موضوع شامل عن لفات الطرح

موضوع خاص بلفات الطرح السواريه والافراح
واللفات العاديه

موضوع شامل عن لفات الطرح Image10448984

قبل ان نبداء نتعرف الاول علي بعض النقاط الصغيره والمهمه جدا

الموضة دلوقتي في خامات طرح السواريهات والأفراح.

الموضة والاستايل الجديد في طُرح السواريه هي كل ما هو (أملس) زي الساتان والشيفون الطبيعي والأورجانزا الناعمة..

لأن النوع ده من الخامات بتساعد البنات على إنها تربط أكثر من طرحتين بطريقة مريحة وثابتة. نحاول نبعد عن الخامات الناشفة (الواقفة) زي الأورجانزا والتول الجليتر والساتان الناشف. بالإضافة

إلى إن الاكسسوار والورود بيضيف لطُرح السواريهات والأفراح أناقة وجمال وموضة متجددة.

إزاي نقدري تنصمم أشكال مختلفة من ربطات السواريهات عشان تناسب كل وجه؟

السواريهات عموماً بتعتمد على إدخال ألوان مع بعض، وخامات السواريه عموماً بتكون ليكرا وتول، وأهم حاجة

بتساعد على ربط أشكال مختلفة من الطُرح هو إن يكون عندي (بندانات) كثيرة؛ لأننا نعتبرها سحر الحجاب وفى

السواريهات عموماً لازم يكون عندك بندانة تول أو ساتان.

الوجه المليان..

بنستخدم معاه بندانة تول كاملة؛ لأنها بتحدد الوجه و(تلمّه) بالإضافة إنه يتناسب معاه التصميمات الانسيابية والاكسسوار يكون بسيط.

أما الوجه الرفيع..
بنحاول نعمل معاه طبقات كثيرة من البندانات والطرح المستطيلة.

لو جبهتك عريضة
فيه بنات كتير بتشتكي من مشكلة الجبهة العريضة، ومش عارفة إزاي تداريها بالطرحة، لكن حل المشكلة دي بسيطة جداً وكل اللي عليها إنها تلبس باندانا؛ علشان تقطع جزء من الجبهة أو تنزّل الطرحة لأدام شوية علشان تقلل من مساحة الجبهة.

صاحبة الوش الصغير
البنت اللي وشها صغير أو رفيع ممكن تعالج المشكلة دي بإنها تلبس أكثر من طرحة مع بعض.. وتحاول دايماً إنها تدخل ألوان مش تقليدية مع بعض؛ لأن الطريقة دي بتدي أناقة وشياكة، وما فيش أي مشكلة إن الطرحتين يكونوا مطرزين.

وفيه حاجات أساسية في ربطات السواريه ما نقدرش نستغني عنها ومنها:

* لابد أن نستخدم بندانة كاملة علشان تلمّ الشعر.

* أو بندانة ساتان طبيعي علشان تعطي لمعة.

* في بعض الأوقات نحاول أستعمال طرحة مطرّزة مع طرحة عاديّة.

هل شكل الطرحة بيعتمد على شكل الفستان؟!

نحب نشكّل فستان الفرح والسواريه علشان يكون مناسب مع روح وشكل الطُرح اللي بنصممها؛ يعني بنعمل

تغييرات وإدخالات جديدة في التصميمات النهائية للطرحة والفستان مع بعض.

وتعالو نشوف مع بعض بعض لفات الطرح

موضوع شامل عن لفات الطرح 16956alsh3er

طرحه ملونه مع طرحه الفرح
موضوع شامل عن لفات الطرح 34931143351495020410028

ممكن ندخّل بندانة ملونة مع طُرح الأفراح؟

طبعاً ممكن ندخّل البندانة الملونة مع طُرح الأفراح، وزي ما إحنا شايفين في الصورتين وهي عبارة عن...

* بندانة تول بيضاء او ملونه ونربطها من وراء.

