اكلات قرديحى

طبعا بمناسبة الحاله الاقتصادية اللى احنا بنعيشها فى مصر وكمان بمناسبة الحر وعاوز كل يوم تغييرفى الاكل علشان الزهق وفى نفس الوقت عاوزين توفير جايبالكو حبة اكلات اقتصادية:
العدس بجبه بالزيت و الليمون :
المقادير : - 2 كوب عدس مغسول و منقوع نصف ساعه قبل الطبيخ
- 2 بصله متوسطه مبشورة
- 4 حبات طماطم مبشورة بمبشرة البصل
- ملح و فلفل و كمون كتير
- زيت و ليمون
الطريقه : أضع العدس فى الحله و أغطيه بالماء لما يغلى غلوتين اشيل الريم اللى على الوش و بعدين أضيف البصل و الطماطم و الفلفل و لا نضع الملح ابدا اثناء تسوية العدس ...........كل شويه اضيف ماء يبقى مغطى العدس .......لما يستوى العدس اضيف الكمون و الملح و أطفى ......اهم حاجه يبقى العدس فيه ميه شويه مش ناشف
التقديم : اضع فى كل طبق شويه عدس و اضيف الزيت و الليمون و يقدم معه بطاطس مسلوقه و ممكن بصل أخضر و بالهنا و الشفا
المسقعة:
يحضر البتنجان ويقطع شرائح.. بعض الناس بتفضل تقشيره والبعض الآخر يفضله بقشره..
يقلى التنجان ثم ينشف على مناديل ورقية ماركة كارمن لتمتص الزيت..
تحضر الصلصلة والتخديعة وتطش الطشة مع لوازمها (الحركة بتاعة زينات صدقي)..
تترك لعدة دقائق حتى يحصل الانسجام المطلوب وكده

تقدم ساخنة ويفضل البعض تقديمها ساقعة (على أساس انها مسقعة يعني).
وبالهنا والشفا.

3- البصارة:
المقادير

نصف كيلو فول مدشوش

2 حزمة بقدونس

2 حزمة كزبره خضراء

2 حزمة شبت

4 بصلات خضراء ( البصل الأخضر الطويل )

ملعقه كبيرة خل

ثوم مفروم........و 6 فصوص ثوم سليم

بصله كبيره مقطعه قطع كبيرة

كزبرة جافه مطحونة ( من التوابل عند العطار )

ملح و فلفل و كمون مطحون

زيت زرة للتقليه

الطريقه

أغسلى الفول و أنقعيه فى ماء لمدة ساعة أو ساعتين
غيرى الماء و ضعى ماء آخر و ضعيه على النار ثم أضيفى البصله الكبيرة و فصوص الثوم السليمه
و النار تكون عالية و من وقت لآخر تقللبى
بعد ما ينضج الفول و شكله يكون تام النضج و الماء يا دوب تكون مش ظاهرة......أضيفى الخضروات السابقة و تكون مغسوله و مقطعه (((((((( بدون أضافه ملح.)))))))))...و أتركيها حتى يقل الماء أكثر
بعد حوالى 10 دقائق أطفى النار و أتركيها تهدأ ثم أضربيها فى الخلاط على دفعات ......
ثم ضعيها فى أناء الطبخ و ضعيها على النار مرة أخرى مع أضافة الملح و الفلفل و (الكمون قليل) و ملعقة كبيرة خل
تغلى قليلا لمدة 5 دقائق ثم أبعديها عن النار

لعمل التقليه......
أضيفى زيت فى طاسه التحمير و الثوم المفروم و البصل المفروم ( فرم خفيف شويه ) مع الكزبرة المطحونه
و ضعيهم على النار مع التقليب حتى يصبح اللون ذهبى
أضيفى نصف التقليه على البصارة و النصف الآخر أحتفظى به لتجميل الأطباق بعد الغرف
ثم قللبى البصارة و أغرفيها فى أطباق التقديم لكل شخص طبق
ثم ضعى فى منتصف الطبق على الوجه قليل من التقليه ....و بالهنا و الشفا

مدفونة البطاطس
المقادير 1نصف ك بطاطس مقطعه حلقات
2نصف كبصل مقطع حلقات
3ملح وفلفل اسمر
4 معلقة زبدة
الطريقة توضع الزبدة فى اناء ونرص حلقات البطاطس ثم البصل على شكل طبقات
ونتبلهم بل الملح والفلفل ونرفع الاناء على نار هادئة الى ان تنضج
نضيف عصير الطماطم ونتركهم لمده خمس دقايق مش اكتر وبعدين نضيف البقدونس والطماطم المقطعه والارز وباقي مقدار المايه عشان الارز لغايه المايه ماتغلي وبعدين نوطي البوتجاز اوي
لغايه مايستوي

والف هنا وعافيه
طريقة عمل مكرونة:
بصله كبيره حلقات

فلفل حلقات
جزر شرايح

توم مقطع

علبه صلصه خفيه مش تقيله او عصير طماطم مش كتير 3 حبات بالكتير علي الكيس الكيلو

فكره المكرونه دي اننا مش بنسبك الطماطم

نسلق المكرونه ونصفيها

الخيلط ده كله علي النار من غيرالصلصه مع حبه زيت صغيرين كام تقليبه مايسوتاش خمس دقائق بالكتير

بعد كده يضاف عصير الطماطم او الصلصه ونصب المكرونه عليه شويه ونزلها

الخضار هنا مش بيكون مهروس لانه مش مستوي اوي

والطماطم يادوب طعم فبتخلي المكرونه مش جامده وكمان مش بتبقي تقيله

الكشرى الأسكندرانى :
جميل جدا و خصوصا للأطفال ............
المقادير : كوب عدس اصفر - بصله - كوب و نصف أرز - ملح و فلفل و زيت
الطريقه : تبشر البصل و تحمر فى الزيت شويه لما تصفر .....يضاف العدس الأصفر المغسول و المنقوع شويه فى الماء و يقلب مع البصله و يضاف اليه الماء شويه بشويه لما يستوى ........يضاف ماء للأرز الملح و الفلفل و يضاف الأرز للعدس و لما يغلى نوطى على الأرز و نضعه فوق صفيحه .........- عمايل الأرز العاديه - لما يستوى يقدم معاه اما بيض مسلوق او طماطم بالخل و التوم و الكمون
و دى طريقه الكشرى العادى
وبالف هنا وشفا وهاجبلكو ان شاء الله اكلات كتير