الطاووس المغرور

يلا نبتدي
كان يا ما كان كان في زمان كان في ايه
كان في طاووسين اخوات الطاووس توتو والطاووس جوجو

الطاووس توتو كان طيب وبيحب الكل وكان ليه ريش جميل ولونه ابيض ودايما يحمد ربنا علي نعمته ان اعطاله الريش الحلو ده ومش بيحب يتكبر علي حد بيه ودايما كان بيحب صحابه وجيرانه ويحب يلعب معاهم

انما الطاووس جوجو كان ريشه الوان كتيره وشكلها جميل بس كان متكبر بانه شكله حلو ومش بيحمد ربنا علي نعمته ومش بيحب يلعب مع حد

في يوم الاصحاب اتجمعوا وراحوا لتوتو وجوجو يقوللهم تعالوا العبوا معانا
الكلب هوهو قال:تعالي يا جوجو انت وتوتو نلعب مع بعض علي شط البحر
والبطه توحه قالت:ايوه يلا علشان انا بحب اللعب عند البحر ولما نخلص نروح نلعب رياضه

والببغاء نونو قال:فعلا اللعب هنا حلو والجو جميل خالص
القطه هاديه قالت :انا بحب العب هناك ولما نخلص انا وهوهو بنروح نلعب رياضه علشان نحافظ علي جسمنا

فرح الطاووس توتو ان صحابه جايين يلعبوا معاه ووفاق علي طول وقالهم انا جاي معاكم
انما الطاووس جوجو قال :لا انا مش بلعب مع حد بحب العب لوحدي

حاول توتو يقنعه ويقوله: وفيها ايه لما تلعب معانا
فسابه جوجو ومشي بعيد لوحده في الحديقه
فراح توتو مع اصحابه ولعبوا علي شط البحر مع بعض
ولما تعب هوهو قعد يستريح شويه

وفي نهاية اليوم هوهو وهاديه راحوا يلعبوا مع بعض رياضه

فضلوا علي الحال ده توتو يلعب كل يوم مع اصحابه لكن جوجو بيلعب لوحده
وفي يوم من الايام كان تلات ولاد صغيرين شقين مشين فشافوا مين شافوا توتو قاله الله الطاووس ده ريشه جميل تعالوا نقطف ريشه ونأخده

وراحوا يمسكوا توتو علشان يقطفوا ريشه
وفي وقتها نط عليهم هوهو وعضهم

وهاديه خربشتهم في رجليهم
فجروا وهم خايفين وسابواتوتو وزعلوا انهم مأخدوش ريشه
وهم ماشين ماشين شافوا مين شافوا جوجو ماشي لوحده
قالوا الله الطاووس ده ريشه ملون وجميل وماشي لوحده احنا هنقطف ريشه

قعد جوجو يعيط وزعل انه اتكبر علي صحابه ومن يومها وهو بقي يحبهم وميتكبرش عليهم ويلعب معاهم

سجل فى : 15/07/2011

سجل فى : 26/06/2011

الطاووس المغرور

ردود موضوع : الطاووس المغرور

الطاووس المغرور