* نربط فوق البندانة التول ساتان طبيعي.

* طبقة أخيرة من التول الكريستال وكل ده علشان يعطي انعكاس في الضوء واللمعان؛ خصوصاً في الأفراح.

* بعد كده أدخلت سيلفر او اللون التول الملون كما في الصوره الثانيه اوأبيض في وسط الرأس علشان يعمل كونتراست.

* الخطوة اللي بعد كده نحطّ التاج.

* وفى النهاية أحضرنا طرحة تول مطرّزة وكربجناها من نصف الرأس على الجانبين بشكل عشوائي وأنزلنا التطريز على الكتف.

*******************

ومعانا لفه اخري مزيج من الطرحه الملونه والبيضاء
"حصريا"على فتكات موضوع شامل عن لفات الطرح
رابطه طرحه الوان

ودي طريقه لف الطرحه:

* بندانة قطن بيضاء ونربطها من وراء لثبات الطرحه.

* نربط فوق البندانة االقطن تول لبني ونترك جزء بسيط من التول اللبني لاستعماله في باقي لف الطرحه.

* طبقة أخيرة من التول الكريستال وكل ده علشان يعطي انعكاس في الضوء واللمعان؛ خصوصاً في الأفراح.

*ونضع الطرحه ونبدا بكشكشه بسيطه لتكوين شكل كما هوا موضح بالصور

.
موضوع شامل عن لفات الطرح 1280135028

طرحه بيضاء مع تطريز

ودي طريقه لف الطرحه:

* بندانة قطن بيضاء ونربطها من وراء لثبات الطرحه.

* نربط فوق البندانة االقطن طرحه مطرزه بتطريزات شبه الورود ونحضر .

* نحضر بعض الاكسسورات علي شكل ورود ونضعها كما هوا موضح بالصور

* طبقة أخيرة من التول الكريستال وكل ده علشان يعطي انعكاس في الضوء واللمعان؛ خصوصاً في الأفراح.

* بعد كده أدخلت الجزء المتبقي من التول بالجانب لعمل شكل شبيه بورده خفيفه

* الخطوة اللي بعد كده نحط الطرحه النهائيه البيضاء

موضوع شامل عن لفات الطرح 38515144087253413910028

موضوع شامل عن لفات الطرح 38515144087253413910028

موضوع شامل عن لفات الطرح 38068144119566221710028

موضوع شامل عن لفات الطرح 38643144087353416410028

موضوع شامل عن لفات الطرح 38068144119562221610028

طرحه بيضاء بسيطه جدا
ودي طريقه لف الطرحه:

* بندانة قطن بيضاء ونربطها من وراء لثبات الطرحه.

* نربط فوق البندانة االقطن طرحه تول ونقوم بلفها كما هوا موضح بالصوره .

* طبقة أخيرة من التول الكريستال وكل ده علشان يعطي انعكاس في الضوء واللمعان؛ خصوصاً في الأفراح.

* بعد كده أدخلت الجزء المتبقي من التول بالجانب لعمل شكل شبيه بورده خفيفه

* الخطوة اللي بعد كده نحط الطرحه الي الجانب مع بعض الاشكال بالتول.
طرحة تتلبس على الجاكتات والبدل
موضوع شامل عن لفات الطرح 1280135524

طرحة تتلبس على الجاكتات والبدل

إزاي تجددي في تصميم الطُرح اللي بتتلبس على الجاكتات والبدل؟

عندي فكرة طرحة شيفون منقوشة (منها فيها) مع طرحة ساتان طبيعي.

وخطوات الربطة بسيطة قوي:

* أول خطوة بنجيب الطرحة الذهبي ونربطها على الرأس من وراء والجنب بتاعها من قدام.

* بعد كده نحضّر الطرحة الشيفون من تحت ونربطها على فوق من جنب واحد.

* والخطوة اللي بعد كده نثبّت الطرحتين مع بعض.

