●● نـــكـــت مـــن الآخــــر ●●

1-جماعه سمعوا عن اختراع اسمه السيفون ، حبوا يعرفوا هو إيه ، بعتو

واحد منهم القاهرة ، لما رجع قالهم

(أما السيفون ده حتة اختراع يا رجاله ، تدوس على السيفون ، تنزلك الميه

ويا تلحق تشرب يا متلحقش) .

*********

2- واحد مفتاح عربيته ضاع ، ميكانيكي جه فتحهاله بطفاشه ، تاني يوم

عمل نسخه من الطفاشه.

*********

3- واحد راح لدكتور بلدياته قاله

(يا دكتور، كل لما أحط ايدي على عيني مشوفش)

الدكتور خرمله ايده.

*********

4- واحد عمل عمليه نجحت ، عملها تانى .

*********

5- واحد قال لباباه : (أنا عاوز موبايل)

قالوا (هاجيبهولك ، بس تركب أخواتك معاك).

*********

6- واحد بيعمل كشف نظر، طلع نظره 6/6 ، فصاحبه بيقوله

(مش كده تمام)

قاله (أنا كنت ممكن أجيب أكتر من كده ، بس الدكتور اللي لخبطني) .

*********

7- واحد دخل راسه فى قفص الاسد ، الحارس قاله

(انت بتعمل ايه يا بويا)

قاله (يا عم ما تخافش واحنا هناكله) .

*********

8- واحد عرف ان الجلد موضة مشى عريان .

*********

9- عشرهبيتعلموا ربط الكرافتة ، 6 ماتوا و 4 في حاله حرجه.

*********

10- واحد مات خبي على أهله .

*********

11- واحد حب واحده ، أتجوز أختها ، علشان يضمن يشوفها كل يوم .

*********

12-واحد بيقول لصاحبه .. (بالي مشغول من امبارح يا هريدى)

قاله (يبقى اكيد حد رافع السماعه) .

*********

13- واحد لقى كنز، قال (يابوى لسه هدور عالخريطة !!!) .

*********

14-واحد طلع رحلة و قعد جنب السواق ، فالسواق نزل استراحة ، ورجع

لقى الفتيس مش موجود ،

قالوا (الفتيس راح فين ؟) .....

قالوا (لجيتك طول الطريق عمال تشد فيه مش عارف تخلعه جولت اشلهولك).

*********

15- واحد واقف قدامه خمس شياطين ، واحد يوسوسله و اربعه يفهموه .

*********

16- اربعه راحو يلعبو بلياردو ، واحد منهم وقف فوق الطرابيزة

وقالهم (انا الجوووون) .

*********

17- جماعه بيلعبوا شطرنج ، الملك مات مشلول .

*********

18- بيسألوا واحد بيقولوله

(المصري بنى الأهرامات والياباني بنى إيه ؟)

قالهم (بنا سونيك) .

*********

19- مجموعة ماتوا غرقانين في غواصة ، بعد التحقيق في الحادث ،

اكتشفوا إن واحد فيهم سمع خبط بره ، فتح يشوف مين.

*********

20- واحد أشترى تاكسي كل لما حد يقوله (تاكسي) يقوله (أيوه تاكسي) .

*********

21- واحد بيسأل صاحبه بيقوله (إيه رأيك في تجارة المخدرات)

قاله (تجارة عين شمس أحسن).

*********

22 - واحد حب يعمل روش ، كتب على الشومة (أديداس) .

*********

23- واحد ماشي في الشارع لقى قشرة موز ....

قال (ييييه هتزحلق تاني) .

*********

24- واحد بيدهن الحيطة .. قالوله (حط جرنال تحتك)

قالهم (لأ أنا كده طايل كويس) .

*********

25- واحد وقع في حفرة ، حدفوله حبل ، طلع مشنوق .

*********

26- واحد راح أمريكا ، لقى الناس لابسين تي شيرتات ، مكتوب عليها

بيبسى وكوكاكولا ، لما رجع البلد كتب على التي شيرت بتاعه عصير جصب .

