاكل الزوجية اللى الواحد بيحس انملهاش حلساعات بنلاقى الزوج قاعد على الكمبيوتر ليل نهار وناسى الدنيا ومافيهاوالاسوء لو كان بيفتح حاجات غريبة كدة طبعا فاهمينى ؟ وممكن ما يفتحش يلعب اى حاجةالمهم انة رامى الدنيا وراء ظهرة والاسوء من وجهة نظرى لوكان بيعمل شات مع ناس بردةغريبة كدة والواحدة تكون قاعدة تهرى فى نفسها وتحرق فى اعصابها ومشاكل ومشاكل تزيدبس عشان احنا اتفقنا اننا هنتحدى المشاكل وهنعديها لازم نفكر فى حل صح وطبعاالحلول دى من وجهة نظرى .............
..............ممكن تفضلى قاعدة جنب جوزكلزقة يعنى كلنا نخلص اللى ورانا ونقعد جنبة نضاف وحلوين وريحتنا حلوة
.............خلى بالك ساعات هيبقى مضايق بس انتى مش واخدةبالك انا قاعدة جنبكياحبيبى اشبع منك
...........انا عارفة ان ساعات الواحدة بتبقى هلكانة منالاولاد والبيت والاكل بس لا لازم تفضى لنفسك وتتواجدى على طول جنبة
..........عارفة انا عايزة كل واحدة تحرج جوزها بادبها وجمالها ماتخليش فيهاغلطة ودة مش على طول لا انتى لما تتعودى دة هيبقى العادىبتاعك
...........عارفين انا بحس ان الرجالة بيتلككوا وبيستنوا ليكى على الحاجةاللى ناقصة عندك عشان كدة مش تخلى جوزك يمسك عليكى هفوة انا عارفة ان دة ممكن تعبعليكى بس عشان نوصل ونقول احنا صح ومش مقصرين
............المهم انا عايزة كلواحدة تفضل جنب جوزها الوقت اللى موجود معاها
...........انا عايزاكى لولاقيتية قاعد ع الكمبيوتر الزقيلة عشان يتحرج منك
..........المهم انا عايزةيكون كل واحدة متهنية وراضية لانى بيصعب علية نفسى او اى ست مننا وهى شايلة الهماحنا عايزين الرجالة يعرفوا ان احنا بالطول بالعرض هنعيش ونعمر بيوتنا باذن اللهومش هنخلى للزعل مكان فى بيوتنا
السلام عليكم
انا انهاردة هاحاول افتح موضوعين
اولهم الوسطية عارفة يعنى اية ,,,,,,,,,,,,,,
زمان والدى قالى خليكى وسط يعنى ماتحبيش قوى ............ماتكرهيش قوى ........ماتعشميش قوى .........ماتامليش قوى
حد فاهم حاجة ؟؟؟؟؟؟؟
انا هافهمكم يعنى ماتركزيش مع كل اللى حواليكى قوى ويبقى كل حياتك اللى بتدورى فى فلكة سواء خطيبك اوجوزك او باباكى اوحماتك اوحماكى او اهل زوجك يعنى اى حاجة بتجيب مشاكل مش باقولك تبقى مغيبة لاء طبعا بس هتقللى المشاكل كتير لانك لما تركزى قوى هتتعبى قوى \