* بعدها نلف الطرحة على الرقبة وندخّل الطرحة المنقوشة مع السادة مع بعضهم على جنب.

********************

ربطة مناسبة للحفلات والمناسبات

ربطة مناسبة للحفلات والمناسبات

طيب بالنسبة للربطات اللي بتناسب الحفلات والمناسبات؟

ممكن نبدأ بأول ربطة، ودي مطلوب نجهّز لها بندانة قطن + إيشارب مستطيل لونه أوكسديه + إيشارب مستطيل تركواز منقوش، ويكون على حرير أما الطريقة هتكون:

* أول حاجة هنربط الإيشارب الأوكسديه على وراء، وبعد كده نجيبه على قدام ونربطه ربطة الحجاب العادية.

* ثاني خطوة بنجيب الإيشارب التركواز المنقوش ونلفّه من تحت الرقبة زي الكوفيّة، ونرفعه على فوق، ونربطه على جنب واحد، ونلفّه كأنه وردة، وندبّسه بطرف واحد والطرف الثاني نسيبه على جنب.

* بعد كده بنلف الإيشارب الأوكسديه مع طرف الإيشارب التركواز (داير ما يدور) مع استخدام دبابيس صغيرة للتثبيت.

******************
موضوع شامل عن لفات الطرح 1280135631

من النصائح اللي ممكن ننصح بها البنات علشان شكل الحجاب يكون مظبوط؟

* أول حاجة إن البنت لازم تلمّ شعرها على وراء كويس، وبعد كده تلبس بندانة قطن علشان تثبّت الطُرح

ولما تيجي تربط الإيشاربات تربطها بشكل بسيط ومريح.

* تشتري البندانة على حجم الرأس بالظبط؛ يعني لا تكون واسعة ولا ضيّقة، وتبدأ بخامة قطن، وبعد كده

خامة ناعمة، وتبعد خالص عن إنها تستخدم خامتين ناعمين مع بعض.

* تغطي الرأس بإيشارب واحد، وبعد كده تتحكم في الإيشارب الثاني بأي شكل أو طريقة هي عايزاها.

* تحاول تدخّل السادة مع المنقوش وبلاش تلبس خامات لامعة في الصباح.

* من الأفضل إننا نستخدم دبابيس الإبرة اللي من غير رأس.

إزاي البنت ممكن تحافظ على شياكة ونظافة الطرحة؟

* الإيشاربات تكون مكويّة باستمرار لأن المكواة بتساعد على انسداد المسام اللي بتعملها الدبابيس.

ونستخدم المسك والعطور عند تخزينها في الدولاب.

* عند غسيل الإيشاربات نحاول نستخدم شامبوهات ومساحيق خفيفة وننشرها بمشابك بلاستيك.

* لو حصل إن الطرحة تعرضت (للتنسيل) نستخدم مسدس شمع، وهو عبارة عن لزق شفاف من عند

(الخرداواتي) ونضع نقطة صغيرة على الجزء المتنسّل.

نصيحتى للف الطرح التقليدية؟
لازم تلبسي بونيه قطن وتحطي الإيشارب على حرف البونيه عشان يختفي وتمسكي الطرف القصير بدبوس مشبك بالطرف الكبير وتلفي الطرف الطويل حول الرأس وتثبتي بالدبابيس، وبلاش أكتر من إيشارب في الأول.. كفاية لفة بسيطة.

ولو عاوزة تدخل ألوان في اللفة التقليدية؟
زي ما قلنا البونيه وبعد كده الإيشارب على حرف البونيه وبعدها تمسك الطرف القصير بالطرف الطويل عند الرقبة، وبعد كده الإيشارب الثاني بعده بمسافة من الأول وتمسك أطرافه وتلف طرف الأولى وطرف الثانية في اتجاه واحد بشرط طرف يظهر لونه قبل الثاني، أو تحط الطرفين فوق بعض وتلفهم مرة واحدة وتحط دبابيس للتثبيت

موضوع شامل عن لفات الطرح 14in9