*********

27- الأمريكان والروس بيرسموا على بعض ، الأمريكان يقولوا

(احنا أول ناس طلعنا القمر) ،

والروس يقولوا (لا احنا أول ناس طلعنا القمر)..

واحد كان واقف اتضايق أوى ، قالهم

(انتوا لما طلعتوا القمر ، لقيتوا هناك إيه ؟ ) ،

قالوله (طوب ورمل وزلط ) ، قالهم (احنا اللي مطالعينه).

*********

28- واحد عايز يروح حفله تنكريه بعت أخوه.

*********

29-واحد جاى ينزل من باب العربية لقي الدنيا بتمطر ، راح نازل من

الباب التاني ...

*********

30- واحد دق في صدر ابنه مسمار ، علشان يعلقله البزازه .

*********

31- واحد اشتري عربية شبح ، طلع علي الطريق السريع علشان يجربها ،

فشغل الراديو ، لقي المذيع بيقول (هنا لندن)

قال (يلعن أبو السرعة).

*********

32- بلديتنا عايز يعلم ابنه انجليزى ، راح ابتدائي منفعش ، راح ثانوى

منفعش ، راح الجامعة منفعش ،

قال (لازم اوديه انجلترا ، واجوزه واحدة من هناك ،

علشان يعرف يتكلم انجليزى) ،

راح فى الصباحية بيقولها

"مستر هريدى موجود؟" قالتله "نجولو مين"

*********

33- الولد: بتعمل اية يابابا ؟؟

باباه: بكتب جواب لعمك .

الولد: هو انت بتعرف تكتب؟؟

باباه: يعني هو عمك اللي بيعرف يقرا يا فالح .

سجل فى : 01/07/2011

ههههههههههههههههههههههههه
لا دى نكت تحفة بس انا شامه ريحة تريقة على الصعايدة انا بحترم فيكى انك ماجبتيش سيرتهم
علشان انا صعيدية بس بصراحة كنت محتاجة شوية الضحك دول

سجل فى : 13/07/2011

هههههههههههههههههههه

للصبح
هههههههههههههههههههههههههههههههه

سجل فى : 26/06/2011

هههههههههههههههه حلوين اوى بس انا كنت عايزة اسائل هما الناس والمصريين خصوصا ليه دايما بيجيبو نكت عن الصعايده للدرجادى الصعايده بيحبو الضحك ولا ايه بما انى فلسطينيه نفسى اعرف السبب احتر بحبك امى للجميع

سجل فى : 02/05/2011

ههههههههههههههههههه
ههههههههههههههههههه
بحبك

سجل فى : 13/07/2011

كبرياء انثى كتب:: هههههههههههههههه حلوين اوى بس انا كنت عايزة اسائل هما الناس والمصريين خصوصا ليه دايما بيجيبو نكت عن الصعايده للدرجادى الصعايده بيحبو الضحك ولا ايه بما انى فلسطينيه نفسى اعرف السبب احتر امى للجميع

الصعايده من اطيب خلق الله و الله
بس الشعب المصرى دايما بيحب يتريق على كل حاجه ممكن حتى يتريق علىنفسه ههههههههه
اى حاجه تغير الجو اللى عايشين فيه
تحياتى لك

سجل فى : 24/02/2012

32- بلديتنا عايز يعلم ابنه انجليزى ، راح ابتدائي منفعش ، راح ثانوى

منفعش ، راح الجامعة منفعش ،

قال (لازم اوديه انجلترا ، واجوزه واحدة من هناك ،

علشان يعرف يتكلم انجليزى) ،

راح فى الصباحية بيقولها

"مستر هريدى موجود؟" قالتله "نجولو مين"

كلهم حلوين

عجبتنى دى اووووووووووووووووووووووى

●● نـــكـــت مـــن الآخــــر ●●

ردود موضوع : ●● نـــكـــت مـــن الآخــــر ●●

●● نـــكـــت مـــن الآخــــر ●●