افهمك اكتر هنيجى لزوجك التركيز الزيادة معاة هيخليكى تقعدى تقولى هو زعلان لية هو مش بيسال فية لية هو مطنشنى لية انا غلطت فى اية هو انهاردة مش عايز يعمل معاية حاجة حلوة لية هو فية فى دماغة حد او حاجة هو مبقاش يحبنى ذى الاول هوانا اقل من الناس هو انا ممكنم اكون مش مالية عينة وانا عارفة اد اية الستات خيالها خصب وبتعرف تربط المواضيع مع بعض وفى نفس الوقت هو بيكون مش فى دماغة حاجة خالص بس طبعا انتى بينك وبين نفسك هتكونى مصحصسحة لكل حاجة يعنى مش هتركزى قوى فى الحاجات اللى بتجيب مشاكل وزعل وعكننة ونفس الحكاية خطيبك مش لازم تتلهفى علية وهو يكون كل حاجة عندك صبحك ومساكى وفطارك وغداكى.. ولما يحصل مشكلة تقوم الدنيا وماتقعدش غير لما نص اللى حوالينا يعرفوا احنا اية اللى مزعلنا وكل واحد يتبرع براى وماتعرفيش كل واحد جواة اية ؟؟؟؟؟؟؟؟ظ
انا عايزة اوصلكم حاجة مهمة ان كل واحدة فينا تقدر تضحك على عقل زوجها اوخطيبها او حماتها مش قصدى حاجة وحشة بس قصدى تلايم امورها وتمشى نفسها وتوفر شوية الدم اللى بيتحرقوا على الفاضى عشان تحرقهم فى حاجة مفيدة
انا عايزة اوصلكم ان كل واحدة تماشى الظروف حلوة او وحشة وتكون بينها وبين نفسها عارفة انها فى احسن حال وهى احسن من غيرها كتير
تيجى واحدة تقول انتى بتتكلمى من وجهة نظرك اقولها لاء احنا لازم نكون اقوياء بالله اولا ثم بمواطن القوة اللى جوة كل واحدة وخلى بالكم مفيش ست قوية وست ضعيفة لا فية ست ذكية وست غبية فية ست بتعرف ازاى تماشى امورها وواحدة تانبة تغرق فى نقطة ماية عشان كدة باقولكم اجمدوا واقووا وعشان تبقوا عارفين مفيش ست حلوة وست وحشة فية ست واثقة فى الله ثم فى نفسها واثقة ان ربنا حطها فى احسن صورة وفىة ست ماعندهاش ثقة فى اى حاجة
انا عايزة نوصل مع بعض لنقطة حلوة قوى انا باحاول اوصلها نوصل ان احنا نعمل سلام مع نفسنا ونصالحها ونرضيها ونرضى عنها باذن اللة ساعتها هنقدر نرضى كل اللى حوالينا ونتعايش معاهم بذكاء وحكمة ونرضى نفسنا ونتمتع بكل حاجة حلوة ونقلب كل حاجة وحشة ونخليها حلوة ونقوى نفسنا ونرضى الاول عن نفسنا عشان نحس بالرضا عن الحياة اللى احنا عايشينها
بلاش نقعد نضيع العمر فى مشاكل وخناق وزعل تعالو نقول بينا وبين نفسنا الحمد لله على كل نعمة ..........الحمد لله مش عندى مرض وغيرى بيتقطع الحمد لله على النعمة اللى انا فيها
زكل ماتلاقى نفسك زعلانة من الراجل الطيب اللى معاكى دة استعيذى بالله وامسكى ورقة وقلة واكتبى كدة اية حلو واية وحش فية واوعى اوعى تدى الشيطان فرصة انه يعميكى عن حاجة واحدة حلوة عملهالك ويبدا يرصلك اد اية الراجل دة وحش انا قريت مرة التمس لاخيك 99 عذر امال بقة جوزى حبيبى .........حتى لو مزعلك.....
التمس لة كام عذر
ياحبايبى تعالوا نعاهد انفسنا اننا نكون اقوى واجمد واذكى واطول بال ونعيش يعنى نعيش ونعمر بيوتنا ونملاها حاجات حلوة حتى لو الحياة ضلمة ومفيهاش حاجة حلوة تعالو نبص على الحلو اللى فيها ونطنش الوحش بصوا هنعمل اننا مش شايفين الحاجات الوحشة هنجرب وندى نفسنا فرصة
| {.... توقيع بحر الحنين ....} | |
|
|
الرئيسية
